கயலினம் திரிந்த ஆறும்
கழிவுநீர் கலந்து வீணாய்
கடலி​லே மாய்ந்​தே ​போச்சு
வயல்களில் திரிந்த மாடு
வயிற்றுக்கு உண​வேயாக
அடிமாடாய் ஆகியாங்கு
வண்டியில் ஏற்றலாச்சு
கரு​வேலா மரங்கள் நின்ற
​பெருங்க​ரை கண்மாய் எல்லாம்
​பெரும் ​பெரும் ம​னைகளாச்சு
கண்மாயும் மாய்ந்​தே ​போச்சு
மனித​னைச் சுமக்கும் மண்ணும்
மலடாகிப் ​போயுமாங்​கே
​நோயாளி ஆகிப் ​போச்​சே!

வயல்களும் தூர்ந்து​போக
வளமான நீ​ரோ​டை ​போக
வாரிகள் ம​றைந்து ​போக
வளம் நி​றை குளங்கள் வறள
வளம​னை உழவன் வீடும்
வறட்சியால் ​நொந்து ​போக
உழ​வையும் ​கைவிட்டாங்கு
உழவன் நகர் ​நோக்கிச் ​சென்றானம்மா!

ம​ழையின்றி வயல்கள் வறள
மனதினால் உழவர் மறுக
வீட்டும​னை விற்​போர் வந்து
விற்றிடு என்று கூற
விதியி​னை ​நொந்த உழவர்
​வேறினி என்​செய்​வோம் என்று
இருக்கிற வய​லை எல்லாம்
சுருக்​கென்ற மனம் நடுங்க
நறுக்​கென்று விற்றானம்மா ​தெருவில்
நடுங்கிப் ​போய் நின்றா னந்​தோ!

​நோக்கியா ​செல்​லைப் பார்ப்பார்
​நொடிக்கும் நல் இதயம் பாரார்
கிரிக்​கெட்டின் வளர்ச்சி பார்ப்பார்
கிழிகின்ற உழவர் வாழ்​வை
என்று​மே திரும்பிப் பாரார்
குளங்களும் ஆறும் இங்கு
ம​னையிடமாகிப் ​போக
உழவுக்கு நீருமின்றி
உழவரும் வருந்தி நிற்க!
உள்நாட்டுக் கட்சிச் சண்​​டை
உழ​வரின் உள்ளத்​தை​யே
நார்நாராய்க் கிழித்ததம்மா...!

காடுகள் அழிந்து ​போக
கானக மயில்கள் சாக
தண்ணீர் நி​றைந்திருந்த
தாம​ரைக் குளங்கள் காய
​கொண்டல்கள் ​கொடுக்கும் நீ​​ரோ
​கொடு​மையாய்க் கு​றைந்து ​போக
வளங்​கொழித்த வயல்கள் ​எல்லாம்
வறு​மையால் ​நைந்துவிட்ட
உழவரின் அடுப்​பைப் ​போன்று
உலரி​யே காய்ந்த தம்மா...!

உலகிற்​கே ​சோறு​போடும்
உழவர்க்குச் ​சோகம் ஆங்​கே
உ​றைந்திட்ட ​​சொத்தாய்ப் ​போச்சு
முப்​போகம் வி​ளைந்த மண்ணில்
எப்​போதும் தற்​கொ​லை​யே
தப்பாது நடக்குதம்மா...!
உலகம் தறி​கெட்டுப் ​போகுதம்மா!

தரணியில் வாழுகின்ற
தன்னிகர் உயிர்க​ளெல்லாம்
​தொடர்கின்ற ​தொல்​லையா​லே
​தொ​லைந்துதான் ​போன தந்​தோ!
​தொ​லைந்தது உழவர் வாழ்வு
​தொடர்ந்தது உலகமய​மே
​தொன்​மையாம் பண்பு ​போக
​தொடர்ந்த​தே துன்ப வாழ்வு...!
மாற்றமும் ​தொடர்ந்து வரலாம்
மாறு​மோ மனிதர் வாழ்வு?
உலகிற்​கே உணவளிக்கும்
உழவரின் வாழ்வு காக்க
உல​கோ​ரே திரண்டு வாரீர்!
உலக​மே ​செழித்து வாழ
உழ​வையும் உழவ​ரையும்
உயர்த்தி​யே நாமும் வாழ்​வோம்!
உலக​மே ​செழிக்குமம்மா!

இது முத்துக்கமலம் இணைய இதழின் படைப்பு.