Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            E - ISSN  2454-1990
muthukamalam muthukamalam
பல்வேறு தடைகளைத் தாண்டி, பதினாறாம் ஆண்டில் பயணித்துக் கொண்டிருக்கும் முத்துக்கமலம் இணைய இதழ் தங்களை அன்புடனும் மனமகிழ்வுடனும் வரவேற்கிறது...

Content
உள்ளடக்கம்

சமையல்

பார்வையாளர்கள்
(04-12-2008 முதல்)


கதை
தொடர் கதைகள்

புதுக்கோட்டை மாவட்ட நாட்டுப்புறக் கதைகள்

மு​னைவர் சி.​சேதுராமன்

8. காசிக்குப் போனால் தொலையுமா?


நம்மல்ல சிலபேரு இருக்காங்க... சுத்தம் சுத்தம்னு எப்பப் பாத்தாலும் எதைத் தொட்டாலும் சுத்தம்னு பேசிக்கிட்டும் எதையாவது செஞ்சிக்கிட்டும் இருப்பாங்க. அடுத்தவங்க சாப்பிட்ட தட்டுலயோ, டம்ளருலேயோ அவங்க சாப்பிட மாட்டாங்க. எல்லாத்திலயும் சுத்தம் பாக்குற இவங்க தங்களுக்குன்னு தனியா தட்டு டம்ளர் அப்படி இப்படின்னு எல்லாத்தையும் சுத்தம் பாத்துக்கிட்டுத் தனித்தனியா எல்லாத்தையும் வச்சிக்குவாங்க. இப்படித்தான் ஒரு ஊருல சுத்தம் பாக்குறவன் ஒருத்தன் இருந்தான். அவன் எதுல பாத்தாலும் சுத்தம் பாக்குறவனா இருந்தான். அவனோட அப்பனும் ஆத்தாளும் எவ்வளவோ அவங்கிட்ட சொல்லிப் பாத்தாங்க அவன் கேக்குற மாதிரி இல்ல. அடுத்தவங்க எச்சில் பட்டா அன்னிக்கு முழுவதும் பட்டினியாக் கிடப்பான். இவனத் திருத்தணும்னா இவனுக்கு ஒரு கலியாணத்தைப் பண்ணி வச்சிடணும்னு அவனோட அப்பனும் ஆத்தாளும் பொண்ணுப் பாத்து அவனுக்குக் கட்டி வச்சாங்க..

பொண்ணு அழகா லட்சணமா இருந்ததால அந்தப் பயலும் ஒத்துக்கிட்டான். கலியாணம் முடிச்சது. இவன் தன்னோட புதுப் பொண்டாட்டியோட மாமனாரு வீட்டுக்கு விருந்துக்குப் போனான். மருமகனோட குணத்தைத் தெரிஞ்சிக்கிட்ட அவனோட மாமனாரும் மாமியாரும் ரொம்ப ரொம்ப சுத்த பத்தமா வந்து மருமகன நல்லாக் கவனிச்சிக்கிட்டாங்க. அவனும் மாமனாரு வீட்டுல தங்கி இருந்து நல்லாச் சாப்புட்டான். அப்படி இருக்கறபோது மாமியாகாரி மருமகனுக்குப் புடிக்குமேன்னு மொச்சக் கொட்டையும் ஆட்டுக்காலும் போட்டுக் கொழம்பு வச்சி மகளையும் மருமகனையும் ஒண்ணா ஒக்கார வச்சி சாப்பாடு போட்டா..

