அழகழகாய் மாமரங்கள்
அடுக்கான ​தென்​னை மரங்கள்
அடுத்தடுத்து நின்றிருந்த
வாழ ​வைத்த வா​ழை மரங்கள்...
என வளமாக இருந்து
எங்க​ளை வாழ​வைத்த நிலங்கள்...
ஆடு மாடு மேய்த்துக்
கிடைபோட்ட மேய்ச்சல்
நிலங்கள்...
கட​லைப் பயறு ​பயிரிட்டு
களிப்புற​வே தின்று மகிழத்
திகட்டாமல் வி​ளை​வைத் தந்த
தாய்நிகர் தன்னிலங்கள்...

அடுப்பெறிக்க விறகு ஒடித்த
கருவேலங்காட்டுப்
புறம்போக்கு நிலங்கள்...
ஆங்கிலேயன்
அடிமை வர்க்கத்திற்குத்
தந்துவிட்டுப் போன
பஞ்சமி நிலங்கள்...
உழுது பயிரிட்டு
உண்டு வாழ்ந்த
உயி​ரை வளர்த்திட்ட
உன்னதமிகு
நன்செய் நிலங்கள்...
அனைத்தையும்
அபகரித்துக் கொண்டு
அந்நிய முதலாளித்துவம்
விளக்கம் சொன்னது
இது
கிராமத்தானை
நகரத்தானாக மாற்றும்
திட்டம் என்று...
உண்மைதான்...
கிராமத்தான்
நகரத்தான் ஆனான்
மாநகரத்து நடைபாதையில்
உள்நாட்டு அகதிகளாக...
உடலும் உள்ளமும்
மரித்துப் ​போக உல்லாசம் வரும்
என்று நி​னைத்து
உள்ள வாழ்​வைத் ​தொ​லைத்துவிட்டு
உள்ளுக்குள் தன்​னைத் ​தேடும்
உளம் ​நொந்து ​போன
உள்நாட்டு அகதிகளாய்...!

இது முத்துக்கமலம் இணைய இதழின் படைப்பு.