1. சூடுபட்டுச் சிவந்தவன், வீடுகட்ட உதவுவான். அவன் யார்?

2. கால் உண்டு; நடக்க மாட்டான். முதுகு உண்டு; வளைக்க மாட்டான். கை உண்டு; மடக்க மாட்டான். அவன் யார்?

3. உள்ளே இருந்தால் ஒடித்திரிவான்; வெளியில் வந்தால் விரைவில் மடிவான். அவன் யார்?

4. ஒற்றைக்காலில் சுற்றிடுவான்; ஓய்ந்து போனால் படுத்திடுவான். அவன் யார்?

5. சாண் உயரப் பையன், வைத்ததெல்லாம் சுமப்பான். அவன் யார்?

6. உயிரில்லை; ஊருக்குப் போவான். காலில்லை; வீட்டுக்கு வருவான்; வாயில்லை; வார்த்தைகள் சொல்வான். அவன் யார்?

7. ஆகாயத்திலிருக்கும் அற்புத மனிதன், ஆற்றிலும் விழுவான்; குளத்திலும் விழுவான்; ஆனாலும், நனையமாட்டான். அவன் யார்?

8. பாதாளத்தில் பிறந்தவன்; பம்பரத்தில் சுழன்றவன்; வெய்யிலில் காய்ந்தவன், எல்லோர் வீட்டிலும் இருப்பவன். அவன் யார்?

9. மரத்திற்கு மரம் தாவுவான்; குரங்கு அல்ல. பட்டை அடித்திருப்பான்; சாமியாரல்ல. அவன் யார்?

10. கையில்லாமல் நீந்துவான்; கால் இல்லாமல் ஒடுவான். அவன் யார்?

---