கடமை
 கடமையைச் செய்துவிட்டேன்; அதற்காகக் கடவுளைத் துதிக்கிறேன். - செல்ஸன்
உன் கடமையைச்செய்ய முயல்க; அப்பொழுது உன் தகுதியை உடனே அறிந்து கொள்வாய். - கதே
கடமையை நிறைவேற்ற அன்பு, தைரியம் என்று இரண்டு வழிக்காட்டிகள் உள்ளன. இரண்டும் ஒன்று கூடி விட்டால் ஒருநாளும் வழி தவறுவதில்லை. - அனடோல் பிரான்ஸ்
சாந்தம், குதூகலம் - இவையே அறங்களின் முன்னணியில் நிற்பன. இவையே பரிபூர்ணமான கடமைகள் ஆவன. - ஆர். எல். ஸ்டீவன்ஸன்
நல்லவனும் ஞானியும் சில சமயங்களில் உலகத்தைக் கோபிக்கலாம், சில சமயங்களில் அதற்காக வருந்தலாம். ஆனால், உலகில் தன் கடமையைச் செய்பவன் எவனும் அதனிடம் ஒருவ்பொழுதும் அதிருப்தி கொள்வதில்லை என்பது மட்டும் நிச்சயம். - வஸதே
பிறர்க்கு நான் செய்ய வேண்டிய கடமை யாது? அவரை நல்லவராக்குவதா? நான் ஒருவனைத்தான் நல்லவனாக்க வேண்டும். அவன் நானே. பிறர்க்குச் சந்தோஷம் அளிப்பதே அவர்க்கு நான் செய்யக்கூடிய கடமையாகும். - ஆர். எல். ஸ்டீவன்ஸன்
செய்ய இயலாததில் சினங்கொள்வது ஏன்? செய்ய இயன்றதைச் செய்வோமாக. - ரொமெய்ன் ரோலண்டு
உலக அரங்கில், 'இன்ன வேஷதாரியாகத்தான் நடிப்போம்' என்று கூற இயலாது. கொடுத்தவேலையைத் திறம்படச்செய்து முடிப்பதே நமது கடன். - எபிக்டெட்டஸ்
செய்ய வேண்டியதைச் செய்ய முயல்க; முயன்றால் செய்யவேண்டியது இது என்பதில் சந்தேகம் ஏற்படாது. - ஆவ்பரி
கெட்ட காலம் வந்தால் எப்படிச் சகிப்பது என்பது குறித்து, நல்ல காலத்தில் சிந்தனை செய்வது மாந்தர் கடன். - டெரன்ஸ்
இன்று உன்னால் கூடியமட்டும் நன்றாய்ச் செய், நாளை அதனினும் நன்றாய்ச் செய்யும் ஆற்றல் நீ பெறக் கூடும். - நியூட்டன்
அறமே ஆற்றல் என்று நம்புவோமாக. அந்த நம்பிக்கையுடன் நாம் அறிந்த கடமையை ஆற்றத் துணிவோமாக. - ஆப்ரகாம் லிங்கன்
உன் கடமையைத் தைரியமாய்ச் செய்துவிட்டால் நீ அடையும் பலன் யாது? அதைச் செய்ததையே பலனாய் அடைவாய். செயலே பலனாகும். - ஸெனீக்கா
கடனின்றி வாழ விரும்பினால் உரிமைகளைத் துறக்க வேண்டும். - பால் ரிச்சர்டு
ஒருபொழுதும் தவறு செய்யாதவன் ஒன்றும் செய்யமாட்டான். - ஆவ்பரி
ஒன்றும் செய்யாது காத்திருப்பவரும் ஊழியம் செய்பவரே. - மீல்டன்
உனக்குத் தெரிந்தவற்றை யெல்லாம் நன்றாக அனுஷ்டிக்க முயல்க. அங்ங்ணம் செய்தால் நீ அறிய விரும்பும் மறை பொருள்களையெல்லாம் சரியான காலத்தில் தெரிந்து கொள்வாய். - செம்பிராண்ட்
தானே செய்யக்கூடியது எதையும் பிறர் செய்ய விடலாகாது. - இப்ஸன்
தொகுப்பு:- மு. சு. முத்துக்கமலம்.
*****
 இது முத்துக்கமலம் இணைய இதழின் படைப்பு. |
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