அவன் நல்லா விரும்பிச் சாப்புட்டுக்கிட்டு இருக்கறப்போ அவனோட பொண்டாட்டி ஒரு மொச்சக் கொட்டைய எடுத்துத் தோலப் பிதுக்கினா. அந்த மொச்சக்கொட்ட அப்படியே வழுவிக்கிட்டுப் போயி புருஷங்காரனோட இலையில விழுந்திருச்சு. தன்னோட பொண்டாட்டியோட எச்சிபட்ட மொச்சக்கொட்ட தன்னோட சோத்துல விழுந்ததால அவனுக்குப் பொல்லாத கோபம் வந்துருச்சு. ஒடனே அவன் சாப்புடாம கோபமா எந்திரிச்சு கையக் கழுவிட்டுப் பொண்டாட்டியப் போட்டு ரெண்டு மிதிமிதிச்சான். அதப்பாத்த அவனோட மாமியாரும் மாமனாரும் மாப்புளே வேற தட்டுலயாவது ஒங்களுக்குச் சோறுபோட்டுக் கொண்டாரம் சாப்புடுங்க... ஏதோ தெரியாத்தனமா நடந்து போச்சுன்னு எவ்வளவோ கெஞ்சினாங்க. அவனோட பொண்டாட்டியும் கையில கால்ல விழுந்து கெஞ்சினா... அவன் கோபந் தணியல. ஐயோ என்னோட விரதம் கெட்டுப்போச்சு... பாவம் வந்து சேந்துருச்சு நான் காசிக்குப் போயி கங்கையில குளிச்சிட்டு வந்தாத்தான் இந்தக் கருமந் தொலையும். அதனால நான் காசிக்குப் போயிட்டு வந்து என்னோட பாவத்தைத் தொலைச்சிட்டு வந்துடறேன்னு சொல்லிட்டு கட்டுன வேட்டியோட கெளம்பிட்டான். மாமியார், மாமனார், பொண்டாட்டின்னு யாரு பேச்சையும் கேக்காம திரும்பிக்கூடப் பாக்காமக் காசிக்குப் போயிட்டான்..

இப்ப மாதிரி அப்பல்லாம் பஸ்சுப் போக்குவரத்தெல்லாம் அப்பக் கிடையாது. அதனால அவன் கால்நடையாவே நடந்து காசிக்குப் புறப்பட்டுப் போனான். அவன் வீட்டவிட்டுட்டுக் கோபமாக் கௌம்புனதால பொண்டாட்டி கட்டிக் கொடுத்த கட்டுச் சோறக் கூட வேணாம்னு சொல்லிட்டு வீராப்போட வந்துட்டான். இப்ப அவனுக்குப் பசி வயித்தக் கிள்ளுச்சி..



அப்பப்பாத்து அவன் ஒரு குக்கிராமத்துல நடந்துக்கிட்டு இருந்தான். அந்தக் கிராமத்துல ஒரு கடைகண்ணிகூட இல்ல. இருட்ட வேறத் தொடங்கிருச்சி. என்ன பண்ணலாம்னு யோசிச்சிக்கிட்டே அவன் நடந்தான். அவனால பசியால ரொம்ப தூரம் நடக்க முடியல. ரொம்பவும் சோந்து போயிட்டான். ரெம்பச் சிரமப்பட்டு பாதை ஓரமா இருந்த ஒரு வீட்டுத் திண்ணையில போயி ஒக்காந்தான். நடந்து வந்த அசதியினால அப்படியே சாஞ்சுக்கிட்டே தூங்கிட்டான். எவ்வளவு நேரம் தூங்கினானோ அவனுக்கே தெரியல. அந்த வீட்டுக்காரரு வந்து எழுப்பின பின்னாலதான் அவனுக்கே ரொம்ப நேரம் தான் தூங்கிட்டதத் தெரிஞ்சிக்கிட்டான்..

அவன எழுப்பின அந்த வீட்டுக்காரரு எங்கருந்து வாரீங்க... எங்க போறீங்க... எதுக்காகப் போறீங்க...ன்னு விசாரிச்சாரு... அவனும் தான் காசிக்குப் போறதாச் சொன்னான். அந்த வீட்டுக்காரருக்கு ரெம்பச் சந்தோஷமாப் போயிருச்சி. அந்தக் காலத்துல எல்லாம் காசிக்குப் போறாங்கன்னு சொன்னா அது ரொம்பப் புண்ணியமானதுன்னு நெனச்சி காசிக்குப் போறவங்கள நல்லா உபசரிப்பாங்க..

அந்த வீட்டுக்காரரும் அவனுக்கு வேண்டியதக் கொடுக்கலாம்னு நெனச்சுக்கிட்டு, ‘‘சரி நீங்க எங்க வீட்டுல சாப்புடுங்க, நீங்க சாப்புட்டா எங்களுக்கும் புண்ணியம் கிடைக்கும்...’’ அப்படீன்னு சொன்னாரு. அவனுக்கும் சாப்புடலாம்னு ஒரு எண்ணம் வந்துச்சு. இருந்தாலும் அவனுக்கு அடுத்தவங்க வீட்டுல எச்சிலோட சாப்பாடு போட்டாங்கான்னா என்ன செய்யறதுன்னு யோசன செஞ்சான்..

