ஜப்பான் நாட்டில் ஒரு வினோதமான உளவியல் ஜோதிடத்தை நம்புகின்றனர். அதன்படி 3 என்ற எண் மிக முக்கியமான எண்ணாகப் பார்க்கப்படுகிறது. ஒருவரது பெயரில் மூன்றாவதாக வரும் எழுத்திற்கும், அவர்கள் குணத்திற்கும் அதிகமான தொடர்பு இருப்பதாக அந்த நாட்டு மக்கள் கருதுகின்றனர். அந்த வகையில் இங்கு எந்தந்தெந்த எழுத்திற்கு என்னென்ன பலன்கள் இருக்கிறது என்பது பற்றி சொல்லப்பட்டிருக்கிறது. உங்கள் பெயரின் மூன்றாவது எழுத்தில் என்ன குணங்கள் இருக்கிறது? உங்களுக்குப் பிடித்த / பிடிக்காதவர்களின் பெயர்களின் மூன்றாவது எழுத்தில் என்னென்ன குணங்கள் உள்ளது எனப் பார்க்கலாம் வாருங்கள்.

“A” என்ற சொல் அதிகமாக வலிமை வாய்ந்தது. இவர்களுக்கு, தைரியம், உறுதி, மற்றும் பேராராட்டக் குணம் இயற்கையாகவே இருக்கும், ஒரு சூழ்நிலையை இவர்கள் தீர்மானிப்பது போலவேக் கொண்டு செல்ல நினைப்பார்கள். மற்றவர்கள் இவர்களை வழி நடத்துவது இவர்களுக்கு அறவேப் பிடிக்காது.

“B” என்ற எழுத்தைப் பெயரில் மூன்றாவதாகக் கொண்டவர்கள், மற்றவர்கள் பார்த்துப் பெருமைப்படும்படி நடந்து கொள்வார்கள். இவர்கள் வாழ்க்கையில் உணர்ச்சி, உணர்வு என்ற பேச்சுக்கே இடம் இல்லை. மனிதர்களை எப்படிக் கையாள வேண்டும் என்பதில் கைதேர்ந்தவர்களாக இருப்பார்கள்.

“C” என்ற எழுத்தைப் பெயரில் மூன்றாவதாகக் கொண்டவர்கள் சற்று வெள்ளந்தியானவர்கள். அதே நேரத்தில், அதிகத் திறமைசாலிகள், மற்றவர்களுடன் எளிதாகப் பழகி விடுவார்கள். சமூகத்தில் உங்களுக்கு நல்ல பெயர் இருக்கும். அதே நேரத்தில், அவர்களை ஒருவர் மனதால் காயப்படுத்தி விட்டால் காயப்படுத்தியவரைப் பழி வாங்க அவர்கள் போடும் திட்டங்களை எல்லாம் மற்றவர்களால் யோசித்துக்கூடப் பார்க்க முடியாது. மற்றவர்கள் ஒரு வார்த்தை அவர்களைத் தவறாகப் பேசினால் கூட, அதை அவர்களால் தாங்கி கொள்ள முடியாது. இவை எல்லாம் அவர்களின் பிறவிக் குணங்கள். அதேப் போலப் பேச்சில் உங்களை மிஞ்ச முடியாது. அடுத்து நடக்க விருப்பது குறித்து அவர்களுக்கு அவ்வப்போது ஒரு உள்ளுணர்வு வரலாம்.

“D” என்ற எழுத்தைப் பெயரில் மூன்றாவதாகக் கொண்டவர்கள் அனைவராலும் அதிகமாக விரும்பப்படுபவராக இருப்பார்கள். D என்ற எழுத்து சமநிலை, பாதுகாப்பு மற்றும் கடின உழைப்பை வழங்கும். நீங்கள் இருக்கும் இடத்தை சுத்தமாக வைத்திருப்பீர்கள். எடுத்த இடத்தில் எடுத்தப் பொருளை வைக்க வேண்டும் என்பது உங்கள் விருப்பமாக இருக்கும். வாழ்வின் அர்த்தத்தையும் போக்கையும் நன்கு புரிந்து வைத்திருப்பீர்கள். அதனாலேயேப் பல இடங்களில் தலைமைப் பொறுப்பு உங்களுக்குக் கிடைக்கும். அதே நேரத்தில் எதிலும் நீங்கள் பிடிவாதமாக விட்டுக் கொடுக்காமல் இருப்பீர்கள்.


