1. நாலு மூல சதுக்கம். அதுலே அம்பது பேரு அடக்கம் - அது என்ன?

2. எட்டாத ராணி இவள். இரவில் வருவாள், பகலில் காணாமல் போய்விடுவாள் - அவள் யார்?

3. பொழுது சாய்ந்தால் பூந்தோட்டம்; விடிந்து பார்த்தால் வெறுந் தோட்டம். அது என்ன?

4. சூடுபட்டுச் சிவந்தவன், வீடுகட்ட உதவுவான். அவன் யார்?

5. எண்ணும் முள்ளும் இல்லாத கடிகாரம்; எவராலும் பார்க்க இயலாத கடிகாரம். அது என்ன?

6. காது பெரிசு கேளாது, வாய் பெரிசு பேசாது, வயிறு பெரிசு உண்ணாது. அது என்ன?

7. கால் உண்டு; நடக்க மாட்டான். முதுகு உண்டு; வளைக்க மாட்டான். கை உண்டு; மடக்க மாட்டான். அவன் யார்?

8. வண்ணான் வெளுக்காத வெள்ளை, குயவன் பண்ணாத பாண்டம், மழை பெய்யாத தண்ணிர். அது என்ன?

9. முன்னும் பின்னும் போவான் - ஆனால், ஒற்றைக் காலில் நிற்பான். அவன் யார்?

10. அரைச் சாண் குள்ளனுக்கு, கால் சாண் தொப்பி. அது என்ன?

---