இறால் பெப்பர் ப்ரை
மாணிக்கவாசுகி செந்தில்குமார்
தேவையான பொருட்கள்:
1. இறால் – 250 கிராம்
2. பச்சை மிளகாய் – 4 எண்ணம்
3. இஞ்சி – 25 கிராம்
4. பூண்டு – 25 கிராம்
5. வெங்காயம் – 1 எண்ணம்
6. கறிவேப்பிலை – சிறிது
7. மிளகுத்தூள் – 1 தேக்கரண்டி
8. மிளகாய்த்தூள் – 1 தேக்கரண்டி
9. மஞ்சள் தூள் – 1/2 தேக்கரண்டி
10. எண்ணெய் – தேவையான அளவு
11. உப்பு – தேவையான அளவு.
செய்முறை:
1. இறால் மீனைச் சுத்தம் செய்து வைக்கவும்.
2. இஞ்சி, பூண்டு மற்றும் பச்சை மிளகாயை ஓரளவு அரைத்து, அதனை தனியாக வைத்துக் கொள்ள வேண்டும்.
3. ஒரு பாத்திரத்தில் கழுவி வைத்துள்ள இறாலைப் போட்டு, மிளகாய்த்தூள், மஞ்சள் தூள், மிளகுத்தூள் மற்றும் உப்பு சேர்த்துக் கலந்து ஊற வைக்கவும்.
4. ஒரு வாணலியில் எண்ணெய் ஊற்றிக் காய்ந்ததும், கறிவேப்பிலை மற்றும் வெங்காயம் சேர்த்துப் பொன்னிறமாக வதக்கவும்.
5. பின்னர் அதில் இஞ்சிக் கலவையைச் சேர்த்து, பச்சை வாசனை போகும் வரை வதக்கவும்.
6. அதன் பிறகு, ஊற வைத்துள்ள இறாலைச் சேர்த்து, உப்பு தூவிப் பொன்னிறமாகும் வரை நன்கு பிரட்டி விட்டு இறக்கவும்.
*****

இது முத்துக்கமலம் இணைய இதழின் படைப்பு.