பிரார்த்தனைகளை விடவும் மிகவும் உயர்ந்தது பொறுமைதான்!

– புத்தர்.

 பணத்தின் பலன் அனைத்தும் அது பயன்படுவதில்தான் இருக்கிறது.

– பெஞ்சமின் ஃபிராங்க்ளின்.

 மனிதன் தோல்வியின் மூலமே மேலும் புத்திசாலி ஆகின்றான்.

– விவேகானந்தர்.

 உண்மைக்குப் பகை உள்ளத்தில் தோன்றும் பயம்.

– இராஜாஜி.

 ஒழுக்கம் உண்டாக்காத இலக்கியக் கல்வியால் ஒருவித உபயோமும் கிடையாது.

– காந்திஜி.

 மனித மனத்தில் தோன்றும் நல்ல எண்ணங்களே இந்த உலகின் மிகச் சிறந்த வைரங்கள்.

– பீட்டர் மார்சன்.

 அரிய சாதனைகள் வலிமையினால் அல்ல, விடாமுயற்சியால்தான் சாதிக்கப்படுகின்றன.

– சாமுவேல் ஜான்சன்.

 ஒவ்வொரு தடவையும் விழுவது மீண்டும் எழுவதற்கே என்று நம்புங்கள்.

– ஷேக்ஸ்பியர்.

 தன்னால் இயன்றதைச் செய்பவன் வீரன். மற்றவர்கள் அதைச் செய்வதில்லை.

– ரோமென் ரொலான்.

 ஒரு நூலகத்தையும் ஒரு தோட்டத்தையும் வைத்திருக்கும் ஒருவருக்கு வேறெதுவும் தேவையில்லை.

– சிசரோ.

 சவால்கள் வரும்போதுதான் நீங்கள் நினைத்தே பார்த்திராத திறமைகள் உங்களிடம் ஒளிந்திருப்பதைக் கண்டுகொள்வீர்கள்.

– டாரா ஆல்பர்ட்.

 வாழ்க்கை என்பது ஒரு துணிவு மிக்க வீரச் செயல்.

– ஹெலன் கெல்லர்.

 இந்த உலகத்தில் நாம் செய்யும் மிகவும் நல்ல பயணம், ஒருவரை நோக்கி ஒருவர் செல்வதுதான்.

– போல் மொரானோ.

 எரிகிற விளக்காக இரு. அப்போதுதான் மற்ற விளக்குகளை ஏற்றி வைக்கலாம்.

– தாகூர்.

 மிக அதிகமானவர்களுக்கு மகிழ்ச்சியளிப்பவன்தான் மிகவும் மகிழ்ச்சியான மனிதன்.

– திதெரோ.

 மனதைப் பொத்தல் குடிசையாக வைத்திருக்காமல் எந்தப் புயலையும் தாங்கும் இரும்புக் கோட்டையாக வைத்திருக்க வேண்டும்.

– மு. வரதராசன்.

 மனிதர்களிலேயே கேவலமானவர்கள் யார் தெரியுமா? பிற மனிதர்களைப் பற்றி நினைத்துப் பார்க்காமல் தனக்காக வாழும் மனிதர்கள்தான்.

– ஹெய்ன்.

 வேரிலிருந்து அடிமரமும், அடிமரத்திலிருந்து கிளைகளும் தோன்றுகின்றன. அதைப் போல அடக்கத்திலிருந்து அறமும், அறத்திலிருந்து அனேக நன்மைகளும் உண்டாகின்றன.

– மகாவீரர்.

 திறமை தானாக வராது; நாம்தான் வளர்த்துக் கொள்ள வேண்டும்.

– ஹேஸ்டர் பீல்.

 வீணாகாத ஒரே விஷயம் உழைப்பு மட்டுமே!

– டால்ஸ்டாய்.

*****

இது முத்துக்கமலம் இணைய இதழின் படைப்பு.