ஜப்பான் நாட்டில் மூன்றாம் எண் மிக முக்கியமானதாக இருக்கிறது. ஒருவரது பெயரில் மூன்றாவதாக வரும் எழுத்திற்கும் அவரது குணத்திற்கும் அதிகமான தொடர்பு இருப்பதாக அந்த நாட்டு மக்கள் கருதுகின்றனர்.

ஒருவரது பெயரின் மூன்றாவது எழுததைக் கொண்டு அவர்களுக்கு என்ன குணங்களெல்லாம் இருக்கும் என்பதை அறியலாம் வாங்க...

A - அதிகமாக வலிமை வாய்ந்தது. இவர்களுக்கு, தைரியம், உறுதி மற்றும் பேராராட்டக் குணம் இயற்கையாகவே இருக்கும், ஒரு சூழ்நிலையை இவர்கள் தீர்மானிப்பது போலவேக் கொண்டு செல்ல நினைப்பார்கள், மற்றவர்கள் இவர்களை வழிநடத்துவது இவர்களுக்கு அறவே பிடிக்காது.

B - மற்றவர்கள் பார்த்துப் பெருமைப்படும்படி நடந்து கொள்வார்கள். இவர்கள் வாழ்க்கையில் உணர்ச்சி என்ற பேச்சுக்கே இடமில்லை. மனிதர்களை எப்படிக் கையாள வேண்டும் என்பதில் கை தேர்ந்தவர்களாக இருப்பார்கள்.

C - அப்பாவியானவர்கள். அதே நேரத்தில், அதிகத் திறமைசாலிகள், மற்றவர்களுடன் எளிதாகப் பழகிவிடுவார்கள். சமூகத்தில் இவர்களுக்கு நல்ல பெயர் இருக்கும். அதே நேரத்தில் இவர்களை ஒருவர் மனதால் காயப்படுத்திவிட்டால், காயப்படுத்தியவரைப் பழி வாங்க அவர்கள் போடும் திட்டங்களை எல்லாம் மற்றவர்களால் யோசித்துக்கூட பார்க்க முடியாது. மற்றவர்கள் ஒரு வார்த்தை அவர்களைத் தவறாக பேசினால் கூட அதை அவர்களால் தாங்கிக் கொள்ள முடியாது. இவை எல்லாம் அவர்களின் பிறவிக் குணங்கள். இதே போல் பேச்சில் இவர்களை மிஞ்ச முடியாது. அடுத்து நடக்கவிருப்பது குறித்து இவர்களுக்கு அவ்வப்போது ஒரு உள்ளுணர்வு வரலாம்.

D - அனைவராலும் அதிகமாக விரும்பப்படுபவராக இருப்பார்கள். இவர்கள் இருக்கும் இடத்தைச் சுத்தமாக வைத்திருப்பார்கள். எடுத்த இடத்தில் எடுத்த பொருளை வைக்க வேண்டும் என்பது இவர்கள் விருப்பமாக இருக்கும். வாழ்வின் அர்த்தத்தையும் போக்கையும் நன்கு புரிந்து வைத்திருப்பார்கள். இதனாலேயேப் பல இடங்களில் தலைமைப் பொறுப்பு இவர்களுக்குக் கிடைக்கும். அதே நேரத்தில் எதிலும் இவர்கள் பிடிவாதமாக விட்டுக் கொடுக்காமல் இருப்பார்கள்.

E - மற்றவர்கள் விரும்பும் நல்ல குணத்துடன் இருப்பார்கள். இவர்கள் இயற்கையாகவேக் கருணையுடனும், மென்மையாகவும் இருப்பார்கள். மிகக் கடினமான பிரச்னைகளையும் எளிதாக முடிப்பார்கள். இவர்களின் நண்பர்கள் மற்றும் உடன் வேலை செய்பவர்கள் இவர்கள் பேச்சில் அசந்து போவார்கள். ஆனால் இவர்கள் காதல் வாழ்வில் நம்ப முடியாதவர்களாக இருக்க அதிக வாய்ப்பு உண்டு.

