சிந்தனை இல்லாத படிப்பு, பயனில்லாத உழைப்பு, படிப்பில்லாத சிந்தனை இவை மூன்றும் ஆபத்தானவை.

– ஆண்டர்சன்

 பிறர் குற்றங்களைக் காண முயல்பவன் அரை மனிதன்.

– வேட்லி

 திறமை தானாக வராது; நாம்தான் வளர்த்துக் கொள்ள வேண்டும்.

– ஹேஸ்டர் பீல்

 மனித வாழ்வு என்பது தாமரை இலையில் உருண்டோடும் பனித்துளி போன்றது.

– தாகூர்

 உழைத்துப் போராடாமல் வெற்றியை அடைய முடியாது.

– தாமஸ்

 படிப்பு என்ற மெழுகுவர்த்திக்கு ஆர்வமே திரி.

– யாரோ

 சிந்திக்காமல் பேசத் தொடங்குவது, குறி பார்க்காமல் அம்பை விடுவது போன்றது.

– ஆஸ்கர் ஒயில்ட்

 மனிதன் தோல்வியின் மூலமே மேலும் புத்திசாலி ஆகின்றான்.

– விவேகானந்தர்

  நாம் படிக்கப் படிக்க நம்மிடமிருக்கும் அறியாமையை அறிந்து கொள்கிறோம்.

– ஷெல்லி

 சிறிய தவறுகளைத் திருத்திக் கொள்ளாவிட்டால் பெரிய தவறுகளைத் தவிர்க்க முடியாது.

– கன்ஃபூசியஸ்

 அளவில்லாத ஆசை, நமது நல்ல குணங்களை அழித்து விடும்.

- மகாவீரர்

 வாழ்க்கையை வளமாக்க விரும்பினால் காலத்தை வீணாக்காதே. காலத்தால் செய்யப்பட்டதே வாழ்க்கை.

– ரிச்சர்ட் சாண்டர்ஸ்

 கடினமான வேலைகளைச் செய்வதில் மகிழ்ச்சியடைபவர்களே எப்போதும் புகழ் பெறுகிறார்கள்.

– மகாகவி மில்டன்

 உண்மை ஊடுருவும் சூரிய ஒளி போன்றது. அதை யாராலும் மூடி மறைக்க முடியாது.

– மில்டன்

 தேவைப்படும் போது தன் முடிவை மாற்றிக் கொள்ளத் தெரிந்தவன்தான் அறிவாளி.

– டாக்டர் ஜான்சன்

 உன்னிடமுள்ள திறமை எவ்வளவு சிறிதாக இருந்தாலும் பயன்படுத்தத் தயங்காதே. இனிய குரல் கொண்ட பறவைகள்தான் பாட வேண்டும் என்றால் காடு அமைதியாகி விடும்.

– ஹென்றி வேன்டேக்

 நீ துயரப்படக் காரணம் எதுவாக இருந்தாலும் பிறருக்குத் துன்பம் செய்யாதே.

- ஜார்ஜ் எலியட்

 அமைதியை விட மேலான மகிழ்ச்சி வேறெதுவும் இல்லை!

– அரவிந்தர்

 கடந்ததைப் பற்றி வருந்தாதே! வருவதைப் பற்றி கற்பனை செய்யாதே!

– ஸ்ரீ அன்னை

 பணத்தின் பலன் அனைத்தும் அது பயன்படுவதில்தான் இருக்கிறது.

– பெஞ்சமின் ஃபிராங்க்ளின்

 வாழ்க்கை அனுபவமில்லாத எவரும் கல்வி கற்றவராக முடியாது.

– பெர்னார்ட் ஷா

*****

இது முத்துக்கமலம் இணைய இதழின் படைப்பு.