அவனோட யோசனையப் பாத்த வீட்டுக்காரரு எங்க அவன் சாப்பிடாமப் போயிருவானோன்னு பயந்து போயி,‘‘ஐயா நீங்க எங்க வீட்டுல சாப்புட்டுத்தான் ஆகணும். நாங்க சுத்தபத்தமானவங்க நீங்க யோசிக்காதீங்க... நீங்க எப்படிக் கேக்குறீங்களோ அப்படியே நாங்க ஒங்களுக்குச் சாப்பாடு போடுவோம்ன்னு’’ சொன்னாரு. அவனுக்கும் பசிய அடக்க முடியல. ஆனாலும் அவனால எச்சி படாமச் சாப்பிடணுமேன்னு மனசுக்குள்ள யோசிச்சு யோசிச்சு மறுகி ஒரு முடிவுக்கு வந்தான். அந்த வீட்டுக்காரருக்கிட்ட சாப்புடுறதாச் சொன்னான். அதோடு மட்டுமில்லாம அவனால பசி பொறுக்க முடியாததால சாப்புட ஒத்துக்கிட்டான்..

அந்த வீட்டுக்காரருக்கு ரொம்பச் சந்தோஷமாப் போயிருச்சு. ராத்திரியில இலை கிடைக்காததால அந்த வீட்டுக்காரரு மங்குத் தட்டுல சாப்பாட்டக் கொண்டுக்கிட்டு வந்தாரு. அதப் பாத்த காசிக்குப் போறவன், ‘‘ஐயையோ என்னய்யா இது, என்னோட விரதத்தையே கெடுக்கப் பாத்துட்டியே... இந்தத் தட்டுல எத்தன பேரு சாப்பிட்டு எச்சி பண்ணியிருப்பாங்களோ...? அதுல எனக்குச் சாப்பாடு கொண்டுக்கிட்டு வர்றீயே... இது அடுக்குமாய்யா...ன்னு’’ கத்தினான்..

அந்த வீட்டுக்காரருக்கு ரொம்ப சங்கடமாப் போயிருச்சு. சரி எதுலதான் சாப்பாடு போடுறதுன்னு அவருக்குப் புரியல. அப்ப அவன் சொன்னான், ‘‘புது மண் சட்டி இருந்தா அதுல சோத்தப் போட்டுக் கொண்டுக்கிட்டு வாய்யா... அதுலதான் சாப்புடுவேன்... இல்லாட்டி ஒன்னோட வீட்டுல கை நனைக்க மாட்டேன்னு’’ சொன்னான். அந்த வீட்டுக்காரருக்கு ரொம்பச் சங்கடமாப் போச்சு. அவரு மண்சட்டிய எடுக்கறதுக்காக வீட்டுக்குள்ள போனாரு. இவன் சிரிச்சுக்கிட்டான். இந்தப் புது மண்சட்டியில யாரும் எச்சி பண்ணி சாப்புட்டு இருக்க முடியாது. நாந்தான் மொத மொதல்ல சாப்புடுறவனா இருக்கணும்... அந்தச் சட்டியில சாப்புட்ட ஒடனே அத ஒடச்சிப்போட்டுட்டா பின்னால யாராவது வந்து இந்த மண் சட்டியில சாப்புட மாட்டாங்கள்ன்னு நெனச்சிக்கிட்டான்..



வீட்டுக்காரரு வீட்டுக்குள்ளாற தேடுனாரு எறவானத்துல ஒரு புதுசா மண்சட்டி இருந்துச்சு... அத எடுத்துக்கிட்டு வந்து நல்லாக் கழுவி சாப்பாட்டப் போட்டாரு. அவனும் நல்லாச் சாப்புட்டான். வயிறு முட்ட சாப்புட்டுப்புட்டு கையக் கழுவிட்டு அந்தச் சட்டியப் போட்டு ஒடைக்கிறதுக்காகப் போனான். அதப் பாத்த அந்த வீட்டுக்காரரு அவன் பின்னாலேயே ஓடி வந்தாரு. அவரு ஓடி வந்ததப் பாத்த அவன், ‘‘எதுக்கு ஓடி வர்ரீகன்னு’’ கேட்டான். அதுக்கு அந்த வீட்டுக்காரரு அவனப் பாத்து, ‘‘ ஐயா அந்தச் சட்டிய என்ன பண்ணப் போறீங்கன்னு’’ கேட்டாரு. அதுக்கு அவன், ‘‘அதத் தூக்கிப் போட்டு ஒடச்சிறப் போறேன்னு’’ சொன்னான்..

