கடந்த பகுதிகளில் வாய், நாக்கு, உதடுகள், உமிழ்நீர்ச் சுரப்பிகள் பற்றிப் பார்த்தோம்.
இந்தப் பகுதியில் தொண்டையைப் பற்றிப் பார்ப்போம்.
தொண்டை என்றால் என்ன? வாயின் பின் பகுதியாக உள்ளதும் கழுத்திலிருந்து கீழாக உயிர் வாயு மற்றும் உணவு ஊடு செல்வதற்கான செல்வழியே தொண்டை. உணவுக் குழாய்க்கும் மூச்சுக் குழாய்க்கும் இடையே ஆன இணையான சந்திப்பே தொண்டை. இதனைக் கழுத்தின் முன் பகுதி என்றும் குரல்வளை என்றும் சொல்லலாம். 20 முதல் 79 வயது ஆண்களுக்கு தொண்டை 25 மிமீ முதல் 27மி.மீ விட்டமும் பெண்களுக்கு 21 மி.மீ - 23 மி.மீ விட்டமும் இருக்கும். தொண்டையின் தடிமன் 3 மி.மீ. நீளம் நான்கு அங்குலம்.
தொண்டையின் பாகங்கள்
1. உணவுக்குழாய்
2. மூச்சுக்குழாய்
3. பேச உதவும் தொண்டை பெட்டி
4. அடி நாச் சதை.
5. குரல்வளை மூடி.
பற்களுக்கான குறள்கள்
* நோய் காட்டும் தெளிவாக முன்னாடி
வாய் நம்முடலின் கண்ணாடி.
* குட்கா பான்மசாலா சேர்த்தால் குணமாகா
வாய்ப்புற்று நிச்சயம் வரும்.
- தேஜஸ் சுப்பு என்கிற கனலி
|
மூக்கு - இரு நாசித்துவராங்கள் - மூச்சுக் குழாய் - இரு நுரையீரல்கள் - பின் மீண்டும் மூச்சுக் குழாய் - இரு நாசித்துவாரங்கள். ஆக்ஸிஜனை உள் இழுத்துக் கொண்டு கார்பன் டை ஆக்ஸைடை வெளியிடுதல்.
வாய் - பற்கள்- உணவுக்குழாய் - இரைப்பை - சிறுகுடல் பெருகுடல் – மலக்குடல் - குதம் வழியாக மலம் வெளியேற்றம்.
உணவோ நீரோ உட்கொள்ளும் போது, மூச்சுக் குழாய் மூடிக்கொள்ளும். சில நேரங்களில் உணவோ நீரோ மூச்சுக் குழாய்க்குள் புகுந்து விட்டால் புரையேறும். புகுந்த உணவையும் நீரையும் வெளியேற்றும் முயற்சியேப் புரையேற்றம் எனப்படுகிறது.
பல் கடித்தல்
பற்களை நறநறவென கடித்தல் (Bruxism) என்பது ஒரு நோய்க்கூறு. சிலர் விழித்திருக்கும் போதும், தூங்கும் போதும் ஓசையுடன் பற்களைக் கடிப்பர். மன அழுத்தம், பதட்டம், தூக்க ஒழுங்கீனங்கள் சில வகை மருந்துகளை உட்கொள்ளுதல் காரணமாக, இந்த பற்களை நறநறத்தல் தொடரும். இது ஒரு அனிச்சை செயல். வயிற்றில் பூச்சி இருந்தாலும் பற்கள் நறநறப்பு இருக்கும். அமெரிக்கன் தூக்கமருந்து அகாடமி பல் நறநறப்பைத் தூக்கம் தொடர்பான குறைபாடு என அறிவித்துள்ளது. மூச்சுப் பயிற்சி, நடத்தை மாற்றம், நாக்கு பல் உதடுகளுக்கு உரிய ஓய்வு மூலம் பற்கள் நறநறப்பைக் கட்டுப்படுத்தலாம். தெர்மோபிளாஸ்டிக் வாய்காப்பு பொருத்தி பற்கள் நறநறப்பை தடுக்கலாம்.
|
தொண்டையில் ஏற்படும் நோய்த் தொற்றுகள்
* ஜலதோஷம்
* ப்ளூ காய்ச்சல்
* தலைவலி
* தொண்டைப் புற்றுநோய்
* வாய் புற்றுநோய்
* அடி நாச் சதை வளர்ச்சி.
