குருநானக் தோற்றுவித்த சீக்கிய மதத்தில், அவருக்குப் பின் வந்த பத்தாவது குரு 1699 -ஆம் ஆண்டில், பைசக்தி நாளில் அமிரித் சன்ஸ்கரில், எல்லா தீட்சைப் பெற்ற சீக்கியர்களும் (கால்சா சீக்கியம் என்றும் அழைக்கப்படுகிறது) நம்பிக்கையின் அடையாளமாக ஐந்து பொருட்களை எல்லா நேரங்களிலும் அணிய வேண்டும் என்று கட்டளையிட்டார். இதை “ஐந்து K” க்கள், அல்லது “பஞ்ச காக்கர்/காக்கி” என்று சொல்கிறார்கள். சீக்கியத்தின் நோக்கங்களை அடையாளப்படுத்தவும், வெளிப்படுத்தவும் இந்த சின்னங்கள் அணியப்படுகின்றன. அவையாவன நேர்மை, சமநிலை, நம்பகம், போர்க்கலை மற்றும் இறைதியானம் மற்றும் ஒரு ஆக்கிரமிப்பாளனுக்கு எப்போதும் அடிபணியாமை.

இந்த ஐந்து சின்னங்களாவன:

1. கேஷ் (வெட்டப்படாத முடி, பொதுவாக கட்டப்பட்டு, சுருட்டி சீக்கிய தலைப்பாகை, டாஸ்டர் என்பதன் கீழ் வைக்கப்படும்.)
2. கங்கா (மரத்தாலான சீப்பு, பொதுவாக டாஸ்டாரின் கீழ் அணியப்படும்.)
3. கச்சாஹெரா (பொதுவான இடுப்பிலிருந்து முட்டிவரை இருக்கும் ஆடை, வெள்ளை நிறத்திலிருப்பது.)
4. கடா (இரும்பாலானா கையணி, இது வெண்கல கைவாளாக போரில் பயன்படக்கூடியது, பெரியவை டாஸ்டரில் அணியப்பட்டு தூக்கியெறியக்கூடிய ஆயுதமாக பயன்படுத்தப்படும்.)
5. கிர்ப்பான் (வளைந்த கத்தி, பல அளவுகளில் வருகிறது, எடுத்துக்காட்டாக இங்கிலாந்தை சேர்ந்த சீக்கியர்கள், சிறிய கூர்மையான கத்தியை அணிவார்கள், அதே நேரத்தில் பஞ்சாபைச் சேர்ந்த சீக்கியர்கள், பாரம்பரியமான வளைந்த கத்தியை அணிவார்கள், அது ஒன்று முதல் மூன்று அடி நீளம் இருக்கும்.)

சீக்கிய சமயத்தில் குருநானக்கைத் தொடர்ந்து மொத்தம் பத்து குருக்கள் இருந்துள்ளனர். பத்தாவது குருவான கோபிந்த சிங், “குரு கிரந்த சாஹிப்”பையே தனக்கு அடுத்து வரும் குருவாக தேர்வு செய்தார். குரு கிரந்த சாஹிப் என்பது சீக்கிய குருக்களின் போதனைகளின் எழுத்துப்பூர்வ வடிவமாகத் தொகுக்கப்பட்ட ஒரு புத்தகமாகும். இந்தப் புத்தகத்தின் அசல் வடிவத்தையே முதன்மை வழிகாட்டியாக வழிபடுவதுடன், தங்களுடைய முதன்மை குருவாகவும் எண்ணுகின்றனர். சீக்கிய குருக்களின் பட்டியல் இதுதான்.

1. குருநானக் தேவ்
2. அங்கட் தேவ்
3. அமர் தாஸ்
4. ராம் தாஸ்
5. அர்ஜூன் தேவ்
6. ஹர் கோபிந்த்
7. ஹர் ராய்
8. ஹர் கிருஷ்ணன்
9. தேக் பகதூர்
10. கோபிந்த் சிங்
11. குரு கிரந்த சாஹிப்

சீக்கிய குருக்கள் தவிர, சீக்கியர்களால் வணங்கப்படும் மனிதர்களில் இவர்களும் உள்ளனர்.

1. பாய் மார்டானா – குருநானக்கின் முதன்மை சீடர்களில் ஒருவர் மற்றும் வாழ்நாள் முழுவதும் நண்பராக இருந்தவர்.
2. பாய் பாலா - குருநானக்கின் முதன்மை சீடர்களில் ஒருவர் மற்றும் வாழ்நாள் முழுவதும் நண்பராக இருந்தவர்.
3. பாபா புத்தா - சீக்கிய துறவி, சீக்கிய மதத்தில் உயர்ந்த கிரந்தி பதவியை வகித்தவர்.
4. பாபா பண்டா சிங் பஹதூர் - முகலாய பஞ்சாப் கவர்னர் வசீர் கான் என்பவரை எதிர்த்து போரிட்டு வென்றார் மற்றும் பஞ்சாபில் சீக்கிய படையைத் தோற்றுவித்தார்.
5. பாபா தீப் சிங் - சீக்கிய துறவி, தன் தலையைக் கையில் ஏந்தி பொற்கோயிலைப் பாதுகாத்தார்.
6. பாய் மணி சிங் - சீக்கிய அறிஞர், தசம் கிரந்த்தைத் தொகுத்தவர்.
7. பாய் தாரு சிங் - ஏழைகளுக்காக போராடிய சிறந்த போராளி.
8. பாய் குருதாஸ் - பாணியை இவர் புரிந்து பொருள் கூறுவதற்காக பெயர் பெற்றவர்.

மற்றும் ஆரம்ப சீக்கிய அறிஞர்களில் பாய் வீர் சிங் மற்றும் பாய் கான் சிங் நபா போன்றோர்களும் அடங்குவர்.

*****

இது முத்துக்கமலம் இணைய இதழின் படைப்பு.