உயிர்களைப் பற்றிச் சைவ சமயம் குறிப்பிடுவது:

தோற்றம்

1. கருப்பை தோற்றம் - மக்கள், தேவர், விலங்கு

2. முட்டைத் தோற்றம் - தவளை, ஆமை, பாம்பு, உடும்பு, மீன், முதலை, பறவை போன்றவை

3. வியர்வைத் தோற்றம் - கிருமி, சில வகைப் புழுக்கள், விட்டில், பேன் முதலியன

4. விதைத் தோற்றம் - மரம், செடி, கொடி, பூண்டு (கிளை, கிழங்கு, தண்டு, வேர் மூலமும் பரவுகின்றன)

எழுவகைப் பிறப்புகள்

மேற்காணும் நான்கு வகைத் தோற்றத்தில் உருவாகும் உயிரினங்கள் எழுவகைப் பிறப்பு வகைகளில் அடங்கும். அவையாவன;

1. ஊர்வன - 11 இலட்சம்

2. தேவர் - 14 இலட்சம்

3. நீர்வாழ்வன - 10 இலட்சம்

4. பறவை - 10 இலட்சம்

5. விலங்குகள் - 10 இலட்சம்

6. மக்கள் - 9 இலட்சம்

7. தாவரம் - 20 இலட்சம்

“ஊர்வ பதினொன்று ஒன்பது மானுடம்
நீர், பறவை, நாற்கால் ஓர் பப்பத்து - சீரிய
பந்தமாம் தேவர் பதினான்கு அயன் படைத்த
அந்தமில் சீர்த் தாவரம் நாலைந்து”

என்று எண்பத்து நான்கு இலட்சம் வேறுபாடுடைய உயிர்வகைகள் வாழ்கின்றன.

அறிவு

1. ஓரறிவுயிர் - புல், மரம் - உற்றுணர்வு

2. ஈரறிவுயிர் - நத்தை, சிப்பி - உற்றுணர்வு மற்றும் சுவை

3. மூவறிவுயிர் - செல், எறும்பு - உற்றுணர்வு, சுவை மற்றும் மூக்குணர்வு

4. நான்கறிவுயிர் - நண்டு, தும்பி - உற்றுணர்வு, சுவை, மூக்குணர்வு மற்றும் கண்பார்வை

5. ஐந்தறிவுயிர் - விலங்குகள் - உற்றுணர்வு, சுவை, மூக்குணர்வு, கண்பார்வை மற்றும் காது கேட்டல்

6. ஆறறிவுயிர் - மனிதர்கள் - உற்றுணர்வு, சுவை, மூக்குணர்வு, கண்பார்வை, காது கேட்டல் மற்றும் மன உணர்வு.