காலங்கள் பல கடந்தாலும்
உனக்காக நான் காத்திருக்கின்றேன்...
என்றும் என் உள்ளத்துள்
வேண்டாத விருந்துகள் வந்து
குடி​யேறிவிடக் கூடாதென...
நான்வேண்டி விரும்பும்
நீ என்று வருவாயென்று!
நீண்டு கிடக்கும்
காலமெனும் பாதையில்
என்னு​டைய விழிக​ளைப் பதித்து
முரண்டு பிடிக்கும்
அறிவுக்குள் வித்தாக
உன்னை விதைத்து
துவண்டு கிடக்கும்
மனக்குடிலின் வாயிலில்
மலர்க​ளை விரித்து
​தேன் குடிக்கும் வண்டாக உன்​
அன்பை நினைத்து
மண்ணூடே ஓடி
நீ​ரைத் தேடும் வே​ரைப் ​போன்று
மரத்​தைத் தேடி ஓடி
கிளை சுற்றும் கொடி​யைப் ​போன்று
தாயின் மடி​யைத் தேடி ஓடும்
பாலுக்கழும் குழவியாக
கட​லைத் தேடி ஓடும்
காதல் மிகுஆறாக
உனைத் தேடி நானும்என்
உயிர் களைத்துப் போன பின்னர்...
இன்று,
என் மனக் கதவின்
ஒரு ஓரத்தில்...
ஓடுமீன் ஓட
உறுமீன் வருமளவும் காத்திருக்கும் ​
கொக்கி​னைப் ​போன்று
உனக்காக நான் காத்திருக்கின்றேன்...

இது முத்துக்கமலம் இணைய இதழின் படைப்பு.