“E” என்ற எழுத்தைப் பெயரில் மூன்றாவதாகக் கொண்டவர்கள், மற்றவர்கள் விரும்பும் நல்ல குணத்துடன் இருப்பார்கள். இவர்கள் இயற்கையாகவே கருணையுடனும், மென்மையாகவும் இருப்பார்கள். மிக கடினமான பிரச்னைகளையும் எளிதாக முடிப்பார்கள். இவர்களின் நண்பர்கள் மற்றும் உடன் வேலை செய்பவர்கள் இவர்கள் அழகில் அசந்துதான் போவார்கள். ஆனால், இவர்கள் காதல் வாழ்வில் நம்ப முடியாத, அதே நேரம் வெற்றுப் பேச்சில் அதிகக் கவனம் கொள்பவர்களாக இருப்பார்கள். ஒரே நபரை நீண்ட நாட்கள் காதலிப்பது என்பது இவர்கள் அகராதியில் இல்லாத வார்த்தை.

“F” என்ற எழுத்தைப் பெயரில் மூன்றாவதாகக் கொண்டவர்கள், மற்றவர்கள் மீது அக்கறை கொள்ளக்கூடிய, அதே நேரத்தில் பொறுப்பு மற்றும் குடும்பப் பாசம் அதிகம் மிகுந்த நபராக இருப்பார்கள். அதே நேரத்தில் அவர்கள் இயற்கையாகவேத் தனிப்பட்ட வாழ்க்கையில், அதிக ஈடுபாட்டுடனும், அதிக காதல் உணர்வுடன் இருப்பார்கள். ஆனால் இவர்களிடம் இருக்கும் குழந்தைத்தனமும், வஞ்சமான எண்ணமும் தான் மோசமான குணங்கள். இவர்களில் சிலர் போலியானவர்களாக இருக்கவும் வாய்ப்புகள் அதிகம்.

“G” என்று இருந்தால் அவர்கள் புதிதான விஷயங்களைச் செய்வதில் எப்பொழுதும் அதிக விருப்பத்துடன் இருப்பார்கள். அவர்களின் விருப்பதிற்கு ஏற்பவே, அவர்களின் வாழ்வை வாழ நினைப்பார்கள். இவர்கள் சற்று புத்திசாலியாகவும், விரைவாகச் சிந்திப்பவருமாக இருப்பார்கள். ஒருவர் சொல்வது உண்மையா? இல்லையா? என்பதைக் கண்டுபிடிப்பதில் கை தேர்ந்தவர்கள் இவர்கள்.

“H” என்ற எழுத்தைப் பெயரில் மூன்றாவதாகக் கொண்டவர்கள், அதிக நடைமுறை எண்ணமுடையவர்கள். மேலும், சற்று மூர்க்கக் குணமும் அதிகமாக இருக்கும். தொழில் செய்ய ஏற்ற நபர்கள் இவர்கள் தான். இதனால் இவர்களிடம் சிறந்தத் தலைமை பண்பும் இருக்கும். பொறுமையும், பொறுப்புணர்ச்சியும் இவர்களிடம் அதிகமாகவே இருக்கும். வெற்றிக்காக அதிகமாக உழைப்பார்கள். ஆனால்கள் உறவுகளில் இவர்கள் சற்று சொந்தம் மற்றும் சுயநலம் மிக்கவராக இருப்பார்கள்.

