வாய்க்கால் வரப்போரம்
வளமான தோப்போரம்
நெற்றி வேர்வை நிலத்தில் விழ
உழைத்துக் களைத்த பின்னே
பழைய சோற்றோடு
சுட்டு வச்ச கருவாடு
வயிறு நிறையச் சாப்பிட்டோம்
மரத்தடியில் தூங்கினோம்
நோய் எதுவும் வந்ததில்லை
வசதியில்லாக் கிராமத்து வாழ்க்கையில் !

நாகரீகம் பெருகிப் போச்சு
நகரப் பக்கம் வந்தாச்சு
உடலுழைப்பு இங்கு இல்லை
வியர்வை வெளியேற வழியுமில்லை
வேளைக்கு ஒரு சோறு
விதவிதமாய்க் காய்கறிகளோடு
மூன்று நேரம் சாப்பிட்டாலும்
தூக்கம் வர வழியில்லை
இரத்த அழுத்தம் கூடிப்போச்சு
சர்க்கரையும் வந்து சேர்ந்தாச்சு !

பஞ்சு மெத்தை இருந்தும்
கொஞ்சமும் தூக்கமில்லை
நரகமாச்சு நகர வாழ்க்கை
நகரத்தை விட்டுத்தான்
கிராமம் போக ஆசைதான்
வசதிய அனுபவிச்ச பின்
கிராமம் போக முடியாமல்
பாழும் மனம் தவிக்குதுங்க
கிராமத்தில் வாழ்வோரே
கொடுத்து வச்சவங்க நீங்க...!

இது முத்துக்கமலம் இணைய இதழின் படைப்பு.