திருவோணத்திற்கு எதிர் ஓணம் இல்லை.

திருவோணத்திற்கு எதிர் ஓணம் கிடையாது.

திருவோணத்தான் உலகாள்வான்.

திருவோணத்தானை வெற்றி கொள்ள இயலாது.

அவிட்டத்திலே பெண் பிறந்தால் தவிட்டுப் பானையிலும் பொன். (மு. சரளா, பெ.ப.ப.மொ, மகப்பேறு தலைப்பு, ப.58)

அவிட்டம் தொட்டதெல்லாம் பொன்.

அவிட்டம் தவிட்டுப் பானையும் பொன். (மேலது,ப.65.)

அவிட்டத்தில் பிறந்தால் தவிட்டுப் பானையிலும் பொன். (பிரம்ம புத்திரன், த.த.ப.மொ, ப.19)

பெண்களைப் பற்றிய பழமொழிகள் நூலில், பெண்ணின் உறவு நிலைகள் அக்காள், தங்கை.

“அவிட்டத்தில் பிறந்த தங்கச்சி அந்நியத்தில் கொடுக்கக் கூடாது” என்கின்றது. (மு. சரளா, பெ.ப.பமொ, ப.24)

அவிட்டம் தவிட்டுப் பானையிலே பணம்.

அவிட்டம் தவிட்டுப் பானை எல்லாம் பொன்.

சதயத்திற்கு சொல் புத்தியும் கிடையாது; சுய புத்தியும் கிடையாது.

சுயபுத்தி இல்லையென்றாலும் சொற்புத்தி வேண்டாமா? (பிரம்ம புத்திரன், த.த.ப.மொ, ப.125.)

காவரி ஆற்றை மறைப்பாய் கார்த்திகை மாதத்துக் கற்கடக நட்சத்திரத்தை மறைப்பாயா? (மேலது, ப.100.)

கிழமைகள் பிறந்த நட்சத்திரங்கள் குழந்தை பிறந்தால் ஆகாது.

சோதிட பழம் பாடல் ஞாயிற்றுக் கிழமையில் பரணி நட்சத்திரத்திலும், திங்கட் கிழமையில் சித்திரை நட்சத்திரத்திலும், செவ்வாய்க் கிழமையில் உத்திராட நட்சத்திரத்திலும், புதன் கிழமையில் அவிட்ட நட்சத்திரத்திலும், வியாழக் கிழமையில் கேட்டை நட்சத்திரத்திலும் வௌ்ளிக்கிழமை பூராட நட்சத்திரத்திலும், சனிக் கிழமை இரேவதி நட்சத்திரத்திலும், குழந்தை பிறந்தால் அதிக துக்கத்தை உண்டாக்கும்.

“ஆயசித் திரையில் திங்கள் அணிகுசன் உத்திராடம்
ஞாயிறு பரணி கேட்டை நற்குரு வாரம் ஆகும்
ஏயறு புதன் அவிட்டம் இரேவதி சனியே ஆகும்
தூயபூ ராடம் வௌ்ளி இதில் சன்மம் துயரம் செய்யும்.” (சா.அ.) - செ.74, ப.197.)

“வந்திக்குங் கதிர்க்குங் கங்குல் மதிக்குச்சித் திரைசேய் தரடி
புந்திக்கு விட்டம் ஆகும் பொன்னுக்குக் கேட்டை ஆகும்
சந்திக்கும் புகர்பூ ராடம் சனிதோணிப் பிறந்த நாள்ஆம்
சிந்திக்குங் கருமம் எல்லாம் தீமையாய் விளையும் மாதே.”

என்று சூடாமணி உள்ளமுடையான் தெரிவிக்கின்றது.

கிழமைகள் பிறந்த நட்சத்திரங்கள் குழந்தை பிறந்தால் ஆகாது, இவ்வாறு அமைந்த தினங்களில் சுபக்கருமங்கள் செய்யக் கூடாது. (மேலது, ப.197.)

பழங்காலம் முதல் சோதிட வழக்கினில் வரும் பழமொழிகளாக இவை விளங்கி வருகின்றன.

*****

இது முத்துக்கமலம் இணைய இதழின் படைப்பு.