“I” என்ற எழுத்தைப் பெயரில் மூன்றாவதாகக் கொண்டவர்கள், புனிதமான எண்ணங்களையும், கனிவான மனதையும் கொண்டவர்களாக இருப்பார்கள். எந்த முடிவையும் ஆழமாக யோசித்த பின்பு தான் முடிவு செய்வார்கள். அதிகமாக மற்றவர்களுக்கு உதவி செய்வது இவரது இயற்கை குணம். இவர்களுக்கு அதிர்ஷ்டம் சற்றுக் குறைவு தான். இவர்களின் மோசமான குணம், அவ்வப்போது இவர்களது செயல் மற்றவர்களை எரிச்சலூட்டுவதாக இருக்கும். ஆனால் இவர்கள் எளிதில் மற்றவர்களிடம் ஏமாந்து போவார்கள்.

“J” என்ற எழுத்தைப் பெயரில் மூன்றாவதாகக் கொண்டவர்கள், இயற்கையாகவே அவர்கள் இருக்கும் சூழநிலைகளை உணர்ந்து அதற்கு ஏற்றார் போல் செயல்படுபவர்கள். வாழ்வில் அவர்களுக்கு ஒரு விஷயம் வேண்டும் என்றால் அதற்காக எதை வேண்டுமானாலும் இழக்கத் தயாராக இருப்பார்கள். தன்னம்பிக்கையும், தீர்மானமும் இவர்களிடம் அதிகமாகக் காணப்படும். வாழ்க்கைத் துணையைப் புரிந்து கொண்டு செயல்படுவார்கள்.


“K” என்ற எழுத்தைப் பெயரில் மூன்றாவதாகக் கொண்டவர்கள், பல இடங்களில் மற்றவர்கள் கவனத்தை அதிகமாக ஈர்ப்பார்கள். ஒரு பிரச்சனை ஏற்பட்டால், அதில் இருவரையும் சமாதானப்படுத்துவது இவராகத்தான் இருக்கும். மற்றவர்கள் மீது அதிக அக்கறைகளைக் கொண்டிருப்பார். இதனால் உறவுகளில் இவருக்கு விளையாட்டு பிடிக்காது. தனது வாழ்க்கைத் துணையின் அன்பு என்றும் உறுதியானதாக இருக்க வேண்டும் என நினைப்பவர்.

“L” என்ற எழுத்தைப் பெயரில் மூன்றாவதாகக் கொண்டவர்கள், தங்களது வாழ்க்கையையும், சக மனிதர்களையும் பார்க்கும் விதமே வித்தியாசமானதாக இருக்கும். இந்த உலகிலேயே இவர்களுக்கு முக்கியமான நபர் இவர்களது வாழ்க்கைத் துணைதான். இவர்களுக்கு இயற்கையாவே நகைச்சுவை உணர்வு சற்று அதிகமாக இருக்கும்.

“M” என்ற எழுத்தைப் பெயரில் மூன்றாவதாகக் கொண்டவர்கள், இயற்கையாகவே உண்மையாகவும், கடும் உழைப்பாளியாகவும் இருப்பவர். சிலர் போதைக்கு அடிமையானது போல் இவர்கள் உழைப்பிற்கு அடியானவர்கள். இவர்களுக்கு மற்றவர்களிடம் சென்று உதவி கேட்கப் பிடிக்காது, எதுவாக இருந்தாலும் தானாவேச் செய்து கொள்வார்கள். இவர்களின் பொறுமையை ஒருவர் சோதித்தால் அவ்வளவு தான் கடும் கோபக்காரர்களாக மாறிவிடுவார்கள்.

“N” என்ற எழுத்தைப் பெயரில் மூன்றாவதாகக் கொண்டவர்கள், எதைச் செய்தாலும் சரியாகச் செய்ய வேண்டும் என்ற எண்ணத்தைக் கொண்டவர்கள். மேலும், இவர்கள் இயற்கையாகவே மற்றவர்களுடன் நன்கு பழகும் குணத்தைக் கொண்டவர்கள். இவர்கள் ஆட்டு மந்தை போலச் செயல்பட மாட்டார்கள். ஆட்டுக் கூட்டத்தில் தனியாகத் தெரிய வேண்டும் என நினைப்பார்கள்.

