ஜவஹர்லால் நேருவும் கர்நாடக மாநில மூதறிஞர் விஸ்வேஸ்வரய்யாவும் பெங்களூருவில் ஒரு விழாவில் கலந்து கொண்டார்கள்.

விஸ்வேஸ்வரய்யா வரவேற்புரை நிகழ்த்தும்போது நேருவின் பெயரைக் கூறும்போதெல்லாம் 'மோதிலால் நேரு' என்று குறிப்பிட்டுப் பேசினார்.

திடீரென்று நேரு எழுந்து, 'தன் பெயர் ஜவஹர்லால்' என்று நினைவுபடுத்தினார்.

விஸ்வேஸ்வரய்யா உடனே சமாளித்து, "நான் உங்கள் தகப்பனார் தலைமுறையைச் சேர்ந்தவன். அவருடன் நெருங்கிப் பழகியவன். அதனால்தான் அடிக்கடி அவர் பெயரைத் தவறுதலாக உச்சரிக்கிறேன். அதனால் எங்கெல்லாம் 'மோதிலால்' என்று நான் கூறுகிறேனோ அங்கெல்லாம் 'ஜவஹர்லால்' என்று சொன்னதாக நினைத்துக் கொள்ளுங்கள்” என்றாராம்.


அதைக் கேட்ட நேரு சிரித்து விட்டார்.

இது முத்துக்கமலம் இணைய இதழின் படைப்பு.