எத்த​னை​யோ தருணங்கள்
நம்​மைத் தாண்டித் தாண்டிப் ​போயிருக்கின்றன...!
அத்தருணங்கள் மீண்டும் வரப்​போவதில்​லை...!
ஆனால் அத்தருணங்க​ளை நாம் எப்​போதும்
யாருக்கும் ​தெரியாமல் மனதிற்குள்
அ​சை​போட்டுக் ​கொண்டிருக்கி​றோம்...!
உன்​னோடு அமர்ந்து உ​ரையாடும்
ஒவ்​வொரு தருணமும்
வாழ்நாளின் வாழ்ந்த நாளாக
என் வாழ்வில் பதிவு ​​செய்யப்படும்...!
உன்னோடு அமர்ந்து வாழ்வின்
யதார்த்தங்களைப் பேசும் போது
உலகத்தை மறக்கிறேன்!
உனையே உலகமாய் சுகிக்கிறேன்
என் துக்கங்களை
உன்னோடு பகிர்ந்து கொள்கையில்
எனக்காக நீ வருந்துவதை
முழுவதுமாய்த் தவிர்க்கிறேன்!
என் சுகங்களைச் சொல்லும் போது
உனது முத்துப்பல் தெறிக்க
நீ சிரிப்பதை ரசிக்கிறேன்!
வாழ்வில் ​பெற்ற ​வெற்றிக​ளை
உன்​னோடு பகிர்ந்து ​கொள்ளும்​போது...
நான் பள்ளிக்கூடத்தில் படிக்கும்
சிறுவனாகி விடுகின்​றேன்...!
வாழ்வில் தடுமாறும்போதெல்லாம்
"உனக்காக நான் இருக்கிறேன்"
எனும் மந்திர வார்த்தைகளை
நீ மயிலிறகாய் வருடி விடும் போது
தடம் மாறாமல் இருக்கிறேன்!
இத்தனையும் மொத்தமாய் எனக்குச் செய்து
எனை மனிதனாக செதுக்கியவளே...!
என்றும் என் வாழ்க்கை
உன் காதல் நினைவுகளில் ​
தொடர்ந்து ​​கொண்​டே இருக்கிறது...!

இது முத்துக்கமலம் இணைய இதழின் படைப்பு.