காலை மணி 7
கனவுக்குச் சிறகுகள் என்பது
வடுக்களில் வலியில்
இருந்தே முளைக்கும்

காலை மணி 11
மலை உயரம் என்று
கண்கள் முடிவு செய்து விட்டால்
பாவம் பாதம் என்ன செய்யும்

மதியம் மணி 2
வாழ்க்கை சாலையில்
எதிரில் வருவது யாருமில்லை
உடன் வரும் நிழலாலே
உருவாக்கப்படுகிறது விபத்து

மாலை மணி 4
நீ எல்லாம்
அக்கா தங்கச்சியோடு
பொறக்கிலியா
கேக்கும் மனசுதான்
எக்ஸ்கியூஸ் மீ மேடம்
டைம் என்ன...
என்று கேட்கிறது

மாலை மணி 5
எழுதி வைத்த போது
அற்புதமாய்த் தெரிந்த கவிதை
இரண்டு நாள் கழித்து
படிக்கும் போது
கவிதையை கொலை செய்யலாமா
நான் தற்கொலை செய்யலாமா
கேட்கிறது

இரவு மணி 7
எல்லோரும் ஹீரோ
ஆகிவிட்டதால்
அடியாள் வேலைக்கு
ஆள் கிடைக்கவில்லை

இரவு மணி 9
பஸ் ஸ்டாண்டில்
முந்தானையை சரி செய்த
ஒருத்தியின் அழகை
மதுவில் கலந்த போது
காதல் பாட்டு கிடைத்தது...
கூடவே வாந்தியும்...
வந்தது

இரவு மணி 11
அன்பே...
உன்னைக் கிடத்தி மேல்ஏறி
உட்காரும்போது
உலகம் சிறிதாகிறது...

இது முத்துக்கமலம் இணைய இதழின் படைப்பு.