தமிழ்நாடு பல் மருத்துவக் குழு எனும் ஒரு சட்டப் பூர்வ அமைப்பு 1952 ஆம் ஆண்டில் நிறுவப்பட்டது. இக்குழுவானது, பல் மருத்துவத் தொழிலை ஒழுங்குபடுத்துவது, தமிழ்நாடு பல் மருத்துவக் குழுவில் எட்டு தேர்வு செய்யப்பட்ட, பதிவு செய்யப்பட்ட பல் மருத்துவர்கள், அரசு அங்கீகாரம் பெற்ற பல் மருத்துவக் கல்லூரிகளின் முதல்வர்கள், தமிழ்நாடு மருத்துவக் குழுவிலிருந்து ஒரு உறுப்பினர்ர், அரசால் நியமனம் செய்யப்பட்ட மூன்று உறுப்பினர்கள், மருத்துவ மற்றும் கிராமியச் சுகாதார சேவை இயக்குநர்கள் ஆகியோர் இதில் இடம் பெற்றிருக்கின்றனர்.

2022 ஆம் ஆண்டு கணக்கீட்டின்படி தமிழ்நாடு பல் மருத்துவக் குழுவில் பதிவு பெற்ற பல் மருத்துவர்களின் எண்ணிக்கை 27,771. இக்குழுவில் தற்போது, டாக்டர் ஜே. பேபிஜான், டாக்டர்.எஸ். பிரேம்குமார், டாக்டர். எஸ்.நாகலட்சுமி, டாக்டர்.டி.சாம்ராஜ், டாக்டர் சுபா, டாக்டர் என்.வேல்முருகன் மற்றும் டாக்டர். ஆர். அனில்குமார் போன்ற சிறந்த மருத்துவர்களும் இடம் பெற்று உள்ளனர்.

தமிழ்நாடு பல் மருத்துவக் குழுவின் சென்னை முகவரி இது:

தமிழ்நாடு பல் மருத்துவக் குழு
5-0-3 அரிகந்த் மெஜஸ்டிக் டவர்ஸ்,
216, ஜவஹர்லால் நேரு சாலை, ஜெய்நகர்,
கோயம்பேடு,
சென்னை 600 107.
தொலைபேசி எண் 044 - 23638476

தமிழ்நாடு பல் மருத்துவக் குழுவில் அரசு அங்கீகாரம் பெற்ற பல்கலையில் படித்த பிடிஎஸ் மற்றும் எம்டிஎஸ் பட்டப்படிப்பு மாணவர்கள் (சிஆர்ஆர்ஐ- பயிற்சி முடித்தவர்கள்) பல் மருத்துவராகப் பதிவு செய்து கொள்ளலாம். ஒவ்வொரு ஆண்டும் டிசம்பர் 31 ஆம் நாளுக்குள் பதிவைப் புதுப்பித்துக் கொள்ள வேண்டும்.

இரட்டைக் குழந்தைகள் “சோளிகளை சுழற்றிப் போடு தாயம் விழட்டும் சாட்டையை சொடுக்கு பம்பரம் ரெங்கட்டும் சிப்பியை செதுக்கி விடு புளியங்கொட்டைகள் சிதறட்டும்” - அ. ஜன்னத்துல் பிர்தௌஸ்

தேவைப்படும் ஆவணங்கள்:

* விண்ணப்பத்தை பல் மருத்துவர்கள் தங்கள் சொந்தக் கையெழுத்தில் பூர்த்தி செய்து தர வேண்டும்.

* தற்காலிகப் பல் மருத்துவப் பட்டப்படிப்புச் சான்றிதழ் (தற்காலிக பதிவுக்கு)

* பல் மருத்துவப் பட்டப்படிப்புச் சான்றிதழ் (நிரந்தரப் பதிவுக்கு)

* சி ஆர் ஆர் ஐ சான்றிதழ்

* புதிதாய் எடுக்கப்பட்ட இரு கடவுச்சீட்டு அளவிலான ஒளிப்படங்கள்

* பெயர் கல்விச் சான்றிதழில் இடம் பெற்ற பெயருடன் சரியாக இருக்க வேண்டும்.

