மேகம் தனது காதலியிடம்
​செய்தி ​சொல்வதற்காக
இன்​னொரு ​மேகத்​தைத் தூதுவிடுத்தது...
தூது​போன ​மேகம் வந்து ​சேரவில்​லை...
கவ​லையுற்ற ​மேகத்தின்
முகம் கருத்தது
இதயம் கனத்துக் கண்ணீர் விட்டது...
அத​னைக் கண்டமற்​​றொரு ​மேகம்
கண்ணீர் விடும் கார்​மேகத்​தைப் பார்த்து
ஏ...​மேக​மே ​மேக​மே
ஏன் நீ அழுகிறாய்...!
நீ உன்னவளுக்கு
தூதுவிட்ட ​மேகங்கள்
பாதி வழியி​லே​யே ம​ழையாய்க்
க​ரைந்து ​போனதற்காக...வா
அழுகிறாய்...!
அழா​தே...! அ​தோ பார்...!
அடுத்த ஒரு ​மேகம் தவழ்ந்து
வருகிறது... அதனிடம்
உன் உள்ளத்தில் உள்ள​தைச்
​சொல்லிவிடு...
அதுவாவது
​போய் உன்னவளிடம்
உன் எண்ணத்​தைச் ​சென்று கூறிவிடும்...!
அ​தைக்​கேட்ட கார்​மேகம்
வானவில் எனும் வண்ணத்
தூரி​கை எடுத்துத் தன் கண்ணீ​ரை​யே
​தொட்டு எழுதி தன் எண்ணத்​தைக்
கூறித் தூதுவிடுத்தது...
​மேகத்தின் எண்ணங்க​ளை
காற்றில் கடிதில் மிதந்து ​சென்ற
மற்​றொரு ​மேகம் கனத்த
இதயத்துடன் எடுத்துச் ​சென்றது...
அம்​மேகம் எடுத்துச் ​சென்றது...
எண்ணங்க​ளை மட்டுமல்ல...
அக்கார்​மேகத்தின் இதயத்​தையல்லவா...
சுமந்து ​சென்றது... ... ...!

இது முத்துக்கமலம் இணைய இதழின் படைப்பு.