அந்த வீட்டுக்காரரு பதறிப் போயி, ‘‘ஐயா அப்படி ஏதும் செஞ்சிறாதீக... ஒங்களுக்குப் புண்ணியமாப் போயிரும்... அத இப்படிக் கொடுங்கன்னு’’ சொல்லி அந்தச் சட்டிய வாங்கினாரு. அவனுக்கு ஒண்ணும் புரியல. அவரப் பாத்து, ‘‘இந்தச் சட்டிய ஏன் வாங்குறீங்கன்னு’’ கேட்டான்..

அதுக்கு அந்த வீட்டுக்காரரு, ‘‘அது இல்லீங்க... இந்தச் சட்டி ஒண்ணுதான் எங்க அப்பா ஞாபகமா எனக்கிட்ட இருக்குது... அதயும் ஒடச்சிட்டீங்கன்னா நான் என்ன செய்யறதுன்னு...’’ சொன்னாரு..

அவனுக்கு ஒண்ணும் புரியல. புரியாமலேயே, ‘‘இந்தச் சட்டி எப்படி ஒங்க அப்பாவ ஞாபகப்படுத்துது... அதக் கொஞ்சம் வெவரமாச் சொல்லுங்கன்னு’’ அவரக் கட்டாயப்படுத்துனான். வீட்டுக்காரரு மென்னு முழுங்கிக்கிட்டே சொல்ல ஆரம்பிச்சாரு. ‘‘அது ஒண்ணுமில்லங்க... எங்க அப்பா கடசிக் காலத்துல ஒண்ணுக்கு ரெண்டுக்குப் போக முடியாம இந்தத் திண்ணயிலதான் கிடந்தாரு. அப்ப இந்தச் சட்டியிலதான் ஒண்ணுக்கும் ரெண்டுக்கும் போவாரு. அவரு சாகற வரைக்கும் இந்தச் சட்டியிலதான் எல்லாத்தையும் அள்ளிக் கொட்டுனோம்... அந்தச் சட்டிய அவரு செத்ததுக்கப்புறமா அவரோட ஞாபகமா வச்சிருக்கோம்... நீங்க மண் சட்டியிலதான் சாப்புடுவேன்னு சொல்லிட்டதால வேற வழியில்லாம அந்தச் சட்டியக் கழுவிக்கிட்டு வந்து அதுல ஒங்களுக்குச் சோத்தப் போட்டுச் சாப்புடக் கொடுத்தேன்... அத நீங்க ஒடக்கிறதுக்குப் போனதுமே என்னோட மனசு கெடந்து ரெம்ப அடிச்சிக்கிருச்சு. அதனாலதான் ஒங்க பின்னாலேயே ஓடிவந்து அதப் பத்திரமா வாங்குனேன்னு’’ சொன்னாரு..

அதக் கேட்டவுடனேயே அவனுக்கு அருவருப்பா கொமட்டிக்கிட்டு வந்துருச்சி. சேச்சே போயும் போயும் இப்படிக் கேவலங்கெட்டவன் போட்ட சாப்பாட்டச் சாப்புட்டமேன்னு நெனச்சி வாந்தியெடுத்தான். அந்த வீட்டுக்காரனுக்கிட்ட, ‘‘அடப் பாவி இந்தப் பாவத்தப் போக்கணுமின்னா ரெண்டு தடவ கங்கையில குளிச்சே ஆகணும்... இனிமே இந்த இடத்துல ஒரு நிமிஷங்கூட தங்க மாட்டேன்னு’’ சொல்லிட்டு ராத்தியோட ராத்தியா அந்த ஊரவிட்டுக் கௌம்பிப் போனான்.

இனிமே யாரு வீட்டுலயும் சாப்புடக் கூடாது. அப்படியே சாப்புட்டாலும் மண்சட்டியில சாப்புடக் கூடாது. ரெம்பக் கட்டாயப்படுத்துனா எலையிலதான் சாப்புடணும். அதுலயும் வாழையிலையிலதான் சாப்புடணும்னு முடிவு செஞ்சிக்கிட்டு காசிக்கு நடந்து போனான். ஏற்கனவே அவ பொண்டாட்டியோட எச்சி பட்டதால ஒருக்கா கங்கையில குளிக்கணும். இப்ப இந்த வீட்டுக்காரனால இன்னொரு தடவை குளிக்கணும். ஆகமொத்தத்துல ரெண்டுதடவ முங்கிக் குளிச்சாத்தான் இந்தப் பாவமெல்லாம் போகும்னு நெனச்சிக்கிட்டே வேகவேகமா நடந்தான்..