* தாமதமாகப் பதிவு செய்தால் சான்றுறுதி அலுவலரால் வழங்கப்படும் உறுதிமொழிப்படிவம் (Notarized Affidavit) தாக்கல் செய்ய வேண்டும். மற்ற மாநிலப் பல் மருத்துவர்கள் தமிழ்நாடு பல் மருத்துவக் குழுவில் பதிவு செய்வதாக இருந்தால் “ஆட்சேபனை இல்லை” சான்றிதழ் இணைக்க வேண்டும்.

* ஒவ்வொரு ஆண்டும் பதிவைப் புதுப்பிக்க ரூ.500/- கட்டணம் செலுத்த வேண்டும். (தமிழ்நாடு பல் மருத்துவக் குழு கட்டணத்தை மாற்றியமைக்கலாம்)

* இணையதளம் பயன்படுத்துவோர் கடவுச்சொல்லை இரகசியமாக பாதுகாக்க வேண்டும்.

* தமிழ்நாட்டில் 25 ஆயிரம் முதல் 30 ஆயிரம் வரை பல் மருத்துவர்கள் இருக்கலாம். அதில் 569 பேர் (2. 57%) மட்டுமே அரசுப் பணியில் உள்ளனர்.

* பொருளாதாரப் பாதுகாப்பு இல்லாத பணி பல் மருத்துவம் என்பதைக் கவனத்தில் கொள்ள வேண்டும்.

பல் மருத்துவச் சட்டம் -1948 படி நிறுவப்பட்ட தமிழ்நாடு பல் மருத்துவக் குழுவின் அதிகாரங்கள் எனும் போது;

* பல் மருத்துவர்களின் பதிவை நிர்வகித்தல்.

* பதிவுச் சான்றிதழை வினியோகித்தல்.

* தொழில் நியதிகளை நிலைநாட்டல்.

* உரிமம் புதுப்பிப்பதை ஒழுங்குபடுத்துதல்.

பல் மருத்துவர்கள் மட்டுமல்ல பல் மருத்துவ சுகாதார ஊழியர்கள், பல் மருத்துவ மெக்கானிக்க்களும் பதிவு செய்து கொள்ளலாம்.

பல் மருத்துவர்கள் குறித்தப் புகார்களை விசாரித்துத் தகுந்த நடவடிக்கை எடுக்கும் உரிமை தமிழ்நாடு பல் மருத்துவக் குழுவிற்கு உள்ளது.

இந்தியப் பல் மருத்துவக் குழு

இந்தியப் பல் மருத்துவப் பதிவேட்டில் 3, 79, 436 பல் மருத்துவர்கள் பதிவு செய்து வைத்துள்ளனர். 1960 ஆம் ஆண்டில் மூன்று லட்சத்திற்கு ஒரு பல் மருத்துவர் என்றிருந்த நிலை மாற்றமடைந்து தற்போது, பத்தாயிரம் இந்தியக் குடிமக்களுக்கு ஒரு பல் மருத்துவர் என்று பல் மருத்துவர்களின் எண்ணிக்கை அதிகரித்திருக்கிறது. இவர்களில், நகரப்பகுதியில் அதிகமான பல் மருத்துவர்களும், கிராமப் பகுதியில் குறைவான பல் மருத்துவர்களும் இருக்கின்றனர்.

இந்தியப் பல் மருத்துவக் குழு, பல் மருத்துவக் கல்வியையும், பல் மருத்துவப் பணியையும் இந்தியா முழுவது ஒழுங்குப்படுத்துகிறது.

பல் மருத்துவத்தின் சாதக பாதங்கள்

* நவீனமயமாக்கப்பட்ட சிறப்பு வாய்ந்த மற்றும் பெருநிறுவனம் சார்ந்த நடைமுறைகளை நோக்கி பயணிக்கிறது பல் மருத்துவம்.இப்பல்மருத்துவத்தில், எண்ணிமத் தொழில்நுட்பம் மற்றும் அழகு சாதனப் பல் மருத்துவம் முக்கியத்துவம் பெறுகின்றன.

