ஆகமம் கடவுளிடத்து வந்த நூல். வேதாகமங்கள் எல்லாப் பொருள்களின் இயல்புகளையும் கூறுதலின் , முதனூல் எனப்படும். ஆகமம் இருபத்தெட்டு. இவை சதாசிவ மூர்த்தியின் ஐந்து திருமுகங்களினின்றும் தோன்றித் சுத்த வித்தியா தத்துவத்திலிருந்து சதாசிவனால் உபதேசிக்கப்பட்டனவாம். ஆகமங்கள் வருமாறு;

1. காமிகம் 2. யோகஜம் 3. சிந்தியம் 4. காரணம் 5. அசிதம் 6. தீப்தம் 7. சூக்குமம் 8. சகச்சிரம் 9. அஞ்சுமான் 10. சுப்பிரபேதம் 11. விசயம் 12. நிச்சுவாசம் 13. சுவாயம்புவம் 14. ஆக்கினேயம்

15. வீரம் 16. ரௌரவம் 17. மகுடம் 18. விமலம் 19. சந்திரஞானம் 20. முகவிம்பம் 21. புரோற்கீதம் 22. இலளிதம் 23. சித்தம் 24. சந்தானம் 25. சர்வோக்தம் 26. பாரமேசுரம் 27. கிரணம் 28. வாதுளம்

குறிப்பு:

ஆ - சிவஞானம், க - மோட்ச சாதனம், ம - மலநாசம் எனப் பொருள் கொண்டு, ஆகமம் ஆன்மாக்களுக்கு மலத்தை நாசஞ் செய்து ஞானத்தை உதுப்பித்து மோட்சம் கொடுப்பதற்காக உபதேசிக்கப்பட்ட நூல் எனவும், ஆ - பசு, கம் - பதி, ம - பாசம் எனப் பொருள் கொண்டு பதி, பசு, பாசம் என்பவற்றின் இலக்கணங்களை விரித்துணர்த்தும் நூல் எனவும் கூறுவர்.