F - மற்றவர்கள் மீது அக்கறை கொள்ளக்கூடிய அதே நேரத்தில் பொறுப்பு மற்றும் குடும்ப பாசம் அதிகம் மிகுந்த நபராக இருப்பார்கள். அதே நேரத்தில் இவர்கள் இயற்கையாகவேத் தனிப்பட்ட வாழ்க்கையில் அதிக ஈடுபாட்டுடன் இருப்பார்கள். ஆனால், இவர்களிடமிருக்கும் குழந்தைத்தனமும், வஞ்சமான எண்ணமும்தான் மோசனமான குணங்கள். இவர்களில் சிலர் போலியானவர்களாக இருக்கவும் வாய்ப்புகள் அதிகம்.

G - இவர்கள் புதிதான விஷயங்களைச் செய்வதில் எப்பொழுதும் அதிக விருப்பத்துடன் இருப்பார்கள். இவர்களின் விருப்பதிற்கு ஏற்பவே இவர்களின் வாழ்வை வாழ நினைப்பார்கள். இவர்கள் சற்று புத்திசாலியாகவும், விரைவாகச் சிந்திப்பவருமாக இருப்பார்கள். இவர்கள், ஒருவர் சொல்வது உண்மையா, இல்லையா என்பதைக் கண்டுபிடிப்பதில் கை தேர்ந்தவர்கள்.

H - இவர்கள் பொதுவாக அதிக அனுபவ அறிவு உடையவர்கள். மேலும், இவர்களிடம் சற்று மூர்க்கக் குணமும் அதிகமாக இருக்கும். தொழில் செய்ய ஏற்ற நபர்கள் இவர்கள் தான். இதனால் இவர்களிடம் சிறந்த தலைமை பண்பும் இருக்கும். பொறுமையும், பொறுப்புணர்ச்சியும் இவர்களிடம் அதிகமாகவே இருக்கும். வெற்றிக்காக அதிகமாக உழைப்பார்கள். ஆனால், இவர்கள் உறவுகளில் சற்று பின் தங்கிய நிலையிலேயே இருப்பார்கள். இதே போல் அதிகச் சுயநலம் மிக்கவராகவும் இருப்பார்கள்.


I - புனிதமான எண்ணங்களையும், கனிவான மனதையும் கொண்டவர்களாக இருப்பார்கள். எந்த முடிவையும் ஆழமாக யோசித்தப் பின்புதான் முடிவு செய்வார்கள். அதிகமாக மற்றவர்களுக்கு உதவி செய்து இவர்களது இயற்கைக் குணம். இவர்களுக்கு அதிர்ஷ்டம் சற்றுக் குறைவு தான். இவர்களின் மோசமான குணம், அவ்வப்போது இவர்களது செயல் மற்றவர்களை எரிச்சலூட்டும். ஆனால் இவர்கள் எளிதில் மற்றவர்களிடம் ஏமாந்து போவார்கள்.

J - இவர்கள் இருக்கும் சூழநிலைகளை உணர்ந்து, அதற்கு ஏற்றார் போல் செயல்படுபவர்கள். வாழ்வில் அவர்களுக்கு ஒரு விஷயம் வேண்டும் என்றால் அதற்காக எதை வேண்டுமானாலும் இழக்கத் தயாராக இருப்பார்கள். தன்னம்பிக்கையும், தீர்மானமும் இவர்களிடம் அதிகமாகக் காணப்படும். வாழ்க்கைத் துணையைப் புரிந்து கொண்டு செயல்படுவார்கள்.

K - பொது இடங்களில் மற்றவர்கள் கவனத்தை அதிகமாக ஈர்க்கக்கூடியவர்களாக இருப்பார்கள். ஒரு பிரச்சனை ஏற்பட்டால், அதில் இருவரையும் சமாதானப்படுத்துவது இவர்களாகத் தான் இருக்கும். மற்றவர்கள் மீது அதிக அக்கறைகளை கொண்டிருப்பர். தனது வாழ்க்கை துணையின் அன்பு என்றும் உறுதியானதாக இருக்க வேண்டும் என்று நினைப்பவர்களாக இருப்பர்.

