Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!

                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            E - ISSN  2454-1990
muthukamalam muthukamalam

Content
உள்ளடக்கம்

சமையல்

பார்வையாளர்கள்
(04-12-2008 முதல்)


சிறுகதை

சம்மட்டி அடி

கோ. நவீன்குமார்


"ஏய் காமாச்சி! ஏ...!காமாச்சி...! ன்னு ஓலை குடிசைக்கு வெளியே கால் மேல சுடுதண்ணிய ஊத்திகிட்டதப் போல கத்திக்கிட்டிருந்தாள் பார்வதி.

"ம்...யக்கா...! இதா வந்ததுட்டேன்! செத்த இருக்கா...!" என்றவாறு, உள்ளே மவனின் மூக்கில் கையை வச்சிக்கிட்டு,"சிந்துடா...! ம்...இன்னும் வேகமா! ம்ம்ம்...இன்னும்!” என்று சிந்திபோட்டு, மிச்சத்தை அழுக்கு முந்தானையைக் கொண்டு தேய்த்துவிட்டாள்.

"சீக்கிரம் வாடி! எல்லோரும் போய்ட்டாளுக! அப்புறம் அந்தக் கெழவன் கத்தப் போறான்!”

“அவ்ளோதான்க்கா, கெளம்பலாம்! சரி வாடா கண்ணு!" என்று மவன் கையைப் புடிச்சு இழுத்துகிட்டே வாசப்பக்கம் வந்தாள். உள்ளே தெக்கே மூலையிருந்த ஒரு ஓலை தட்டியை இழுத்து, அதைக் கையில தாங்கிக்கிட்டே எதையோத் தேடினாள்.

"இன்னும் என்னாத்தடீ பன்னிகிட்டு இருக்க? ஆமா...! ஒம் மவன பள்ளிகொடம் அனுப்புலயா நீ?”

தேடிக்கிட்டுருந்த காமாட்சிக்கு "சம்மட்டி"யும், சுத்தியும் கிடைக்க, இரண்டையும் எடுத்துக் கொண்டு தட்டியால் வாசலை மூடி, கயிற்றால் பூட்டிக்கொண்டே,

"இல்லக்கா அவனுக்கு போட்டுவுட பள்ளிகூடச் சட்டையே இல்ல! புதுசாதான் எடுத்து தைக்கனும்! கலர் சட்டையில அனுப்புனா, அந்தக் குந்தானி டீச்சரு பெரம்புல அடிச்சிப்புடுவா! ஊரான் அடிக்குறதுக்கா ஒத்தப் புள்ளைய பெத்துருக்கேன்?"

"ம். சர்தான்! வாடியம்மா மணி ஆச்சி!”


"அய்யோ மறந்தேப் போய்ட்டேன்!" என்று, கையில் இருந்த சம்மட்டியையும் சுத்தியையும் கீழேப் போட்டுவிட்டு, கட்டிய தட்டியை அவிழ்த்து உள்ளேப் போனவள், மண் தரையில் வைக்கப்பட்டிருந்த போட்டோவின் கீழே எரிந்து கொண்டிருந்த அகல் விளக்கில் சிறிது எண்ணெய் ஊற்றிவிட்டு, கீழே கிழிந்த செய்தித்தாளில் சிதறியிருந்த திருநீரை நெற்றியில் தேய்த்துக்கொண்டு, ஓட்ட ஓட்டமாக வெளியே வந்தாள்.

"பார்த்தி...! இந்தா வா..,!”வென அழைத்து, கையில் மிச்சமிருந்த திருநீரை அவன் நெற்றியில் தடவினாள். பின் தட்டியை வாசலின் குறுக்கே வைத்துக் கட்டினாள். பின் கீழேயிருந்த சுத்தியை இடுப்பில் சொருகிக்கொண்டு, சம்மட்டியைத் தோளில் சாய்த்துக் கொண்டாள்.

"ம்.. !வாடா பார்த்தி...!” என இன்னொரு கையில் மகனின் கையைப் பிடித்துக்கொண்டு காமாச்சியும், பார்வதியும் நடையாய் ஓட்டம் பிடித்தனர்.

