* தாய்மொழி வழிக் கல்வி சிந்தனையைத் தூண்டி வளர்க்கும்.

* கல்வியறிவில் கேள்வியறிவு உயர்ந்தது; கேள்வியறிவிலும் பட்டறிவு உயர்ந்தது.

* தொண்டும், துணிவும் இடைவிடா முயற்சியும் கடின உழைப்பும் தேவை.

* தன்னம்பிக்கை ஒன்றைத் தவிர வேறு எதுவும் துணையில்லை.

* சிக்கல்களுக்கு உடனுக்குடன் தீர்வு காணாவிட்டால் புதிய சிக்கல்கள் தோன்றும்.

* திட்டமிட்டுச் செய்யாத பணிகளில் பணமும் பாழாகிறது. பயனும் இல்லாமல் போகிறது.

* அரைகுறைகள் மற்றவர்கள் சொல்வதை மதித்துக் கேட்க மாட்டார்கள்.

* சலுகைகளால் ஒரு சமுதாயத்தை வளர்த்து விட முடியாது.

* ஓய்வு எடுக்காது உழைக்கும் உழைப்பின் தரம் குறையும்.


* தவறுகளைக் கூட ஏற்கலாம். ஆனால் முறைகேடுகளை ஏற்றுக் கொள்ளக்கூடாது.

* மனித முயற்சிகள் தோற்கலாம். ஆனால், மனிதன், தோற்கக் கூடாது.

* பெண் தனித்திருக்க முடியாது என்ற கருத்து பிழையானது.

* எல்லோரையும் திருப்திப்படுத்த முயல்கிறவன் பைத்தியக்காரனாகி விடுவான்.

* விரோதிகளை விட வஞ்சகர்கள் மோசமானவர்கள்.

* திட்டமிடாத வாழ்வு, காட்டாற்று வெள்ளம் போன்றது.

* பதவியைப் போல மனிதனைக் கெடுப்பது வேறு ஒன்றும் இல்லை.


* செய்யச் சொல்வதைவிட செய்வது எளிது.

* அப்பாவிகளாக இருப்பதும் ஆபத்தே.

* தாய்மொழிக் கல்வி, கற்ற அறிவைப் பன்மடங்கு விரிவாக்கும்.

* அகந்தை அறிவை மயக்கும்; அடக்கம் அறிவை விரிவாக்கும்.

* பயமும் சமூகத் தீமையே.

* பொதுமையில் உருவாகும் நன்மைக்கு ஈடு இல்லை.

* அறிவார்ந்த அன்பே, வாழ்க்கைக்குப் பயன்படும்.

* மனிதனை, மனிதனாக மதிப்பது ஒழுக்கம்.

* ஒருமைப்பாடு அமையாத நாட்டில் வளமான வாழ்க்கை அமையாது.

*****

இது முத்துக்கமலம் இணைய இதழின் படைப்பு.