* ஒவ்வொரு வீடும் ஓர் உலகம்.

* என் வீட்டில் நானே அரசன்.

* ஆடவர் அழகை ஒரு குணமாகப் பார்க்கின்றனர்; பெண்கள் குணத்தை அழகாகப் பார்க்கின்றனர்.

* சேவல் தன் குப்பை மேட்டிலிருந்துதான் கூவும், கோழி ஊரெங்கும் சுற்றிக் கூவி வரும்.

* ஒரு வேளை உணவை இழத்தல் நூறு வைத்தியர்களை அழைப்பதை விட மேலானது.

* அடுப்படியிலேயே அடைகாக்கும் கணவன் விலாப்பக்கத்து வலி போன்றவன்.

* ஒரு மகனோடு இருப்பதைவிட, ஒற்றைக் கண்ணுடைய கணவனுடன் வாழ்வதே மேல்.

* மிகவும் எச்சரிக்கையோடு நடப்பவர்கள் கற்பில் உயர்ந்தவர்களாகக் கருதப்படுகிறார்கள்.

* செயல்களே காதல், இனிமையான சொற்களல்ல.

* காதல் வெட்கப்பட்டால், அது உண்மையானதன்று.

* ஒரு காதல் மற்றொன்றை வெளியேற்றிவிடும்.


* காதல் சுளுக்குப் போன்றது, இரண்டாம் தடவை அது எளிதில் வந்துவிடும்.

* ஒரு பெண்ணின் காதல் கூடையிலுள்ள தண்ணீர் போன்றது.

* காதலின் பார்வையில் செம்பு தங்கமாயிருக்கும், ஏழைமை செல்வமாகும்.

* 'சூப்'பிலும் காதலிலும் முதலாவது தான் சிறந்தது.

* தேர்ந்தெடுப்பது என்பது காதலில் இல்லை.

* நெருப்புக்குக் காற்று எப்படியோ, அப்படிக் காதலுக்குக் பிரிவு.

* சாளரக் கம்பிகளின் இடைவழியாகவே காதலுக்கு உயிர் வருகிறது.

* காதலர் மற்றவர் கண்களெல்லாம் அவிந்து விட்டது போல எண்ணுவர்.

* அழகுள்ள விதவையை (விரைவில்) விவாகம் செய்து வைக்க வேண்டும், அல்லது புதைக்க வேண்டும், அல்லது கன்னிகா மடத்தில் அடைத்து வைக்க வேண்டும்.

* தாய்ப் பாலுடன் பருகியது சாகும் வரை உடலில் இருக்கும்.

* எந்தத் தாயரும் தந்தையரும் தங்கள் குழந்தைகளை விகாரமானவர்களாகக் கருதுவதில்லை.


* ஒருவனுக்குக் கடவுள் சொந்தப் பிள்ளைகளைக் கொடுக்காவிட்டால், சயித்தான் அவனுக்கு அவனுடைய சகோதரர் பிள்ளைகளைக் கொடுக்கிறான்.

* உன் மகளுக்குத் தக்க வரன் வந்தால், வெளியே போயிருக்கும் அவளுடைய தந்தையின் வரவைக்கூட எதிர்பார்க்க வேண்டாம்.

* திருமணம் என்ற கோணியில் தொண்ணூற்றொன்பது பாம்புகளும், ஒரு விலாங்கும் இருக்கும்.

* காதலுக்காகக் கலியாணம் செய்து கொள்பவன் துக்கத்தோடு வாழ வேண்டும்.

* திருமணம் செய்து கொள்ள உறுதி கொண்டவன் அண்டை அயலார்களைப் பார்த்துக் கொள்வது நல்லது.

* நோயைக் கண்டுபிடித்தலே ஆரோக்கியத்திற்கு ஆரம்பம்

* மூன்று பெண்களும், ஒரு தாயும்- ஆகத் தந்தைக்கு நான்கு சயித்தான்கள்.

* அழகுக்கும் கற்புக்கும் இடைவிடாத போர் இருந்தே வரும்.

* கற்புடைய கன்னியும், நொண்டியும் வீட்டிலேயேயிருப்பது மேல்.

* தன்னையே அதிகமாய்ப் பார்த்துக் கொண்டிருக்கும் பெண் வீட்டை நாசாமாக்குவாள்.

* கடலில் உப்பைத்தான் பெறலாம், பெண்ணிடம் தீமையைத் தான் பெறலாம்.

* கூவுகிற கோழியும், லத்தீன் படித்த பெண்ணும் நல்ல முடிவை அடைய மாட்டார்கள்.

* பெண்கள் கிடைத்ததை மதிக்கமாட்டார்கள், மறுத்ததையே விரும்பி வாடுவார்கள்.

* உனக்கு நல்ல மனைவி வேண்டுமானால், அவளை ஞாயிற்றுக் கிழமையில் தேர்ந்தெடுக்காதே.

* மரணம் குட்டிகளையும், ஆடுகளையும் சேர்த்து விழுங்குகின்றது.

* ஒரு மனிதனின் அதிருஷ்டமோ துரதிருஷ்டமோ அவன் மனைவிதான்.

* மனைவியைக் கௌரவிக்காதவன் தன்னையே குறைவு படுத்திக் கொள்கிறான்.

* கிழவனுக்குத் தண்ணீர் இறங்கவில்லையானால், சமாதியைத் தயாரிக்கலாம்.

* விருந்தினரின் முதுகுப்புறம்தான் அழகு.

*****

இது முத்துக்கமலம் இணைய இதழின் படைப்பு.