இப்படியே நடந்து மறுநாளு ஒரு ஊருக்கு வந்து சேர்ந்தான். அந்த ஊருல தங்கி கொஞ்சம் ஆசுவாசப்படுத்திக்கிட்டு மறுநாளு பயணப்படலாம்னு நெனச்சிக்கிட்டு அந்த ஊருல போயி ஒரு வீட்டுத் திண்ணையில உக்கார்ந்தான். அப்ப அந்த வீட்டுக்குச் சொந்தக்காரரு வெளிய வந்து பாத்தாரு. காசிக்குப் போறவனப் பாத்து, ‘‘ஐயா யாரு நீங்க? எங்க போறீங்கன்னு’’ கேட்டாரு..

அவனும் தான் போற விவரத்தச் சொன்னான். ஒடனே அந்த வீட்டுக்காரன் ரொம்ப சந்தோஷப்பட்டான். காசிக்குப் போறவனப் பாத்து, ‘‘ஐயா நானும் காசிக்குப் போகலாம்னு நெனச்சிக்கிட்டே இருக்கேன்... ஆனா என்னால போகத்தான் முடியல. ஒங்களுக்குக் கொடுத்து வச்சிருக்கு... நல்லாப் போயிட்டு வாங்க... இன்னக்கி நீங்க எங்க வீட்டுலதான் சாப்புடணும். நீங்க சாப்புட்டா எனக்குப் புண்ணியம்’’ அப்படீன்னான்..



அதுக்குக் காசிக்குப் போறவன், ‘‘ஐயா நான் இன்னிக்கு ராத்திரி ஒங்க வீட்டுல சாப்புடுறேன். ஆனா நான் வாழையிலையிலதான் சாப்புடுவேன். அப்பத்தான் என்னோட விரதம் பூர்த்தியாகும். நீங்க வாழையிலையில சாப்பாடு போடுறதா இருந்தா நான் இங்க சாப்புடுறேன்னு’’ கண்டிச்சுச் சொன்னான்..

அந்த வீட்டுக்காரனுக்கு ரொம்ப சந்தோஷம். இருந்தாலும் கொஞ்சம் வருத்தம். ஏன்னா அந்த ஊரு ரொம்ப ரொம்ப வறண்ட பிரதேசமா இருந்தது. டவுனுக்குள்ள போனாத்தான் இலை கிடைக்கும். அவரால அப்போதைக்கு டவுனுக்குள்ள போயி இலைய வாங்கி வரமுடியாது. சரி வீட்டுல இருக்கற இலைய வச்சி சாப்பாடு போட்டுருவோம்னு நெனச்சி நல்லா விருந்தா மனைவிக்கிட்ட செய்யச் சொன்னாரு..

நல்ல விருந்தா ஆக்கி வீட்டுல இருந்த காஞ்சி போன வாழை இலைய நல்லாக் கழுவிக்கிட்டு வந்து அவனக் கூப்பிட்டு ராத்திரிச் சாப்பாட்டப் போட்டாரு. அவனும் நல்லாச் சாப்புட்டான். வாய்க்கு ருசியா இருந்ததால இலைய வழிச்சிச் சாப்புட்டான். சாப்பிட்ட பிறகு இலைய எடுத்துக்கிட்டுக் குப்பையில போடப் போனான். உடனே அந்த வீட்டுக்காரரு பின்னாலயே ஓடிவந்து, ‘‘ஐயா இலையப் போட்டுறாதீங்க... அத ஏங்கிட்ட கொடுங்கன்னு’’ சொல்லி வாங்குனாரு..

காசிக்குப் போறவனுக்கு ஒண்ணும் புரியல. அவன் வீட்டுக்காரரப் பாத்து, ‘‘ஆமா எதுக்கு இந்த இலைய வாங்குறீங்கன்னு’’ கேட்டான், அதுக்கு அந்த வீட்டுக்காரரு, ‘‘ஐயா இந்தப் பக்கம் வாழை இலை கிடைக்கிறது பெரிசு. அப்படியே கிடைச்சாலும் விலையும் கூட. அதனால நாங்க என்ன செய்வோம்னா வர்ற விருந்தாளிங்களுக்கு இந்த இலையில சாப்பாட்டப் போட்டுட்டு, அவரு சாப்புட்ட பின்னால அந்த இலையக் கழுவி வெயில்ல காயவச்சிப் பத்திரமா எடுத்து வைப்போம். ஒங்கள மாதிரி யாராவது வந்தா திரும்பவும் அந்த இலைய எடுத்துக் கழுவிட்டுச் சாப்பாடு போடுவோம். அதுக்குத்தான் இந்த இலைய ஒங்கக் கிட்ட இருந்து வங்கினேன்னு’’ சொல்லிட்டு இலையக் கழுவி எடுத்துக்கிட்டுப் போனாரு..

