உறவுகள் மனித வாழ்விலே
என்று மாற்றமடையா சுவடுகள்...
சுவடுகளை அழித்துவிட்டு சுகம்
காணும் புதுயுக மனிதர்கள்!

தோற்றத்தில் மாற்றம்- அதன்
பெயர் வைத்தான் நவீனமென...
மாறிய புதுயுகம் மரணம்வரை
கொண்டு செல்லுமென மறந்தவனாய்!

மனிதத்தினுள் மிருகம் குடிகொள்ள
அறிவின் கண் ஒளியிழக்க,
தேடியலைந்தான் அற்ப சுகங்களை
ஆட்டம் கண்டான் ஆன்மீகத்தில்!

ஒருத்தனுக்கு- ஒருத்தியென்ற சமூகத்
தத்துவத்தை உடைத்தெறிந்தான்
களங்கத்தை கண்ணில் வைத்து மோக
வெறியுடன் ஒன்றுக்கு மேல்
உறவுகொண்டான்!

ஒழுக்கம் இன்று ஒழிந்து கொண்டது
இறக்கம் காட்ட மறுத்து நின்றது...
தாங்கொணாத் துயரினால் ஓலமிட்டு
மனிதனைத் தூக்கிலிட முடிவு செய்தது!

இதயமற்ற மனிதனே திருந்திடு- என
இரத்த நோயாய் "எயிட்" சை
மனிதனுக்குள் ஏவிவிட்டது...
உடல் எதிர்ப்பின்றி ஊசலாட
இறந்துமடி என சாபமிட்டது!

சாபத்தைத் தொடர்ந்தன சந்ததி
சமுதாயத்திலும் ஒதுக்கப்பட்டனர்...
ஒவ்வொரு தாக்கத்துக்கும் மறு
தாக்கம் உண்டென்றான் நியூட்டன்...
விதை விதைத்த மனிதன் இன்று
அதை அறுவடை செய்கின்றான்!

இது முத்துக்கமலம் இணைய இதழின் படைப்பு.