தமிழ்நாடு அரசின் பள்ளிக்கல்வித்துறை வெளியிட்டுள்ள பாட நூல்களில், மேல்நிலை முதலாமாண்டு சிறப்புத் தமிழ்ப் பாடநூலில் ’செயற்களம்’ பிரிவில் ‘4. இணைய ஊடகம் - உருவாக்கமும் பயன்பாடும்’ எனும் தலைப்பிலான பாடத்தில் ’இணைய இதழ்களில் படைப்புகள்’ எனும் தலைப்பின் கீழ் எட்டு இதழ்கள் பற்றிய குறிப்புகள் இடம் பெற்றிருக்கின்றன. அதில் ‘முத்துக்கமலம்’ இதழ் 6 ஆவது குறிப்பாக இடம் பெற்றிருக்கிறது.

இதன் மூலம் மேல்நிலை முதலாண்டு பயிற்றுவிக்கும் தமிழாசிரியர்கள் மற்றும் மாணவர்கள் அனைவரும் இணையத்தில் முத்துக்கமலம் இணைய இதழினைப் பார்வையிடுவதற்கான வாய்ப்பு ஏற்பட்டிருக்கிறது.

தமிழ்நாடு அரசின் பள்ளிக் கல்வித்துறைக்கும், மேல்நிலை முதலாமாண்டு, சிறப்புத் தமிழ்ப் பாடநூல் உருவாக்கத்திற்கான வல்லுநர்கள், மேலாய்வாளர்கள், கலை மற்றும் வடிவமைப்புக்குழுவினர், பாடநூல் உருவாக்கக் குழுவினர், ஒருங்கிணைப்பாளர் மற்றும் அனைவருக்கும் நன்றி.

*****

இது முத்துக்கமலம் இணைய இதழின் படைப்பு.