இவனுக்கு வயித்தப் பொறட்டிக்கிட்டு வந்துருச்சு. அட நாசாமப் போறவனே என்னோட விரதத்தையே கெடுத்துட்டியேன்னு வாந்தியெடுத்தான். அவனுக்கு மனசுல ஒரு எண்ணம் ஓடுச்சு. இத்தனுண்டு எச்சி மொச்ச விழுந்ததுக்குக் காசிக்குப் போயி குளிச்சிப் பாவத்தப் போக்குறதுக்கு வந்தோம்னா இப்ப நடந்ததுக்கெல்லாம் எப்படி கங்கயைில போயிக் குளிக்கிறது... அப்படிக் குளிச்சாலும் பாவம் போகுமா...? காசிக்குப் போனாலும் கருமம் போகாதே... கட்டின பொண்டாட்டியோட எச்சி இத விட மோசமில்லை. ஏம் பொண்டாட்டியக் கொற சொல்லிட்டு வந்ததுக்கு எவனெவனோட எச்சியிலருந்து எல்லாத்தையும் சாப்புட வேண்டியதாயிருச்சு. நம்ம மேலதான் தப்பு. அவ மேல எந்தத் தப்பும் இல்லை... சே... நாமதான் பெரிய தப்புப் பண்ணிட்டோம்னு நெனச்சிக்கிட்டு காசிக்குப் போகாமா வேகவேகமா தன்னோட வீட்டுக்குத் திரும்பி வந்தான்..

போன மச்சான் திரும்பி வந்தான் பூமணத்தோடங்கற கதையில வீட்டுக்கு வந்த தன்னோட புருஷனப் பாத்த பொண்டாட்டி அவனக் கட்டிப் புடுச்சி அழுதா... அவனும் நடந்தது எதப் பத்தியும் சொல்லாம தன்னோட நிலைமைய நெனச்சுப் பாத்துகிட்டு பேசாமா இருந்துட்டான். எதையும் யாருக்கிட்டயும் அவன் சொல்லல. அன்னையில இருந்து எச்சின்னு சொல்லாமா அவம்பாட்டுக்கு பொண்டாட்டி போட்டதைச் சாப்புட்டான். இந்தக் கதைய இன்னக்கி வரைக்கும் இந்தப் பக்கம் சொல்லிச் சொல்லி எல்லாரும் சிரிப்பாக...

(தொடரும்...)


*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/story/villagestories/p1h.html


  2021
  2020
  2019
  2018
  2017

வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை


சிறப்புப் பகுதிகள்





முதன்மைப் படைப்பாளர்கள்

வலைப்பூவில் முத்துக்கமலம் இணைக்க...


