வருக புத்தாண்டே
... உன்னை
வரவேற்பதில் எமக்கு
அவ்வளவாய் உடன்பாடில்லை.

வருடந்தோறும்
வருகிறாய்...
வந்து போனதற்குச் சில
தடயங்கள் விட்டுவிட்டு
வரலாறாய் ஆகின்றாய்,

சிலநேரம்
சாபக்கேடாய்ப்
போகின்றாய்...!

இது வாடிக்கையாயிற்று;
இந்த
வழக்கத்தை ஒழித்து
இன்று புதிதாயப் பிறந்தோம்
என்றனன் மகாகவி பாரதி!

எனவே,
ஒவ்வொரு நாளும்
புத்தாண்டே என்ற
உணர்வே பெருகும்,

அதனால்... அதனால்...

ஆண்டொன்று போனால்
வயதைக் கூட்டிவிட்டு
ஆயுளைக் குறைக்கிறாய்;
அனுபவங் கூட்டுகிறாய்!

அதனால் உன்னை
வாழ்த்திப்பாடுகிறேன்,
வருக... வருக... புத்தாண்டே ...
வாழ்வெல்லாம் தருக... தருகவே!

இது முத்துக்கமலம் இணைய இதழின் படைப்பு.