தொடர்ச்சி... (3)

இந்த நட்சத்திரத்தின் ஒன்றாம் பாதத்தில் சுரம் ஏற்பட்டால் நோயாளியைக் கொல்லும். இரண்டாம் பாதத்தில் பதினொன்றாம் நாளில் குறைவடையும். மூன்றாம் பாதமாகில் பதினெட்டாவது நாளில் குணமாகும். நாலாம் பாதத்தில் சுரம் ஆரம்பித்தால் இருபத்தியாறாவது நாளில் குணமாகும்.

“ரேவதியின் சுரமுதற்கால் மரிப்பதாகும்
மிரண்டாங்கால் பதினோரா நாளே தீரு
மாதியேமூன் றாங்கால்பதி னெட்டில்தானும்
வருசுரம்நாற் காலதுவே இருபத்தாறில்
பூபதிசே ரனுகூல மடையுங்கண்டீர்
புகல்சுர நுால் கண்டிகை புகலக்கேண்மின்
தாபதிசே ருமைகேட்க வானே சொன்ன
சாஸ்திரத்தை உரைப்பவர்கேள் தப்பாதென்றே”

எனும் பாடல் இதனை மெய்ப்பிக்கின்றது. (அகத்தியர் இரண்டாயிரம் - மூன்றாம் பாகம், பதிப்பாசிரியர் டாக்டர் எஸ்.வெங்கடராஜன், பக்கங்கள், 507 - 519.)

மேற்காணும் 27 நட்சத்திரங்களின் பாதங்களில் சுரம் ஏற்பட்டால் மருந்தில்லாமல் விளையும் பயன்கள் குறித்த அட்டவணையைக் கீழே காணலாம்.