சிரிக்க சிரிக்க
  எரிப்பதா? புதைப்பதா?
  அறிவை வைக்க மறந்துட்டானே...!
  செத்தும் செலவு வைப்பாள் காதலி!
  வீரப்பலகாரம் தெரியுமா?
  உங்களுக்கு ஒண்ணுமே இல்ல...!
  இலையுதிர் காலம் வராது!
  கண்ணதாசனின் நகைச்சுவைகள்
  குறைச்சுத்தான் எடை போடறாரு...!
  அவருக்கு ஒரு விவரமும் தெரியலடி!
  குனிஞ்ச தலை நிமிராத பொண்ணு...?
  இடத்தைக் காலி பண்ணுங்க...!
  சொறி சிரங்குக்கு ஒரு பாடல்!
  மாமியாரு பச்சைக்கிளி மாதிரி!
  மாபாவியோர் வாழும் மதுரை
  இளைய பெண்ணைக் கட்டித் தருவீங்களா?
  ஸ்ரீரங்கத்து யானைக்கு நாமம்!
  அகிலாவை அபின்னு கூப்பிடுறியே...?
  ஆறு தலையுடன் தூங்க முடியுமா?
  கவிஞரை விடக் கலைஞர்?
  பேயைப் பார்க்க ஒரு வாய்ப்பு!
  கடைசியாகக் கிடைத்த தகவல்!
  மூன்றாம் தர ஆட்சி
  பெயர்தான் கெட்டுப் போகிறது!
  தபால்காரர் வேலை!
  எலிக்கு ஊசி போட்டாச்சா?
  சவ ஊர்வலத்தில் எப்படிப் போவது?
  சம அளவு என்றால்...?
  குறள் யாருக்காக...?
  எலி திருமணம் செய்து கொண்டால்?
  யாருக்கு உங்க ஓட்டு?
  வரி செலுத்தாமல் ஏமாற்றுவது எப்படி?
  கடவுளுக்குப் புரியவில்லை...?
  முதலாளி... மூளையிருக்கா...?
  மூன்று வரங்கள்
  கழுதையுடன் கால்பந்து விளையாட்டு!
  நான் வழக்கறிஞர்
  பெண்ணின் வாழ்க்கை பந்து போன்றது
  பொழைக்கத் தெரிஞ்சவன்
  காதல்... மொழிகள்
குட்டிக்கதைகள்
  எல்லாம் நன்மைக்கே...!
  மனிதர்களது தகுதி அறிய...
  உள்ளங்கைகளில் ஏன் முடி இல்லை?
  இனிப்புப் பேச்சில் ஏமாறலாமா?
  அழுது புலம்பி என்ன பயன்?
  புகழ்ச்சிக்குப் பின்னால் வருவது...?
  கடவுளைக் காண உதவும் கண்ணாடி
  தகுதியில்லாதவருக்கு தந்த அடைக்கலம்
  உயரத்தில் இருந்தால் மதிப்பு கிடைக்குமா?
  ராமன் ராவணனிடம் கேட்ட அறிவுரை?
  அழியப் போவதில் ஆசை வைக்கலாமா?
  கழுதைக்குக் கிடைக்குமா வாய்ப்பு?
  எல்லாம் ஒரு கோவணத்துக்காக...!
  சிங்கத்திற்கு வாழைப்பழம்!
  வலை வீசிப் பிடித்த வேலை
  சாவிலிருந்து தப்பிக்க என்ன வழி?
  இறை வழிபாட்டிற்கு ஏற்ற வயது எது?
  கல்லெறிந்தவனுக்கு பழமா?
  சிவபெருமான் முன்பு காலை நீட்டலாமா?
  வீண் புகழ்ச்சிக்கு ஆசைப்படலாமா?
  ராமன் எப்படி ராமச்சந்திரன் ஆனார்?
  அக்காவை மணந்த ஏழை?
  சிவபெருமான் செய்த பாகப்பிரிவினை!
  இராமன் சாப்பாட்டு இராமனா?
  சொர்க்கத்திற்குள் நுழைய இலஞ்சம்
  புண்ணிய நதிகளில் நீராடினால் போதுமா?
  பயமிருப்பவன் வாழ்வில் முன்னேற முடியுமா?
  தகுதி இல்லாமல் தம்பட்டம் அடித்துக் கொள்ளலாமா?
  கழுதையின் புத்திசாலித்தனம்
  விற்ற மரத்தைத் திருப்பிக் கேட்கலாமா?
  தலைமை ஒன்றுக்கு அதிகமாக இருக்கலாமா?
  சொர்க்கமும் நரகமும் எப்படிக் கிடைக்கின்றன?
  திரிசங்கு சுவர்க்கம் என்று ஏன் சொல்கிறார்கள்?
  புத்திசாலி வாயைத் திறக்கலாமா?
  இறைவன் தப்புக் கணக்கு போடுவானா?
  ஆணவத்தால் வந்த அழிவு!
  சொர்க்கத்துக்கான நுழைவுச்சீட்டு
  சொர்க்க வாசல் திறக்குமா...?
  வழுக்கைத் தலைக்கு மருந்து
  மனைவிக்குப் பயப்படாதவர்
  சிங்கக்கறி வேண்டுமா...?
  வேட்டைநாயின் வருத்தம்