பார்த்தியோ இடுப்பில் நிக்காத டவுசரை அரைஞாண் கயிற்றோடு சேர்த்துப் பிடித்துக்கொண்டு, அம்மா பின்னே ஓடிக்கொண்டிருந்தான்.

வழியில் பார்வதி பேச்சுகொடுத்தாள்.

"ஏண்டி காமாச்சி உன் புருஷன் செத்து எவ்ளோ நாளாச்சி?"

"இன்னும் மூணு நாள் வந்தா தொண்ணூறு நாளு ஆகுதுக்கா! மூனாம் மாசம் படையல் வேறப் போடனும். அன்பு ஐயா கிட்டதான் பணம் கேட்டிருக்கிறேன்.

"ஏது? அந்தக் கெழவன் கிட்டயாக் கேக்கப் போற? உன் புருஷன் செத்தன்னிக்கே ஒரு மாலை வாங்கியார துப்புல்லாதவன், அவனா நீ கேட்ட உடனேயே காசக் குடுக்குறேன்னு சொன்னான்? "

"இல்லேக்கா! நான் கேட்டதுக்கு, இன்னைக்கு வேலை முடிஞ்ச பிற்பாடு தாரேன்னு சொன்னாரு! அதான்”

"ம்...! தந்தா சரி...! அப்படியே உம் மவனுக்கும் சட்டை வாங்கி பள்ளிக்கூடத்துக்கு அனுப்புற வழியப் பாரு. ஆம்பல புள்ளயப் படிக்க வச்சா, நாளைக்கு அவன் ஒனக்குக் கஞ்சி ஊத்துவான்! புருஷன வேற எழந்துட்டு நிக்கிறே! நீ ஒத்த ஆளு தான் அவன கரையேத்தனும்!" என்றவுடன் ‘மளமள’ ன்னு கண்ணீரை விட்டுபுட்டா.

சற்று விம்மி விம்மி அழுதுகிட்டே,

"பாவி மவன்! கடைசி வரைக்கும் இருக்குற எல்லாத்தையும் குடிச்சே அழிச்சிபுட்டு எங்கள இந்தப் பாழாப்போன குடிசையில விட்டுப் போய்ட்டான்! அந்தக் கடவுளுக்கும் கண்ணு இல்ல! இந்தப் பச்சப் புள்ளய மூஞ்சப் பாத்தும் அவனுக்கு யரக்கம் இல்லியே!" ன்னு ஒரு கையில் மகனின் தலையை வருடிக் கொடுத்தாள்.

"அடி அழாதடி...! உனக்குத்தான் ஆண்டவன் ஆம்பளப் பயலக் குடுத்துருக்கான்ல! எதுக்கு அழுவுற? பொட்டப் புள்ள பொறக்கலயேன்னு சந்தோஷப்படு, அதுக்கு நல்லது, கெட்டது சங்கிலி சாமானம் ன்னு செஞ்சுருக்க முடியுமா? ஆம்பளப் பயலப் பெத்ததால இன்னொருத்தன் ஒதவி கேட்ட சரி, இதேப் பொட்டப் புள்ளய வச்சிருந்து ஒதவி கேட்டுருந்தா, அவன் உன் முந்தானய கடனா கேட்டுருக்கமாட்டானு என்ன நிச்சயம்? வழியில்லாம நீயும் முந்திய விரிச்சிருக்கனும்"

"ச்சீ...! அப்போ ஊர்ல தாலியறுத்த அம்புட்டு பொம்பளைகளும் இன்னொருத்தனுக்கு முந்தி விரிச்சிட்டுத்தான் இருக்காங்களா பார்வதியக்கா? " என்றாள்.

"அடி கிருக்கி மகளே! நான் அப்படிச் சொல்லலடீ! நீ சும்மா இருந்தாலும் ராத்திரியில உன் வீட்டுக் கதவத் தட்ட, தெனம் நாளு பேராச்சும் வருவானுங்க, நீயே இல்லன்னாலும் ஊரு அப்படித்தான் கத கட்டிவுடும்" என்றாள்.