தொண்டைப் பகுதி எப்போதுமே பளபளப்பான இளஞ்சிவப்பு நிறத்தில் காணப்படும். மேலண்ண முடிவில் மேலிருந்து கீழாக ஒரு சதை தொங்கும் அதனை உள்நாக்கு என்பர்.
தொண்டைப் பகுதி நோய்களை ஆராய ஒரு கருவி உள்ளது. அந்தக் கருவியின் பெயர் ‘குரல்வளைகாட்டி’ (Laryngoscope) ஆகும். குரல்வளைகாட்டி மூலம் தொண்டைபெட்டி ஒழுங்கீனங்களைக் கண்டுபிடிக்கலாம்.
நோய்வாய்ப்பட்ட தொண்டைப் பகுதியை தொண்டையழற்சி (Pharyngitis) என்பர்.
பறப்பவர்களின் பல்வலி
பறப்பவர்களின் பல்வலியை ஆங்கிலத்தில் Parodontax அல்லது Aerodontalgia என்பர். விமானத்தில் நாம் பறக்கும் போது சுற்றுப்புற அழுத்தத்தால் பல் நசுக்கல் ஏற்படும். பல்வலி தோன்றும். விமானம் தரை இறங்கியவுடன் பறப்பவர்களின் பல் வலி மறைந்துவிடும். 5000 அடி உயரத்திற்கு மேல் பறக்கும் எவருக்கும் இவ்வலி வரலாம். பல் வலி, வீக்கம், பல் கட்டி, பல் உடைப்பு, ஈறு இரத்தக் கசிவு உண்டாகும். பறப்பவர்களுக்கு மட்டுமல்ல ஆழ்கடல் நீச்சல் அடிப்பவர்களுக்கும் இப்பல் பிரச்சனை ஏற்படும். விமானம் தரையிறங்கிய பின்னும் வலி தொடர்ந்தால் பல் மருத்துவரை அணுக வேண்டும். அவர் தகுந்த சிகிsசை தருவார். வலி நிவாரணி அளிப்பார்.
|
தொண்டை பிரச்சனைகளை கீழ்கண்ட அறிகுறிகள் மூலம் அறியலாம்.
* உணவை விழுங்கும் போது வலி.
* உணவை விழுங்க முடியாத நிலை.
* உணவு சிக்கியது போலொரு உணர்வு
* எச்சில் ஒழுகுதல்
* உணவு எதுக்களித்தல்
* நெஞ்சு எரிச்சல்
* எடை குறைவு
* புகைச்சலும் இருமலும்
உணவை விழுங்க முடியாத நிலைக்கு ‘விழுங்கற்கடுமை’ (Dysphagia) என்பர். விழுங்கற்கடுமை எந்த வயதிலும் ஏற்படலாம். இந்நோய்த் தொற்று முதியோருக்கு அதிகம் வரும்.
பல் அழகு நிலையங்கள்
பல் அழகு நிலையங்கள் (Dental Spas) என்பது பல் சார்ந்த அழகு நிலையம். இவ்வகையான அழகு நிலையங்கள், உரிமம் பெற்ற வாய்வழிச் சுகாதார பராமரிப்பு வழங்குநரால் கண்காணிக்கப்படும் ஒரு பல் தொடர்பான பல சிகிச்சைக்கான வசதி கொண்ட இடமாகும். இதில் அழகூட்டும் சிகிச்சைகளுடன் பல் மருத்துவச் சேவைகளும் சேர்ந்து வழங்கப்படுகின்றன. வாசனை திரவங்களுடன் கூடிய மசாஜ், அமைதியான சூழல், பூப் போன்ற இசை மற்றும் குளியல் சார்ந்த பல் மருத்துவம் இங்கே கிடைக்கும். இங்கே எவ்வகை பல் மருத்துவம் மேற்கொண்டாலும் அழகுணர்ச்சி மிகுந்திருக்கும். சென்னை, பெங்களூர், டெல்லி உள்ளிட்ட பல பெரும் நகரங்களில் இந்நிலையங்கள் அமைகப்பட்டிருக்கின்றன.