“O” என்ற எழுத்தைப் பெயரில் மூன்றாவதாகக் கொண்டவர்கள், மற்றவர்களிடம் அதிகம் அன்பு காட்டும் நபராக இருப்பார்கள். மற்றவர்களுக்குக் கற்றுத் தருவதில் அதிகம் ஆர்வம் கொண்ட இவர்கள் ஆய்வுகளை மேற்கொள்ளவும் ஆர்வம் காட்டுவார்கள்.

“P” என்ற எழுத்தைப் பெயரில் மூன்றாவதாகக் கொண்டவர்கள், பெரும்பாலும் எல்லா விஷயங்களிலும் முதன்மையாக இருக்க விரும்புவார்கள். இயற்கையாவே இவர்கள் பிடிவாதக்காரர்களாக இருப்பார்கள். ஆனால் சுற்றியுள்ளவர்களை எப்பொழுதும் சந்தோஷமாகவே வைத்திருக்க விரும்புவார்கள். ஆனால், இவர்கள் சற்று சுயநலச் சிந்தனையுடையவர்கள். அதே நேரத்தில் நல்ல நகைச்சுவை உணர்வுகள் இவர்களுக்கு இருக்கும்.

“Q” என்ற எழுத்தைப் பெயரில் மூன்றாவதாகக் கொண்டவர்கள், தங்கள் வாழ்வில் உண்மையாகவும், நேர்மையாகவும் வாழ நினைப்பவர்கள். அவர்கள் நட்பாகப் பழகவும், அறிவுரைகள் கேட்கவும் சிறந்த நபர்கள். எந்த நேரத்திலும் எந்தச் சூழ்நிலையிலும் எதையும் விட்டுக் கொடுக்க மாட்டார்கள். மற்றவர்கள் ஒரு பாதையில் சென்றால், இவர்கள் வேறு பாதையில் செல்ல விரும்புவார்கள். இவர்களுக்குக் கூச்சச் சுபாவமும் இருக்கும்.

“R” என்ற எழுத்தைப் பெயரில் மூன்றாவதாகக் கொண்டவர்கள், நல்ல ஞானம் உடையவர்கள். அதே நேரத்தில் இவர்களுக்கு இரக்க குணமும் அதிகமாக இருக்கும். மற்றவர்களின் கஷ்டங்களைப் போக்குபவராக இருப்பார்கள். இவர்களுக்குப் பிடித்தவர்களுக்கு உதவி செய்ய எந்த எல்லைக்கு வேண்டுமானாலும் செல்வார்கள். ஆனால் முன்கோபம் இவர்களின் மோசமான குணம்.

“S” என்ற எழுத்தைப் பெயரில் மூன்றாவதாகக் கொண்டவர்கள், அதிக நம்பகத்தன்மை கொண்டவர்கள். இவர்களின் திறமை மற்றும் அழகு அவர்கள் இருக்கும் இடத்தில் அவர்களை ஈர்க்க வைக்கும். இவர்கள் பணக்காரர்களாக ஆசைப்படுவார்கள். அதனால் பணம் சம்பாதிப்பதிலும் சேர்ப்பதிலும் இவர்களை மிஞ்ச ஆட்கள் இல்லை.

“T” என்ற எழுத்தைப் பெயரில் மூன்றாவதாகக் கொண்டவர்கள் ராஜதந்திரமாகச் செயல்படுபவர்கள். இருவருக்கிடையேப் பிரச்னை ஏற்பட்டால், அதைத் தீர்த்து வைப்பதில் இவர்களது பங்கு முக்கியமாக இருக்கும். இவர்கள் அதிர்ஷ்டத்தை விட உழைப்பை அதிகம் நம்புவார்கள். இவர்களது வெகுளித்தனமும், உதவி செய்யும் குணமும் மற்றவர்களை ஈர்க்கும். புதுமையை விரும்பும் இவர்கள் பழைய விஷயங்களில் ஈடுபாடு இல்லாமல் இருப்பார்கள்.

