கடவுள், உன் மூச்சின் மூச்சாகவும் உயிரின் உயிராகவும் இருக்கிறான் என்பதை அறி!

- கபீர்தாசர்

 பயிர்களைச் சுமந்து நிற்கும்போது நிலம் அழகு பெறுகிறது. தாமரையைச் சுமந்து நிற்கும்போது குளம் அழகு பெறுகிறது. நாணத்தைச் சுமந்து நிற்கும்போது பெண் அழகு பெறுகிறாள். அறத்தைச் சுமந்து நிற்கும்போது ஆண் அழகு பெறுகிறான்.

- நான்மணிக்கடிகை

 செருப்புக்குள்ளே கல்லும், காதுக்குள்ளே ஈயும், கண்ணுக்குள்ளே தூசியும், காலில் முள்ளும், வீட்டில் கலகமும் எத்தனை அளவில் சிறியதாயினும் அதிகத் துன்பத்தைத் தருவனவாகும்.

- கவி வேமன்னா

 வைத்தியனிடம் மருந்து அருந்தாவிடில் பிணி தீராது. விளக்கில்லையேல் இருள் அகலாது. நல்லுபதேசமின்றி அஞ்ஞானமகன்று ஞானம் பெறுவது மிகவும் கடினம்.

- யோகி வேமனா

 எல்லாவித பக்தியிலும் சிறந்த பக்தி இறைவனிடம் ஆத்ம நிவேதனம் அல்லது பூரண சரணாகதி அடைவதேயாகும்.

- சமர்த்த ராமதாசர்

 பிறருக்குத் துன்பமிழைக்காமல் இருப்பது எளிது. ஆனால் பிறரால் துன்பமிழைக்கப்படும் பொழுது பொறுத்திருப்பது கடினம். அந்தக் கடினமான காரியத்தைப் பெரியோர்களால்தான் செய்ய முடியும்.

- ரிஷிகேஷ் சிவானந்தர்

 எல்லா உடைமைகளிலும் ஞானமே அழியாததாகும்.

- சாக்ரடீஸ்

 உலகிலேயே மிகப் பெரிய சுமையாக விளங்குவது மூட நம்பிக்கைதான்.

- மில்டன்

 கடவுளைத் தன்னில் காணாதவனுக்குக கடவுள் இல்லை.

- டால்ஸ்டாய்

 உழைத்து வாழ்வதே நமது குறிக்கோள். நாம் அனைவரும் ஒற்றுமையுடன் உழைக்க வேண்டும். மற்றவரது உழைப்பால் நாம் மகிழ்ச்சியடையக் கூடாது. பிறரது உழைப்பில் நாம் வாழ்வது திருடுவதற்குச் சமமானது.

- ஜவஹர்லால் நேரு

 தனது தவறுகளை உணர்ந்தவன், மற்றவர்களிடம் குற்றம் காணமாட்டான்.

- சாடி

 கூரையை மழை இல்லாத போதே செப்பன்னிட்டுக் கொள்ள வேண்டும்.

- கென்னடி

 எப்போது அமைதியாக இருக்க வேண்டுமென்று அறிந்தவன்தான் புத்திசாலி.

- யூரிபைட்ஸ்

 நல்ல மனிதன் பொறுமையைக் கடைப்பிடித்தல் வேண்டும்.

– மகாவீரர்

 சுதந்திரம் என்பது நமக்கு நாமே பொறுப்பு ஏற்கத் தயாராக இருப்பதாகும்.

- நியட்ஷே

 நதி கடலில் சங்கமமாவது போல் என் மனம் இறைவனிடம் சங்கமமாகிறது.