பணத்தின் அருமையைத் தெரிந்து கொள்ள வேண்டுமானால் யாரிடமாவது கடன் கேட்டுப் பாருங்கள்.

- பெஞ்சமின் பிராங்க்லின்.

 பணத்தில் செல்வமில்லை. அது உன் மனதில்தான் இருக்கிறது.

- நபிகள் நாயகம்.

 பணம் தரை காணமுடியாத ஆழ்கடல். அதில் கௌரவம், மனசாட்சி, உண்மை ஆகிய அனைத்தும் மூழ்கிப் போய்விடும்.

- கோஸ்லே.

 பணம் நல்ல வேலைக்காரன்; மோசமான எஜமானன்.

- டி. பவர்ஸ்.

 உன் நம்பிக்கையைப் பணத்தின் மேல் வைக்காதே. பணத்தை நம்பிக்கையான இடத்தில் வை.

- ஹோல்ம்ஸ்.

 உங்களிடம் பணமிருந்தால் உலகத்தின் கண்களுக்குப் பாம்பாகத் தெரிவீர்கள். பணமில்லாவிட்டால் நீங்கள் புழுவாகத் தோற்றமளிப்பீர்கள்.

- யாரோ.

 பணம் என்பது கை அல்லது கால் போன்றது. அதைப் பயன்படுத்து அல்லது இழந்துவிடு.

- ஹென்ரி போர்டு.

 பணத்தைத் தவிர வேறெதுவும் தேனை விட இனிப்பாக இருக்காது.

- பெஞ்சமின் பிராங்க்லின்.

 பணம் உரம் போன்றது. பரவலாகத் தூவாவிட்டால் பயன் எதுவும் கிடையாது.

- பிரான்சிஸ் பேகன்.

 பணப் பற்றாக்குறை அனைத்துத் தீமைகளுக்கும் வேர்.

- ஜார்ஜ் பெர்னார்ட்ஷா.

*****

இது முத்துக்கமலம் இணைய இதழின் படைப்பு.