நாளும் மனித மனங்கள்
மாய்ந்து கொண்டிருக்கும்
மண்ணுலகில் மறக்க
முடியாத உன் நினைவுகள்
மட்டும் இன்னும் என்னுள் நிஜமாக...
கடந்து சென்ற உன் நினைவுகளை
மீட்​டெடுத்து நாளும் நான்
மீட்டிப் பார்கின்றேன் இதமாக...!

உன் புன்னகயாலும்
சுட்டெரிக்கும் இரு விழிகளாலும்
சுட்டெரித்த அந்த
இனிமையான நாட்கள்...
மனதினில் நாளும் உலா வருகின்றன...
அந்நாட்கள் இனி
திரும்புமா என் வாழ்வில்...?
​ரோஜாவின் இதழ்க​ளைப் ​போன்று
மென்மையான உன்
வார்த்தைகள் எங்கே?
எப்​போதும் இதம் தரும் உன்
பார்​வைதான் எங்கே?
சில காலங்கள் உன்னுடனே
வாழ்ந்து கொண்டிருந்தேன்
நினைவாலே நான்...!

அந்நினைவுகள் யாவும்
நிஜமாகும் என்று...
வடித்து வைத்திருந்தேன் எண்ணங்க​ளை...
உணர்த்துகின்றது வாழ்வு!
அது நிஜமல்ல வெறும் நிழல்தான் என்று
நினைவுகள் யாவும் நிழலாகவும்...
வாழ்க்கை தனிமையிலும்
எப்​போதும் சுழன்று கொண்டிருக்கின்றது...
இந்த மண்ணுலகில்
பல கேள்விகளோடு
நாளும் தொடர்கிறது...
உன் நிஜமான நி​னைவுகளுடன்
என் வாழ்க்​கைப் பயணம்
அதுதான் என் வாழ்வின்
நி​னைவுப் பயணம்…!

இது முத்துக்கமலம் இணைய இதழின் படைப்பு.