கட்டுரை

பொதுக்கட்டுரைகள்

* பௌத்தத்தின் பல சிந்தனைப் பள்ளிகளுக்கு அடித்தளமாக அமைந்துள்ளது. (Nichchiran School of Buddhism, Cheonatta, Tendai )

* பல்வேறு சூத்திரங்களின் “ராஜா” என வர்ணிக்கப்படுகின்றது.

* புத்தநிலையை அடைவதற்கான போதனைகள், வழிமுறைகளை உள்ளடக்கியுள்ளது.

* புத்தரின் உபதேசத் திறனை வெளிப்படுத்தப்படுகிறது.

* உயர்ந்த மனிதநேயப் பண்பினைக் கொண்டு அமைந்துள்ளமை.

* பௌத்த போதகர்களுள் பிரசித்தி பெற்ற அசங்க மற்றும் வசுபந்துவின் வணக்கத்திற்குரிய சூத்திரம். குறிப்பாக, இச்சூத்திரத்தின் பின்பாகத்தில் வசுபந்து அருளிய சிறு கருத்து உரை இணைக்கப்பட்டுள்ளதோடு இன்று இந்தியாவில் ஒரு சாத்திரமாகவும் பின்பற்றப்பட்டு வருகின்றமை குறிப்பிடத்தக்கதாகும்.

* விடுதலைக்கான போதிசத்துவ புத்தி ஞானமே சரியான மார்க்கம் என்பதனை வலியுறுத்துகிறது.

* போதி சத்துவ நிலையை அடைவதற்கான வழிமுறைகளை கூறுதல்.

* பொதுமையான நிர்வாணம் மற்றும் முத்தி போன்ற வெளிப்படுத்தல்களைக் கொண்டுள்ளன.

புத்தரின் இயல்புகள், புத்த நிலை, போதிசத்துவ நிலை, புத்தராவதற்கான உறுதி மொழிகள், தர்மம் முதலிய பௌத்தக் கருத்துக்கள் இச்சூத்திரத்தில் கூறப்படுகிறது. புத்தர் என்பவர் நிலை பேறானதொரு உட்பொருளாகவும் நிப்பானத்தை அடைய முயற்சிக்கின்றவர்களுக்கு உதவி செய்பவராகவும் விளங்குகிறார். இவர் அனைவரிடத்தும் அன்பு செலுத்துபவராக (Father of All Beings) பரிநிப்பானத்தை அடைந்தாலும் உலகத்தோடு தொடர்பினை வைத்துக் கொண்டிருப்பவராகவும், இவரின் மறைவு இன்னொரு புத்தருக்கான ஆரம்பமாகவும் கருதப்படுகின்றது. அழிவடையாத ஒரு தொடர்ச்சிநிலை இதில் அமைந்துள்ளது.

இத்தகைய புத்தரின் தொடர்ச்சி வெளியில் இடம்பெற்றுக் கொண்டே இருக்கின்றது. ஆனால் காலத்திற்குக் காலம் பல்வேறு வகையாக இது இடம் பெறுகிறது. மேலும் இச்சூத்திரத்தில் வேறுபாடின்றிய அனைவருக்குமான புத்தநிலை வலியுறுத்தப்பட்டுள்ளது. குறிப்பாக பெண்கள், கெட்டவர்கள், மிருகங்கள் போன்றவர்களும் புத்தராவதற்கான ஆளுமையைப் பெற முடியும். அனைத்து உயிர்களும் சமம். இதற்கமைவான பல கருத்துக்கள் இடம்பெற்றுள்ளன. இதனடிப்படையில் இச்சூத்திரம் அனைவரினதும் ஆன்மீக சமத்துவம் பற்றிய சூத்திரம்’ என்ற சிறப்புப் பெயரையும் பெற்றுள்ளது.