L - தங்களது வாழ்க்கையையும், சக மனிதர்களையும் பார்க்கும் விதமே வித்தியாசமானதாக இருக்கும். இந்த உலகிலேயே இவர்களுக்கு முக்கியமான நபர் இவர்களது வாழ்க்கைத் துணைதான். இவர்களுக்கு நகைச்சுவை உணர்வு சற்று அதிகமாக இருக்கும்.

M - உண்மையாகவும், கடும் உழைப்பாளியாகவும் இருப்பவர். சிலர் போதைக்கு அடிமையானது போல், இவர்கள் உழைப்பிற்கு அடியானவர்கள். இவர்களுக்கு மற்றவர்களிடம் சென்று உதவி கேட்கப் பிடிக்காது. எதுவாக இருந்தாலும் தானாவேச் செய்து கொள்வார்கள். இவர்களின் பொறுமையை ஒருவர் சோதித்தால் அவ்வளவு தான் கடும் கோபக்காரர்களாக மாறிவிடுவார்கள்.

N - எதைச் செய்தாலும் சரியாகச் செய்ய வேண்டும் என்ற எண்ணத்தைக் கொண்டவர்கள். மேலும், இவர்கள் இயற்கையாகவே மற்றவர்களுடன் நன்கு பழகும் குணத்தைக் கொண்டவர்கள். இவர்கள் ஆட்டு மந்தை போல செயல்படமாட்டார்கள். ஆட்டுக் கூட்டத்தில் தனியாகத் தெரிய வேண்டும் என நினைப்பார்கள்.

O - மற்றவர்களிடம் அதிகம் அன்பு காட்டும் நபராக இருப்பார்கள். மற்றவர்களுக்குக் கற்றுத் தருவதில் அதிகம் ஆர்வம் கொண்ட இவர்கள் ஆய்வுகளை மேற்கொள்ளவும் ஆர்வம் காட்டுவார்கள்.

P - பெரும்பாலும் அனைத்திலும் தாங்களே முதன்மையாக இருக்க விரும்புவார்கள். இயற்கையாவே இவர்கள் பிடிவாதக்கார்களாக இருப்பார்கள். ஆனால், சுற்றியுள்ளவர்களை எப்பொழுதும் மகிழ்ச்சியாக வைத்திருக்கவே விரும்புவார்கள். ஆனால், இவர்கள் சற்று சுயநல சிந்தினை உடையவர்கள். அதே நேரத்தில் நல்ல நகைச்சுவை உணர்வுகளும் இவர்களிடம் இருக்கும்.

Q - தங்கள் வாழ்வில் உண்மையாகவும், நேர்மையாகவும் வாழ நினைப்பவர்கள். இவர்கள் நட்பாகப் பழகவும், அறிவுரைகள் கேட்கவும் சிறந்த நபர்கள். எந்த நேரத்திலும் எந்தச் சூழ்நிலையிலும் எதையும் விட்டுக் கொடுக்க மாட்டார்கள். மற்றவர்கள் ஒரு பாதையில் சென்றால், இவர்கள் வேறு பாதையில் செல்ல விரும்புவார்கள். இவர்களுக்குக் கூச்சச் சுபாவமும் இருக்கும்.

R - நல்ல ஞானம் உடையவர்கள். அதே நேரத்தில், இவர்களுக்கு இரக்க குணமும் அதிகமாக இருக்கும். மற்றவர்களின் துன்பங்களைப் போக்குபவர்களாக இருப்பார்கள். இவர்களுக்குப் பிடித்தவர்களுக்கு உதவி செய்ய எந்த எல்லைக்கு வேண்டுமானாலும் செல்வார்கள். ஆனால், இவர்களிடம் முன்கோபம் அதிகமாக இருக்கும்.

