நல்ல காரியங்களைத் தொடங்குவதற்கு விலக்கப்பட்ட மாதமாக மார்கழியை குறிப்பிடுகிறார்கள். திருமணம். புதுமனை புகுதல் போன்ற மங்கல நிகழ்ச்சி எதையும் மார்கழியில் செய்வதில்லை. ஆனால் கீதை அருளிய கண்ணனோ "மாதங்களில் நான் மார்கழி" என்று கூறியிருக்கிறார். எனவே மார்கழி ஒரு உத்தமமான மாதத்தை புறக்கணிப்பது ஏன்?

நமக்கு ஒரு வருடம் என்பது தேவர்களுக்கு ஒரு நாள். நம்முடைய 360 வருடங்கள் தேவர்களுக்கு ஒரு வருடம். ஆடி மாதத்திலிருந்து மார்கழி வரையுள்ள தட்சிணாயனம் தேவர்களுக்கு இரவு நேரமாகும். தை மாதத்திலிருந்து ஆனி மாதம் வரையுள்ள ஆறு மாத காலம் உத்தராயணம் அவர்களுக்குப் பகல். இரவு நேரத்தின் கடைசி மாதம் மார்கழி. அது முடிந்தால் பகல் பிறந்து விடும். எனவே தேவர்களுக்கு இது விடியற் காலையாகக் கருதப்படுகிறது. எனவே மார்கழி மாதத்தை பீடை பிடித்த மாதம் என்று எண்ணுவது தவறு.


தனுர் ராசியில் அப்போது சூரிய பகவான் இருக்கிறார். இந்த ராசி குரு பகவானுக்கு உரிய வீடாகும். அம்மாதம் இறைவழிபாட்டுக்காக ஒதுக்கப்பட்டிருக்கிறது என்பது தான் உண்மை. கோயில்களிலெல்லாம் சிறப்புப் பூசைகளும், உற்சவங்களும் நடக்கும். இதில் மக்கள் கலந்து கொள்வார்கள். திருவெம்பாவை, திருப்பாவை ஓதப்படும் மாதமாக மார்கழி சிறந்து விளங்குகின்றது. மக்கள் அதிகாலை எழுந்து குளித்து வீதி தோறும் பஜனை செய்வது போன்ற வழக்கங்கள் இதனால்தான் ஏற்பட்டது. எனவே மார்கழி மாதத்தில் எந்த நல்ல செயல்களும் செய்யலாம்.

இது முத்துக்கமலம் இணைய இதழின் படைப்பு.