புத்தரின் எல்லையற்ற போதிசத்துவ நிலைகள் இச்சூத்திரத்தில் கூறப்பட்டுள்ளன. புத்தர் போதனைகளினூடாக உலகைக் காப்பாற்றுபவர், அனைவருக்கும் பாதுகாப்பை வழங்குபவராகவும் அத்துடன் இதில் பல்வேறு வகையான தியான முறைகளும், போதனை முறைகளும் உள்ளடங்கியுள்ளன. இதனால் ‘போதிசத்துவ நிலைக்கான கற்பனை வடிவம்’ இச்சூத்திரம் ஆகும். இதில் எதிர்கால புத்தரான மைத்திரேயர் தொடர்பான முரண்பாடுகளும் இணைக்கப்பட்டுள்ளன. இதன்படி அனைவருமே புத்த பிறவிகளாகவே மதிக்கப்படுகின்றனர். மேலும் சடாபிரிபுத்தா என்ற போதிசத்துவர் தொடர்பான விடயங்கள் இதில் கூறப்பட்டுள்ளது. நாம் சந்திக்கும் நபர் ஒன்றில் நல்லவராகவோ அதேவேளை கெட்டவராகவோ அமையலாம். ஆனால் நாம் அதனை ஆராயாது அனைவருக்கும் மரியாதை செலுத்த வேண்டும். காரணம் அவர்களும் ஒரு நாள் புத்தராகலாம் என்கின்ற கருத்துக்கள், புத்தரின் புறநிலை தொடர்பான சக்தி, போதிசத்துவர் மற்றும் அவரது அதிசய ஒலி அதாவது அவருடைய குரல் தொடர்பான அவலோகிஸ்வர் - கடவுள், முதலிய போதிசத்துவ கருத்துக்கள் இச்சூத்திரத்தில் கூறப்பட்டுள்ளது.

அத்துடன் போதிசத்துவரின் பாதையுடன் தொடர்புடைய பிரதான வழிமுறைகள் கூறப்பட்டுள்ளன. இதுவே மகாயானத்தின் GREAT VEHICLE ஆகும். அதிலும் மகாயான என்ற பிரதான வாகனத்தின் உதவியுடனே புத்தர் பல்வேறு விதமான போதனை முறைகளை மேற்கொள்வதையே இச்சூத்திரம் வலியுறுத்துகின்றது. இது வித்தியாசமான சூழ்நிலைகளையும் வேறுபட்ட மன நிலைகளையும் வழிப்படுத்துவதற்கான சிறந்த முயற்சியாக நாம் பார்க்கலாம்.

இதுபற்றி “PAUL WILLIAMS” கூறும் போது, புத்தரின் போதனைகளை மேலோட்டமாக பார்க்கும் போது பல்வேறு முரண்பாடுகள் இருப்பதாக தோன்றுகிறது. ஆனால் அது பல்வேறுபட்ட நபர்களுக்கு பல்வேறுபட்ட சூழலில் வழங்கப்பட்டதாகப் பார்க்கும் போது முரண்பாடுகள் ஏற்படுவதில்லை. இது ஒரு ஆற்றைக் கடப்பதற்கு உதவி செய்வதைப் போன்று பயணம் முடியும் வரை மட்டுமே உதவும். இதில் பயன்படுத்தப்பட்டுள்ள போதனைமுறை வித்தியாசமானது. ஒரு பௌத்த வாகனம் அறிவின் பல்வேறுபட்ட வகைகளுடன் தொடர்புபடுவது எனக்கூறமுடியும். இச்சூத்திரத்தின்படி பௌத்தத்தின் அடிப்படையான போதனைகளை பல்வேறு மட்டத்தில் குறிப்பிடுகின்றது. அத்துடன் ஏனைய எல்லா சூத்திரங்களுக்கும் ஒரு முதன்மையான சூத்திரமாக இது திகழ காரணமாகவும் அமைவது இவ்விடயமே. இச்சூத்திரத்தின் சிறப்பினை GOLDEN WASTON என்பவரும் வலியுறுத்தியுள்ளார். இவரின் கருத்துப்படி இச்சூத்திரம் ஒரு ஆன்மீக மருந்து என்கிறார்.

