1. அக்காள் தங்கை உறவுண்டு. அண்டை அண்டை வீடுண்டு, கிட்டக்கிட்ட வந்தாலும், தொட்டுக் கொள்ள முடியாது - அது என்ன?

2. அக்காள் விதைத்த முத்து, அள்ள முடியாத முத்து - அது என்ன?

3. அக்கரைக்கும் இக்கரைக்கும் காலூன்றி, அழகான சங்கிலியை மேல்பூட்டி, வெள்ளித் திருகாணியைச் சுழட்டிவிட்டால், வீசம் நாழிகையில் போய்விடும் - அது என்ன?

4. அடிப்பார் பிடிக்கமாட்டார்- அது என்ன?

5. அச்சு இல்லாத சக்கரம், அழகு காட்டும் சக்கரம் - அது என்ன?

6. அஞ்சா அஞ்சரப் பெட்டி, அய்யாத கைத்துப் பெட்டி, மூடித்திறக்க முப்பது நாள் ஆகும் - அது என்ன?

7. அஞ்சுவிரல் அமர்ந்தாட, பத்துவிரல் பந்தாட, சூரியனுடன் வாதாட, எமனுடன் போராட - அது என்ன?

8. அடிமேல் அடிவாங்கி அழுதாலும், அனைவரையும் சொக்க வைக்கும் - அது என்ன?

9. அத்துவானக் காட்டில் ஒளவையார் பொரி பொரிக்கிறாள் - அது என்ன?

10. அண்ணன் தம்பி இரண்டு பேர்; அவர்களைச் சுற்றிப் பன்னிரண்டு பேர்- அது என்ன?

---