  மாமியாரைச் சாகடிக்க ஒரு மருந்து
  கோவணத்திற்காக ஓடிய சீடன்
  கடவுள் ரசித்த கதை
  புத்தர் மௌனமாக இருக்கலாமா?
  குளத்தை வெட்டினால் புண்ணியம் கிடைக்குமா?
  சிங்கத்திற்குத் தற்பெருமை வரலாமா?
  தேங்காய் சிதறுகாயான கதை
  அஷ்டாவக்கிரர் செய்த உபதேசம்
  அர்ச்சுனனுக்கு வந்த ஆணவம்
  கம்பர் வீட்டு வேலைக்காரி சொன்ன விடுகதை
  சிறப்பான ஆட்சிக்கு எவை தேவை?
  அழியும் பொருள் மேல் ஆசை கொள்ளலாமா?
  விமானத்தில் பறந்த கஞ்சன்
  நாய்களுக்கு அனுமதி இல்லை
  வடைக்கடைப் பொருளாதாரம்
ஆன்மிகம் - இந்து சமயம்
  ஆலயத்தினுள் கடைப்பிடிக்க வேண்டிய விதிகள்
  தானம் செய்வதால் வரும் பலன்கள்
  முருகனுக்கு காவடி எடுப்பது ஏன் தெரியுமா?
  பிரதோஷம் எப்படி விஷேசமானது?
  விநாயகர் சில சுவையான தகவல்கள்
  சிவராத்திரி விஷேசமானது ஏன்?
  முருகனுக்கு ஏன் இத்தனை பெயர்கள்?
  தமிழகத்திலுள்ள நவ கைலாயங்கள்
  கேரளாவின் 108 துர்க்கை கோயில்கள்
  எப்படி வந்தது தீபாவளி?
  தசரதனுக்கு ஏன் நான்கு பிள்ளைகள்?
  ஸ்ரீ கிருஷ்ணன் பூமியில் வாழ்ந்த காலம் எவ்வளவு?
  ஆலயத்திற்குச் சென்று வழிபடுவது அவசியமா?
  அனுமனுக்கு வடை மாலை ஏன்?
  திருநீறு எங்கெல்லாம் பூசலாம்?
  விநாயகருக்கு முதல் மரியாதை ஏன்?
  கீதை சொல்லும் சொல்லக்கூடாத விசயங்கள்
  சிவபெருமானின் 64 திருக்கோலங்கள்
  முருகா என்றால் என்ன கிடைக்கும்?
  குரு சீடனை ஏற்கும் தீட்சை முறைகள்
  விபூதியின் தத்துவம்
  கோயில்களில் பாலியல் சிற்பங்கள் ஏன்?
  தீபாவளியன்று என்ன செய்ய வேண்டும்?
  கிருஷ்ணர் கண்ணை மூடிக் கொண்டது ஏன்?
  இறைவன் ஆடிய நடனங்கள்
  யாரை வணங்கலாம்? யாரை வணங்கக் கூடாது?
  செய்யக்கூடியதும் செய்யக்கூடாததும்
  கணவனைக் காக்கும் சாவித்திரி நோன்பு
  விநாயகர் வழிபாட்டுக்கான இலைகள்
  இறைவனை வழிபட்ட பிற உயிரினங்கள்
  நவராத்திரி பூஜை ஏன்?
  வேள்விகளும் பலன்களும்
  காசிக்கு சென்று எதை விட்டு வரவேண்டும்?
  பசுவும் பாம்பும் கடவுளாகுமா?
  அம்பலப்புழா பால் பாயாசம்
  துர்க்கையம்மனை ராகு காலத்தில் வழிபடுவது ஏன்?
  சிவபெருமான் அபிஷேகப் பலன்கள்
  ஈசன் உபதேசித்தத் தலங்கள்
  பரமபதம் விளையாட்டு ஏன்?
  வேள்வி மந்திரங்களும் - வேள்வியின் பலன்களும்
  பதின்மூன்று வகை சாபங்கள்
  இறை வழிபாட்டில் வில்வம், துளசி ஏன்?
  சரஸ்வதிக்கு வெள்ளைப்புடவை ஏன்?
  பிரதோஷங்களும் வழிபாட்டுப் பலன்களும்
  சண்டிகேசுவரருக்கு தனிமரியாதை ஏன்?
  உணவு வழித் தோசங்கள்
  திருமாலின் தோற்றங்களில் அழகிய தோற்றம்
  மகாலட்சுமி வசிக்கும் இடங்கள்
  பஞ்சகவ்யம் அபிசேகம் ஏன்?
  நந்தியை எத்தனை முறை வலம் வருவது?
  சிவன் சொத்து குல நாசம் – பொருள் என்ன?
  மாவிளக்கு ஏற்றுவதன் பலன்கள்
  இராமேஸ்வரத் தீர்த்தங்களும் பலன்களும்
  பட்டினத்தார் சொன்னதன் பொருள் என்ன?​
  கலியுகத்தில் என்னென்ன நடக்கும்?
  அனுமனுக்கு வடை மாலையா? ஜிலேபி மாலையா?
  தீர்க்க சுமங்கலி பவா

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயருடன் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License