திருமணம் குறித்தப் பழமொழிகள்
ஒன்று இளமையிலேயே திருமணம் செய்து கொள் , அல்லது துறவியாகி விடு.
- பல்கேரியா
குழந்தைக்குச் சோறு கொடுத்தால், தாய்ப்பாலை மறக்கும்; பெண்ணுக்கு கணவன் வந்தால், தாயை மறப்பான்.
- இந்தியா
வீட்டைக் கட்டிப் பார், கலியாணத்தைச் செய்து பார்.
- தமிழ்நாடு
பணக்காரர்கள் சீதனம் கொடுத்துப் பெண்களுக்கு மணம் செய்கிறார்கள்; மத்திய வகுப்பினர் பெண்களைக் கொடுத்துப் பணம் சம்பாதிக்கிறார்கள்.
- சீனா
பதினைந்து ரூபாயில் ஒருவன் மனைவியைப் பெறலாம். ஆனால், ஒரு கோவேறு கழுதை வாங்க ஐம்பது ரூபாய் வேண்டும்.
- சீனா
ஒரு பெண் பிறந்த வீட்டில் குடியிருப்பதை விட, மரக்கட்டையையாவது மணந்து கொள்ளல் நலம்.
- அரேபியா
இளமையில் மணம் செய்து கொள், நீ இளமையாயிருக்கும் போதே பெரிய குழந்தைகளை அடைய முடியும்.
- குர்திஸ்தானம்
ஆகக் கழிவான செருப்புக்கும் ஜோடி சேர்ந்துவிடும்.
- பிரான்ஸ்
இளமைத் திருமணம் நீண்டகால அன்பு,
- ஜெர்மனி
அழகுக்காக கலியாணம் செய்து கொள்பவன் இரவு நேரங்களில் இன்பமாகவும், பகல் நேரங்களில் துக்கமாகவும் இருப்பான்.
- ஜெர்மனி
ஓராண்டு இன்பம் வேண்டுவோர் திருமணம் செய்து கொள்வது நலம்; இரண்டாண்டுகள் இன்பம் வேண்டுமானால், திருமணம் செய்ய வேண்டாம்.
- ஜெர்மனி
திருமணம் என்பது காதல் நோய்க்கு வைத்தியசாலை.
- ஜெர்மனி
போருக்குப் போகும் போது ஒரு முறை தொழவும், கடலுக்குப் போகும் போது இருமுறை தொழவும், திருமணம் செய்யும் போது மும்முறை தொழவும்.
- ஜெர்மனி
ஒவ்வோர் ஆதாமுக்கும் ஓர் ஏவாள் இருப்பாள்.
- போலந்து
ஒரு மதுக்கிண்ணமும் பெண்ணும் அருகிலிருந்தால், ஒருவனுக்குப் பொழுது போவது தெரியாது.
- போலந்து
ஒருவன் மணந்து கொள்வது நல்லதுதான், ஆனால் மணமில்லாதிருப்பது அதைவிட நல்லது.
- போலந்து
திருமணம் செய்வதற்கு முன்பு மூன்று வருடம் இஷ்டம் போல் வாழ்க்கை நடத்திக்கொள்.
- போலந்து
பெண் பிள்ளை விவாகத்திற்கு முன்னால் அழுவாள் , ஆடவன் பின்னால் அழுவான்.
- போலந்து
முதல் ஆண்டு முத்தமிடும் ஆண்டு, இரண்டாம் ஆண்டு முட்டிப் பாயும் ஆண்டு.
- அயர்லாந்து
பணத்திற்காகத் திருமணம் செய்து கொள்ள வேண்டாம்; பணம் குறைந்த வட்டிக்கு வெளியேக் கிடைக்கும்.
- ஸ்காட்லாந்து
பானையாக உருண்டு சென்று மூடியை கண்டுபிடிக்கும். (திருமணத்திற்கு ஜோடி சேரும்)
- பல்கேரியா
கல்யாணம் ஒரு நாள், இரு நாள்தான், அதன் பலனோ நெடுநாள் இருக்கும்.
- செக்
ஒரு முறை விவாகம் கடமை; இருமுறை தவறு; மும்முறை பைத்தியம்.
- ஹாலந்து
நாலு மரக்கால் நிலக்கரி கொடுத்தால், ஒரு நாயகன் கிடைப்பான்; ஆனால் ஒரு 'டன்' கோதுமை கொடுத்தால் தான் ஒரு பெண் கிடைப்பாள்.
- எஸ்டோனியா
சமையல் மோசமானால், ஒரு நாள் நஷ்டம்; அறுவடை. மோசமானால், ஒரு வருட நஷ்டம்; விவாகம் மோசமானால் ஆயுள் முழுவதும் நஷ்டம்.
- எஸ்டோனியா
அதிகாலையில் எழுந்தவனும், இளமையில் மணந்தவனும் வருந்தியதில்லை.
- எஸ்டோனியா
மனிதர் தானாக வரவேற்றுக் கொள்ளும் தீமை திருமணம்.
- கிரீஸ்
காதல் சிறகுகளைக் கொண்டு பறக்கும். திருமணம் இரண்டு கழிகளின் உதவியால் நடந்து வரும்.
- உருசியா
திருமணம் என்றுதான் உண்டு, ஆனால் ‘பிரிமணம்' என்று கிடையாது.
- உருசியா
ஒரு சகோதரிக்குக் கலியாணமானால், அடுத்தவளுக்கும் ஆகும். ஒரு தொட்டி விற்றால், அடுத்ததும் விலையாகும்.
- செர்பியா
உன் மகளுக்குத் தக்க வரன் வந்தால், வெளியேப் போயிருக்கும் அவளுடைய தந்தையின் வரவைக் கூட எதிர்பார்க்க வேண்டாம்.
- ஸ்பெயின்
திருமணம் என்ற கோணியில் தொண்ணூற்றொன்பது பாம்புகளும், ஒரு விலாங்கும் இருக்கும்.
- ஸ்பெயின்
காதலுக்காகக் கலியாணம் செய்து கொள்பவன் துக்கத்தோடு வாழ வேண்டும்.
- ஸ்பெயின்
திருமணம் செய்து கொண்டு அடங்கிக் கிட.
- ஸ்பெயின்
திருமணம் செய்து கொள்ள உறுதி கொண்டவன் அண்டை அயலார்களைப் பார்த்துக் கொள்வது நல்லது.
- ஸ்பெயின்
வீட்டைக் கட்டுபவனுக்கும் திருமணம் செய்துகொள்பவனுக்கும் எந்த நேரத்திலும் அபாயம் வரும்.
- சுவீடன்
கடவுள் ஒருவனைத் தண்டிக்க விரும்பினால், அவனுக்குத் திருமணம் பற்றிய நினைவை உண்டாக்குவார்.
- ஜெர்மனி
முதலாவது மனைவி இறைவனிடமிருந்து வருகிறாள்; இரண்டாவது மனைவி மனிதரிடமிருந்து வாருகிறள் : மூன்றாவது மனைவி சயித்தானிடமிருந்து வருகிறாள்.
- ஹங்கேரி
ஓர் ஏழை பணக்காரியை மணந்து கொண்டால், அவள் மனைவியல்லள் - யஜமானி.
- கிரேக்கம்
சமுதாயத்தின் முதற் கட்டுப்பாடு திருமணம்.
- லத்தீன்
தொகுப்பு: உ. தாமரைச்செல்வி.
*****
இது முத்துக்கமலம் இணைய இதழின் படைப்பு.
இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!! ISSN: 2454-1990
அச்சிட
விமர்சிக்க
விருப்பத் தளமாக்க
