தமிழ் மொழியின் சிறப்பென்று பல தகவல்களைப் பட்டியலிடலாம். தாவரங்களின் பாகங்களைக் கூட தமிழில் விதவிதமாய்ப் பல பெயர்களில் அழைத்திருக்கின்றனர்.

வாங்க, அந்தச் சொற்கள் எவையெவை என்று பார்க்கலாம்.

பிஞ்சு வகை

* பூவோடு கூடிய இளம்பிஞ்சு - பூம்பிஞ்சு

* இளங்காய்பிஞ்சு - மாவடு

* பலா - மூசு

* எள் = கவ்வை

* தென்னை, பனை - குரும்பை, சிறு குரும்பை, முட்டுக் குரும்பை

* முற்றாத தேங்காய் - இளநீர்

* இளம் பாக்கு - நுழாய்

* இளநெல் - கருக்காய்

* வாழை - கச்சல்

காய் நிலை

* பழுத்தற்கேற்ற முற்றிய காய் - பழக்காய்

* முற்றிய பனங்காய் - கடுக்காய்

* உரிய காலத்திற் காய்ப்பது - காலக்காய் அல்லது பருவக்காய்

* காலமல்லாக் காலத்திற் காய்ப்பது - வம்பக்காய்

* முற்றிய காய் - கருக்காய்

குலை

* அவரை துவரை முதலியன - கொத்து

* கொடிமுந்திரி போன்றது - குலை

* வாழை - தாறு

* கேழ்வரகு ,சோளம் முதலியன - கதிர்

* நெல், தினை முதலியன - அலகு அல்லது குரல்

* வாழைத்தாற்றின் பகுதி - சீப்பு


கனி

* தெங்கு, பூசணி முதலியன - காய்

* முந்திரி, நெல்லி முதலியன - கனி

* மா, வாழை முதலியன - பழம்

* முதிர்ந்த பின் கனிவில்லாதது - காய்

* முதிர்ந்த பின் கடினமானது - நெற்று

காய் முதிர்ச்சி

* மா, வாழை முதலியன - பழுத்தல்

* சுரை பூசணி முதலியன - முற்றல்

* தேங்காய், பீர்க்கு முதலியன - நெற்று

* நெல், சோளம் முதலியவற்றின் கதிர் - முதிர்ச்சி , விளைச்சல்

காய், கனி ஆகியவற்றின் கெடுதல்

* நுனியில் சுருங்கிய காய் - சூம்பல்

* சுருங்கிய பழம் - சிவியல்

* புழு, பூச்சி அரித்த காய் அல்லது கனி - சொத்தை

* சூட்டினால் பழுத்த பிஞ்சு - வெம்பல்

* குளுகுளுத்த பழம் - அளியல்

* குளுகுளுத்து நாறிய பழம் அல்லது காய் - அழுகல்

* பதராய்ப்போன மிளகாய் - சொண்டு

சொத்தைத் தேங்காய்

* கோட்டான் உட்கார்ந்ததினால் கெட்ட காய் - கோட்டான்காய் அல்லது கூகைக்காய்

* தேரையமர்ந்ததினால் கெட்ட காய் - தேரைக்காய், அல்லிக்காய்

* ஒருவர் தமித்து இளநீர் குடித்த தென்னையிற் கெட்ட காய் - ஒல்லிக்காய், அல்லிக்காய்


காயின் காம்பிதழ்

* தேங்காய் பனங்காய் முதலியவற்றின் காம்பிதழ் - இதக்கை

* சோளத்தின் காம்பிதழ் - சொங்கு

பழத்தோல்

* மிக மெல்லியது - தொலி

* திண்ணமானது - தோல்

* வன்மையானது - தோடு

* மிக வன்மையானது - ஓடு

* சுரையின் ஓடு - குடுக்கை

* தேங்காய் நெற்றின் மேற்பகுதி - மட்டை

* நெல் கம்பு முதலியவற்றின் மூடி - உமி

* வரகு, கேழ்வரகு முதலியவற்றின் உமி - கொம்மை

உள்ளீட்டு வகை

* நீர் போலிருப்பது - சாறு

* கட்டிச்சோறு போலிருப்பது.(கத்தரி முருங்கை கற்றாழை முதலியவற்றின் உள்ளீடு) - சோறு

* வாழை, மா முதலியவற்றின் உள்ளீடு - சதை

* சீத்தா, பலா - சுளை

வித்து வகை

* கத்தரி விதை போலச் சிறியது - விதை

* வேப்பமுத்துப் போல் உருண்டு திரண்டது - முத்து

* புளியங்கொட்டைபோல் வயிரங்கொண்டது - காழ்

* மாங்கொட்டைபோற் பெரியது - கொட்டை

வேர்

* ஆழமாக இறங்குவது - வேர்

* திரண்டிருப்பது - கிழங்கு

* உருண்டு மென்மையாயிருப்பது - பூண்டு

* குட்டையான கற்றையா யிருப்பது - கட்டை

வேரின் பிரிவுகள்

* தண்டின் தொடர்ச்சியாக ஆழமாய் இறங்குவது - ஆணிவேர்

* ஆணிவேரின் கிளை - பக்கவேர்

* கிழங்கு பூண்டு முதலியவற்றின் சன்னமான கிளைவேர் - சல்லிவேர்

அரிதாள்

* நெல், கேழ்வரகு - இருவி

* சோளம், கரும்பு - கட்டை

* தென்னை, பனை - தூறு

* வேம்பு, புளி - முருடு

அடி வகை

* நெல், கேழ்வரகு - தாள்

* கீரை, வாழை - தண்டு

* நெட்டி, மிளகாய்ச் செடி - கோல்

* குத்துச்செடி, புதர் - தூறு

* கம்பு, சோளம் - தட்டு / தட்டை

* கரும்பு - கழி

* மூங்கில் - கழை

* புளி, வேம்பு -அடி

கிளைப் பிரிவுகள்

* அடிமரத்தினின்று பிரியும் மாபெருங் கிளை - கவை

* கவையின் பிரிவு - கொம்பு அல்லது கொப்பு

* கொம்பின் பிரிவு - கிளை

* கிளையின் பிரிவு - சினை

* சினையின் பிரிவு - போத்து

* போத்தின் பிரிவு - குச்சு

* குச்சின் பிரிவு - இணுக்கு


காய்ந்த அடியும் கிளையும்

* காய்ந்த குச்சு - சுள்ளி

* காய்ந்த சிறு கிளை - விறகு

* காய்ந்த கழி - வெங்கழி

* காய்ந்தகொம்பும் கவையும் அடியும் - கட்டை

இலை நரம்பு

* காம்பின் தொடர்ச்சியாக இலையின் நுனிவரை செல்வது - நரம்பு

* நரம்பின் கிளை - நாம்பு

பூ மடல்

* வாழை மடல் - பூ

* தாழை, வாழை முதலியவற்றின் மடல் - மடல்

* தென்னை, பனை முதலியவற்றின் மடல் - பாளை

*****

இது முத்துக்கமலம் இணைய இதழின் படைப்பு.