1. வா என்று கூப்பிடும், போ என்று சொல்லும். ஆனால் வாய் திறந்து பேசாது. அது என்ன?

2. பொழுது சாய்ந்தால் பூந்தோட்டம்; விடிந்து பார்த்தால் வெறுந் தோட்டம். அது என்ன?

3. எண்ணும் முள்ளும் இல்லாத கடிகாரம்; எவராலும் பார்க்க இயலாத கடிகாரம். அது என்ன?

4. நிலத்திலே முளைக்காத புல் - அது நிமிர்ந்து நிற்காத புல். அது என்ன?

5. உச்சிக் கிளையிலே ஒரு முழக் குச்சி ஊசலாடுது. அது என்ன?

6. முகத்திலே காட்டுவான்; முதுகிலே காட்டமாட்டான். அவன் யார்?

7. சிறுசிறு கதவுகள்; செய்யாக்கதவுகள்; திறக்க அடைக்க சத்தம் செய்யாக் கதவுகள். அது என்ன?

8. ஒல்லியான மனிதன்; ஒரே காது மனிதன், அவன் காது போனால், ஏது பயன்?

9. நட்டமாய் நிற்கிறவனுக்கு நறுக்கு நறுக்கென்று கடிக்கிற வேலை. அது என்ன?

10. தேய்க்கத் தேய்க்க துரைக்கும் அடிக்க அடிக்க வெளுக்கும். அது என்ன?

1. தொழிற்சாலை சங்கு

2. வானம்

3. இதயம்

4. தலை மயிர்

5. முருங்கைக்காய்

6. முகம்பார்க்கும் கண்ணாடி

7. கண் இமைகள்

8. ஊசி

9. அரிவாள்மனை

10. சோப்பு

இது முத்துக்கமலம் இணைய இதழின் படைப்பு.