|
பற்சுத்தத்தில் முக்கியமான இடம் வகிப்பது தொண்டைச் சுத்தமும், நாக்குச் சுத்தமும் ஆகும். இரண்டும் சுத்தமாக இல்லாவிட்டால் வாய் துர்நாற்றமடிக்கும். சிலருக்கு நாக்கில் வெண்மை படலம் படர்ந்திருக்கும். அந்தப் படலத்தை நாக்கு சுத்தம் செய்யும் பிளாஸ்டிக் அல்லது மெட்டல் தகடு வைத்து அகற்றுதல் சிறப்பு.சுத்தம் செய்யும் போது, நாக்கின் மேற்பகுதியை சுரண்டி விடாமல் பார்த்துக் கொள்ள வேண்டும். பற்சுத்தம், வாய் சுத்தம், நாக்கு சுத்தம் இல்லாவிட்டால் சுவாசத்தில் கூட துர்நாற்றம் அடிக்கும். உடம்பின் ஒன்பது துவாரங்களில் ஏழு துவாரங்கள் தலையில்தான் உள்ளன என்பதை இங்கு கவனத்தில் கொள்ளலாம்.
ஈறுகளில் இரத்தக்கசிவு - கேள்வி பதில்
அ. முகமது காசிம், கோவை.
சந்தைகளில் பல வகையான மின்னணு பல் துலக்கிகள் கிடைக்கின்றதே, அவைகளைப் பயன்படுத்துவது நல்லதா கெட்டதா?
மருத்துவர்கள் ஆ. நிலாமகன் மற்றும் பஹிமா:
மின்பல்துலக்கி வாய்ச் சுகாதாரத்தை மேம்படுத்த சிறப்பான வழி. தொடர்ந்து மின் பல் துலக்கி பயன்படுத்தினால் பற்காரை, பல்லில் படர்ந்திருக்கும் சீமைச் சுண்ணாம்பு போன்ற பொருள் மற்றும் பல்காரை எளிதில் நீங்கும். மின் பல்துலக்கி 30 கிராம் எடைதான் இருக்கும். சுழலும் மின் பல்துலக்கி வாங்குவது நல்லது. சுழலும் மின் பல்துலக்கி 1300 - 8000 பிபிஎம் இருக்கும். ஸோனிக் பல் துலக்கிகள் 24,000– 30,000 பிபிஎம் இருக்கும். சில மின் பல்துலக்கிகளில் நேரக் கட்டுப்பாட்டுக் கருவி இருக்கும். தண்ணீரில் பாதிப்படையாத மின் பல்துலக்கி நல்லது. அவ்வப்போது மின் பல்துலக்கி குஞ்சங்களையும் பேட்டரியையும் மாற்ற வேண்டும். சந்தையில் பல்வேறு நிறுவனங்களின் மின் பல்துலக்கிகள் கிடைக்கின்றன. மின்பல்துலக்கிகளை மென்மையாக பயன்படுத்துதல் பாதுகாப்பானது. மின் பல்துலக்கிகளினால் கெடுதிகள் ஏதுமில்லை. நன்மைதான் அதிகம். இதன் விலை ரூ,500 லிருந்து 1000 ரூபாய் வரை இருக்கிறது..
|
ஒரு பல் மருத்துவர் தன்னிடம் வரும் பல் நோயாளிகளைப் பார்க்கும் போது, கண், காது, மூக்கு, தொண்டைப் பிரச்சனைகள் ஏதேனும் நோயாளிக்கு உள்ளதா என உறுதி செய்ய வேண்டும்.
வெற்றிலை பாக்கு, சீவல், பான்பராக் போடுபவர்களின் தொண்டையில் வாய்ப்புண் இருக்கும். அந்த வாய்ப்புண் காரணமாகக் கூட வாய் துர்நாற்றம் உருவாகும். இரு உள் கன்னத்துச் சதைகளை ஆராய்ந்தாலே வாய்ப்புற்று நோயைக் கண்டுபிடித்து விடலாம். வாய்ப்பகுதி ஒரு துறைமுகம் என்றால் 32 பற்களும் அங்கு நிற்கும் கப்பல்கள் போன்றவை. துறைமுகம் சரியாக இருந்தால்தான், பல்களின் ஆரோக்கியமும் மேம்பாடும் சரியாக இருக்கும். உணவு என்கிற சரக்குப் போக்குவரத்தும் செழுமையாக நடக்கும்.