“U” என்ற எழுத்தைப் பெயரில் மூன்றாவதாகக் கொண்டவர்கள், கடினமான உழைப்பாளிகள். இவர்கள் சொகுசாகவும், வசதியாகவும் வாழ விரும்புவார்கள். இவர்களுக்கு எதை எப்பொழுது செய்ய வேண்டும் என்று தெளிவாகத் தெரியும். புதிய புதிய விஷயங்களில் அதிகக் கவனம் செலுத்துவார்கள். வாழ்க்கையில் அடுத்த நிலைக்குச் செல்ல அவர்கள் விரும்பும் நபரை பிரியவும் தயங்க மாட்டார்கள்.

“V” என்ற எழுத்தைப் பெயரில் மூன்றாவதாகக் கொண்டவர்கள், உண்மையான மனிதர்களாக இருப்பார்கள். இவர்களிடம் அதிக நினைவுத்திறன் இருக்கும். சின்ன விஷயத்தையும் அதிக நாட்கள் நினைவில் வைத்திருப்பார்கள். கடின உழைப்பாளியான இவர்கள் அவ்வப்போது கிசுகிசுகளிலும் சிக்குவார்கள். மற்றவர்களைச் சார்ந்து வாழ்ந்தாலும், அவர்களை மற்றவர்கள் சார்ந்து வாழ்ந்தாலும் அதற்கு ஏற்றார் போல் நடந்து கொள்வார்கள்.

“W” என்ற எழுத்தைப் பெயரில் மூன்றாவதாகக் கொண்டவர்கள், பெரும்பாலும் மனத் தள்ளாட்டத்துடனேயேக் காணப்படுவார்கள். அவர்களுக்குள் தான் சிக்கலுக்குள் மாட்டிக் கொண்டோமோ என்ற பயம் எப்பொழுதுமே இருக்கும். எப்பொழுதுமே அமைதியின்றிக் காணப்படுவார்கள்.


“X” என்ற எழுத்தைப் பெயரில் மூன்றாவதாகக் கொண்டவர்கள், எப்பொழுதும் ஒரு அர்ப்பணிப்பிற்குள் வர விரும்ப மாட்டார்கள்.

“Y” என்ற எழுத்தைப் பெயரில் மூன்றாவதாகக் கொண்டவர்கள், கவனமுடன் செயல்படுபவராக இருப்பார்கள். இவர்களில் பலர் பணக்கார வாழ்க்கைத் துணையை தேர்ந்தெடுக்க விரும்புவார்கள். அவர்களது சொந்த இடத்தில் இருக்கத்தான் விரும்புவார்கள். மற்றவர்களுடன் எளிதில் சேர்ந்து விட மாட்டார்கள்.

“Z” என்ற எழுத்தைப் பெயரில் மூன்றாவதாகக் கொண்டவர்களுக்கு உடலில் அதிக சகிப்புத்தன்மை மற்றும் சிறப்பு சக்தி இருக்கும். இவர்கள் இலக்கை நோக்கிப் பயணிப்பவர்கள். அதனால் இவர்கள் அலுவலகத்தில் சிறப்பான ஆளாக அவர்களின் தலைமையால் பார்க்கப்படுவர். அதிக நம்பிக்கை மற்றும் ஒற்றுமை குணம் கொண்டவர்கள். இவர்களிடம் இருந்துதான் ஒரு வேலையை எப்படிச் செய்து முடிக்க வேண்டும் என்பதைக் கற்றுக்கொள்ள வேண்டும்.

இது முத்துக்கமலம் இணைய இதழின் படைப்பு.