"அந்த எச்ச வாழ்க்கை, எனக்கு வேணாம்! அப்படித்தான் வாழனும்னா, இப்பவே நான்டுக்கிட்டு செத்துடுவேன்"

நீ நாண்டுகிட்டு செத்துட்டா? உம் புள்ளய என்ன பண்ணுவ? கழுத்து நெருச்சிக் கொன்னுருவியா?" என்றதும்,

மறுபடியும் “ஓ.....”ன்னு அழுது கொண்டே, மவனைத் தூக்கி இடுப்பிலே வச்சிகிட்டு நெத்தியிலே ஒரு முத்தம் வச்சா. அந்தப் பிஞ்சோ, தனது பிஞ்சுக் கையில் அவளின் கண்ணீரை துடைத்து விட்டு,

“ம்மா... அழாதம்மா!” என்று சொல்ல, காமாட்சியின் கண்கள் காவேரியாய் கரைபுரண்டது. அந்தக் காட்சி பார்வதிக்கும் நெஞ்சடைத்து, பேச்சும் மூச்சும் சமமாக முட்டியது.

இருவரும் வந்துசேர சிறிது தாமதமானதால், கிழவன் என்ன சொல்லப் போறானோ! என்ற அச்சத்தில், பார்வதி பம்மிக்கொண்டு போக, கிழவன் இன்னும் வந்திருக்கவில்லை. மெல்லச் சுதாரித்த அவள், தன் சம்மட்டியை எடுத்துக் கொண்டு கூட்டத்தோடு கூட்டமாகச் சேர்ந்து கல்லை உடைக்க ஆரம்பித்தாள்.

காமாச்சி தன் மகனை அகன்று வளர்ந்த ஓர் புங்கம் மரத்தின் கீழே அமர்த்திவிட்டு, இடுப்பில் சொருகியிருந்த சுத்தியை அவனருகே போட்டுவிட்டு வந்தாள்.

நாளு கிலோ இருந்த சம்மட்டியைத் தூக்கி, மூச்சைப் பிடித்துக்கொண்டு கல்லை உடைக்க, எளிதில் சோர்ந்து போனாள். குடமளவு வந்த வியர்வையோ தேகம் முழுக்க நனைத்தது. நெற்றியில் இட்ட திருநீரையும் சேர்த்து அழித்தது.

காமாட்சி சோர்ந்த நேரம் பார்த்து கிழவன் வந்தான்.

"என்ன காமாச்சி, இப்பவே ஆளு தலைய தொங்கப் போட்டுட்டே? சாயங்காலம் வரைக்கும் என்ன பண்ணுவ? எப்படித் தாங்குவே? " என்று கேட்டுக்கொண்டிருக்க, பார்வதியின் வலது காதும் கண்களும் நோட்டம் விட்டுக் கொண்டிருந்தது.

"அதெல்லாம் ஒன்னுமில்லை ஐயா நான் செய்வேன்! மனசுல தெம்பு இருக்கு!”

"நீயா...? செய்யுவியா? ஹா ஹா ஹா...! சரி சரி செய்யு பார்க்குறேன்!" என்று நக்கலாய் சிரித்துக்கொண்டே நகர்ந்தான்.

காமாச்சி தூரத்தில் மரத்தடியில் உட்கார்ந்திருந்த பார்த்தியை அழைத்தாள்.

"பார்த்தி! டேய் ராசா...! மகனே...!"

தூரத்திலிருந்த அந்த பிஞ்சோ, "இன்னாம்மா...!” என்றதும்,

"அந்தச் சுத்தியை கொஞ்சம் எடுத்துக்கிட்டு வாப்பா...!" என்றாள்.

அச்சிறுவனோ மெல்ல நடந்து வந்து, சுத்தியை அம்மாவின் இரு கைகளில் வைத்துப் புன்முறுவல் செய்ய, காமாச்சி தன் இரு கைகளையும் வாரி தலையிலிட்டு இருகைவிரல்களிலும் லட்டை உடைத்துக் கொண்டாள்.

"சரிடா தங்கம்! நீ போய் மரத்துக்கும் கீழே போய் உக்காரு அம்மா வாரேன்! சரியா...!" என்று அனுப்பி வைத்தாள்.