தர்ம போதனைக்குரியதாக இச்சூத்திரம் விளங்குகிறது. தர்மத்தை நாம் பின்பற்றினால் அமைதியான, சந்தோசமானதும், அமைதி, ஞானம் மற்றும் செல்வம் போன்றவற்றை அடையலாம் என்பதும், அனைவருக்கும் போதிக்கும் தர்ம ஆசிரியருக்குக் கீழ்படியும் விடயத்தைச் சார்ந்தது. அதாவது உயர்நிலை பண்புகள் இச்சூத்திரத்தில் கூறப்பட்டுள்ளன. அவற்றைப் பெற்றவர்களே வாழ்க்கையில் உயர்நிலை அடைவார்கள். அவற்றுள் வாசித்தல், ஓதுதல், விளங்கப்படுத்தல், ஆராய்தல், பிரதிபண்ணல் மற்றும் விநியோகித்தல் போன்றவை உள்ளடங்கும். இவற்றைத் தன் வாழ்க்கையில் செய்பவர்கள் கட்டாயம் உயர்நிலை அடைவார்கள் என்பதை உணர்த்துகிறது. பிரபஞ்ச ஒழுக்கம் தொடர்பாகவும் கூறப்பட்டுள்ளது. ‘சமந்தபாதர’ என்ற நிலையை இது வலியுறுத்துகின்றது. இதற்கமைவான சூத்திரங்களைப் பின்பற்றுபவர்களே புத்தரால் பாதுகாக்கப்படுவர்கள் என்ற விடயமும் இதில் கூறப்பட்டுள்ளன.

பௌத்தத்தின் படி புத்தராவதற்கான உறுதி மொழிகள் இச்சூத்திரத்தில் உள்ளடக்கப்பட்டுள்ளன. குறிப்பாக, மகாயானத்தை பின்பற்றுபவர்கள் மகா காசியப்ப சப்புதி, மகாகாட்டாயநா என்ற நிலையை அடைவர். இதில் அரஹத் நிலையை அடைவதற்கான உறுதிநிலையை அதாவது பௌத்த மதத்தின் உயர்ந்த நிலையான தரத்தை அடைய விரும்புபவர்கள் தன் எதிர் மனநிலையில் இருந்து மாறி நேர்நிலையான மனத்தோற்றத்தை கொண்டிருத்தல் தொடர்பான கருத்துக்கள் உள்ளடக்கப்பட்டுள்ளது.

சத்தர்ம புண்டரீக சூத்திரம் பௌத்த மதத்தின் பல சிந்தனைப்பள்ளிகளுக்கு அடித்தளமாக அமைந்துள்ளது. இதில் புத்தர், புத்தரின் இயல்புகள், போதிசத்துவ நிலை, புத்தராவதற்கான உறுதி மொழிகள், தர்மம் முதலிய பௌத்தக் கருத்துக்களும் மேலும் பல விடயங்களும் உள்ளடக்கப்பட்டுள்ளன. போதிசத்துவர் தொடர்பான எண்ணக்கருக்களின் தந்திரோபாயமான பயன்பாடுகள், ஊகக்கதைகள் என்பன சிறப்பம்சங்களாக அமைந்துள்ளன.

1. Essica Ganga (2016), “Donald Lopez on the Lotus Sutra ”, Princeton University Press Blog

2. Lopez, Donald S, Jr. (2016), The Lotus Sutra: A Biography, Princeton and Oxford: Princeton University Press

3. Reeves, Gene (Dec 1, 2001), "Introduction: The Lotus Sutra and Process Thought" . Journal of Chinese Philosophy

4. Groner, Paul; Stone, Jacqueline I (2014), "The Lotus Sutra in Japan". Japanese Journal of Religious Studies

5. Leary, Joseph S. (2003), "Review of Gene Reeves, ed. A Buddhist Kaleidoscope: Essays on the Lotus Sutra". Japanese Journal of Religious Studies

6. தேவிபிரசாத் சட்டே பாத்யாய - கரிச்சான் குஞ்சு (தமிழில்), 1976, “இந்திய தத்துவ இயலில் நிலைத்திருப்பனவும் அழிந்தனவும்”, சென்னை புக்ஸ் - சென்னை -02,

7. லக்ஷ்மணன். கி., 1960, “இந்திய தத்துவ ஞானம்”, பழனியப்பா பிரதர்ஸ் - சென்னை- 600 014

8. இரத்தினசிங்கம். வ., 2008, “உலக மதங்கள்”, மணிமேகலை பிரசுரம் - சென்னை.

*****

இது முத்துக்கமலம் இணைய இதழின் படைப்பு.