S - அதிக நம்பகத்தன்மை கொண்டவர்கள். இவர்களின் திறமை மற்றும் அழகு இவர்கள் இருக்கும் இடத்தில் இவர்களைக் கவனிக்க வைக்கும். இவர்கள் பணக்காரர்களாக ஆசைப்படுவார்கள். அதனால் பணம் சம்பாதிப்பதிலும் சேர்ப்பதிலும் இவர்களை மிஞ்ச ஆட்கள் இல்லை.


T - இராஜதந்திரமுடையவர்களாக இருப்பார்கள். இருவருக்கிடையேப் பிரச்னை ஏற்பட்டால், அதைத் தீர்த்து வைப்பதில் இவர்களது பங்கு முக்கியமாக இருக்கும். இவர்கள் அதிர்ஷ்டத்தை விட உழைப்பை அதிகம் நம்புவார்கள். இவர்களது வெகுளித்தனமும், உதவி செய்யும் குணமும் மற்றவர்களை ஈர்க்கும். புதுமையை விரும்பும் இவர்கள் பழமையில் ஈடுபாடு இல்லாமல் இருப்பார்கள்.

U - இவர்கள் கடினமான உழைப்பாளிகள். இவர்கள் நல்ல வசதியுடன் வாழ விரும்புவார்கள். இவர்களுக்கு எதை, எப்பொழுது செய்ய வேண்டும் என்று தெளிவாகத் தெரியும். புதிய புதிய விஷயங்களில் அதிகம் கவனம் செலுத்துவார்கள். வாழ்க்கையில் அடுத்த நிலைக்குச் செல்ல அவர்கள் விரும்பும் நபரை பிரியவும் தயங்க மாட்டார்கள்.

V - உண்மையான மனிதர்களாக இருப்பார்கள். இவர்களிடம் அதிக நினைவுத்திறன் இருக்கும். சின்ன செயலையும் அதிக நாட்கள் நினைவில் வைத்திருப்பார்கள். உறவினர்களிடம் நெருக்கமாக இருப்பார்கள். இவர்கள் மற்றவர்களைச் சார்ந்து வாழ்ந்தாலும், அவர்களை மற்றவர்கள் சார்ந்து வாழ்ந்தாலும் அதற்கு ஏற்றார் போல் நடந்து கொள்வார்கள்.

W - பெரும்பாலும் மனத்தள்ளாட்டத்துடனேயேக் காணப்படுவார்கள். இவர்களுக்கு தான் சிக்கலுக்குள் மாட்டிக் கொண்டோமோ அல்லது மாட்டிக் கொள்வோமோ என்ற பயம் எப்பொழுதுமே இருக்கும். எனவே மன அமைதியின்றி இருப்பார்கள்.

X - எப்பொழுதும் தனித்திருக்கவே விரும்புவார்கள். எதிலும் ஒட்டி உறவாட விரும்பமாட்டார்கள்.


Y - இவர்கள் கவனமுடன் செயல்படுபவர்களாக இருப்பார்கள். இவர்களில் பலர் பணக்கார வாழ்க்கைத் துணையை தேர்ந்தெடுக்க விரும்புவார்கள். இவர்களது சொந்த இடத்தில் இருக்கத்தான் விரும்புவார்கள். மற்றவர்களுடன் எளிதில் சேர்ந்து விட மாட்டார்கள்.

Z - இவர்களுக்கு உடலில் அதிக பலமும், தன்னம்பிக்கையும் அதிகமிருக்கும். இவர்கள் இலக்கை நோக்கிப் பயணிப்பவர்கள். அதனால் இவர்கள் அலுவலகத்தில் சிறப்பான ஆளாகக் கவனிக்கப்படுவார். இவர்களிடம் இருந்துதான் ஒரு வேலையை எப்படி செய்து முடிக்க வேண்டும் என்பதைக் கற்றுக்கொள்ள வேண்டும்.

இது முத்துக்கமலம் இணைய இதழின் படைப்பு.