ஏதேதோ நினைப்புகளோடு கற்களைச் சுத்திக்கு கீழும், காரணங்களை நெஞ்சினுள்ளும் வைத்து ஒன்று சேர நொருக்கிக் கொண்டிருக்க, குறி தவறிய சுத்தி கை விரலின் மேல் வீழ்ந்தது.

"அய்யோ அம்மா...!" என்று வலி தாங்க முடியாது கத்த, பாறைக்கு வெடிவைத்த சத்தம்போல் எல்லா மலை இடுக்குகளிலிருந்தும் எதிரொலிக்க, அங்கிருந்த அனைவரின் கவனமும் ஒன்றுசேர திரும்பியது. அதற்குள் காமாட்சியின் கையை ரத்தம் நனைத்துவிட்டது.

பார்வதியோ சர்வீஸ் ரூம்க்கு ஓடிப்போய், டின்ச்சரும் பழைய கிழிந்த வேட்டித் துண்டுகளையும் கொண்டு வந்தாள். அதற்கு முன் அங்கே வந்த கிழவன்,

“ஏன் எதுக்கு கூடுறீங்க? என்ன உசுரா போச்சி? போய் வேலையப்பாரு!” என எல்லோரையும் துரத்திவிட்டான். பார்வதி கையிலிருந்த டின்ச்சரை வெடுக்கென பிடிங்கி அவளையும் துரத்திவிட்டான்.

"என்ன காமாச்சி! என்ன இது? நான் நல்லா வேலை செய்வேன்னு சொன்னே? இப்படிக் கையை முறிச்சிகிட்டு வந்து நிக்கிறே!"என்றவாறே டின்ச்சரை தெளித்தான். அதுவோ எரிச்சலையூட்ட, வலியில் மேலும் முனகினாள்.

"இந்தா பாரு காமாச்சி இந்த வேலையெல்லாம் உனக்குப் பழக்கமில்லை, ஒத்துவராது. நான் உனக்கு ஜல்லி மெஷின் ஆப்பரேட்டரா வேலை போட்டுத் தரேன் அந்த வேலை செய்யி! அலுங்காம வேல செய்யலலாம் என்னங்குற?" என கேட்டுக்கொண்டே கையில் மீண்டும் டின்ச்ரை ஊற்றினான்.


"ஆமா! நீ என்கிட்ட காசு கேட்டல? மறந்தே போய்ட்டேன்! இந்தா, இந்த இருநூறு ரூபாய வெச்சிக்கோ! இப்போ நீ வீட்டுக்கு போ! ராத்திரி ஒம்பது மணிக்கு மேல வந்து கணக்குப் பாத்துத் தரேன்! உனக்கு இன்னும் வேனும்முன்னா என்கிட்ட கேளு, நான் தரேன்! ராத்திரிக்கு தட்டிய சாத்திப்புடாத சரியா காமாச்சி?"ன்னு கூறிக்கொண்டே அவள் முகத்தைப் பார்த்தவாறு மீண்டும் டின்ச்சர் ஊற்ற, தன்னுடைய மனவலியை பொறுத்துக் கொள்ள முடியாதவளாய் காமாட்சி, கிழவனின் கண்ணத்தில் ‘பளீர்...!’ என்று அறைந்தாள்.

அந்த அரைச் சத்தமும் நான்கு மலையைத்தாண்டி எதிரொலியாய் திரும்பவும் கேட்க, கிழவனின் கன்னத்தில் விரலின் ரத்தக்கறை படிந்திருந்தது.

கீழிருந்த சம்மட்டியை ரத்தம் சொட்டும் விரல்களிலேயே எடுத்துக்கொண்டு, இன்னொரு கையில் மரத்தடியிலிருந்த மகனின் கைவிரல்களைப் பிடித்துக்கொண்டு கம்பீரமாக நடைபோட்டாள்.

காமாச்சியின் கை விரல்களில் வடிந்த ரத்தம், “சம்மட்டியின்” அடிவரை, சொட்டு சொட்டாய் போய் மண்ணில் இறங்கியது.

*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/story/shortstory/p301.html


  2020
  2019
  2018
  2017
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)



வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License