* பல் மருத்துவம் தனி மருத்துவத்திலிருந்து குழு மருத்துவத்துக்கு மாறி நிற்கிறது. பற்களை ப்ளீச் செய்ய CAD/CAM தொழில்நுட்பங்கள் பயன்படுத்தப்படுகின்றன.

* செயற்கை நுண்ணறிவு உதவியோடு நோயறிதல் பயன்பாடு அதிகரித்துள்ளது.

* லேசர் பல் மருத்துவம்., உள் வாய்வழி ஸ்கேனர் பயன்பாடு அதிகரிப்பு (ஸ்கேனர்), அதிநவீனப் புன்னகை ஒப்பனைகள் செய்யப்படுகின்றன.

* தனியாக அமைந்த சிறு பல் மருத்துவமனைகள் தவிர, தற்போது குளோப் டெண்டல், பார்த்தா டென்டல், ஆர்த்தோஸ்கொயர் போன்ற பன்னாட்டு வணிக நோக்கம் கொண்ட பல் மருத்துவனைகள் சங்கிலித் தொடராய் வரத் தொடங்கியிருக்கின்றன.


* மேம்பட்ட இயற்கையான தோற்றமுடைய பல் மாற்று விருப்பங்களை வழங்குவதில் கவனம் அதிகரித்துள்ளது. பெரியவர்கள் மற்றும் பதின்ம வயதினருக்கு அலைனர் பயன்பாடு மிகைத்துள்ளது.

* பல் மருத்துவமனைகள் சமூக ஊடக சந்தைப்படுத்துதல், இணையவழிச் சந்தைப்படுத்துதலில் ஆர்வம் காட்டுகின்றன.

டாக்டோபுக்ஸ் போன்ற தீர்வுகளில் காணப்படுவது போல் தானியங்கி இணைய வழி முன்பதிவு மற்றும் பாதுகாப்பான எண்ணிமப் பதிவுகள் சார்ந்த மருத்துவமனை மேலாண்மை மென்பொருள் பயன்படுத்தப்படுகிறது.

* தினம் இரு முறை இரண்டு நிமிடங்கள் பல் துலக்குதல், வருடம் இரு முறை பல் மருத்துவரை பார்த்தல், 2-2-2 பார்முலாவாக பெருகி நிற்கிறது.

* நோய் தொற்றுக் கட்டுப்பாட்டில் கவனம், மருத்துவமனைகளின் முறையான பதிவு மற்றும் தராதரங்களை பின்பற்றுவதில் முக்கியத்துவம் அதிகரித்து வருகிறது.

* உயர் பல் மருத்துவ மனித வளம் உருவாகியிருக்கிறது.

* தமிழ்நாட்டில் அதிக எண்ணிக்கையிலான பல் மருத்துவர்கள் மற்றும் பல் மருத்துவக் கல்லூரிகள் உள்ளன.

* 2018 ஆம் ஆண்டு நிலவரப்படி 3666 மக்களுக்கு ஒரு பல் மருத்துவர் தமிழ்நாட்டில் இருக்கிறார். 97 சதவீதத்திற்கு மேற்பட்ட பல் மருத்துவர்கள் தனியார் துறையில் போட்டியிடும் சூழல் இங்கு நிலவுகிறது.

* நகரப்புறங்களில் பல் மருத்துவம் எண்ணிம மயமாகி இருந்தாலும் கிராமப்புறங்களில் பின் தங்கியே உள்ளது. பெரும்பாலான மக்களுக்கு பல் மருத்துவத்திற்கான உயர் கட்டணம் ஒரு சவாலாகவே உள்ளது.

தமிழ்நாடு மாநில இந்தியப் பல் மருத்துவச் சங்கம் (IDA) இந்தத் துறையில் முன்னேற்றங்கள் மற்றும் வலையமைப்பை ஊக்குவிக்க இந்தியப் பல் மருத்துவ மாநாடு போன்ற நிகழ்வுகள் நடத்தப்பெற்று வருகின்றன.

(முற்றும்)

*****

இது முத்துக்கமலம் இணைய இதழின் படைப்பு.