இது நவக்கிரகங்களில் ஒன்று. இதற்கு இரும்புத் தேர் என்று பெயர் சொல்வதுண்டு. அதற்கேற்றபடி இந்தக் கிரகத்தைத் துார திருட்டிக் கண்ணாடியால் பார்த்தால் இதைச் சுற்றி ஒரு தட்டையான வளையம் காணப்படுகின்றது. இது ராசியைக் கடக்க இரண்டரை வருடமாகிறது. இது சூரியனுக்கு ஆறாவது வட்டத்தில் இருக்கின்றது. இது 10 மணி, 14 நிமிடம், 24 வினாடிகளில் தன்னைத் தான் ஒரு தரம் சுற்றிக் கொண்டு 29 அரை வருடத்தில் சூரியனை ஒரு முறை சுற்றி வருகின்றது. இதன் குறுக்களவு 75,000 மைல் என்பர். இக்கிரகத்தைச் சுற்றிலும் பல நிறங் கொண்ட சோதி வட்டங்கள் மூன்று காணப்படுகின்றனவாம். இதற்கு ஒன்பது உப கிரகங்களுண்டு. இவற்றை ஒன்பது சந்திரர்கள் போன்றவை என்பர்.
சநிசுவரன்
சூரியன் புத்திரன், நவக்கிரகங்களுள் ஒருவன், யமன் தம்பி. ஓர் கிரகம், ஓர் கிழமை. சூரியன் துவட்டாவின் குமரியாகிய சஞ்ஞிகையை மணக்க அஞ்ஞிகை சூரியனது வெப்பம் பொறாமல் தனது சாயையில் ஒரு பெண்ணை நிருமித்து வைத்து நீங்கினள். அந்தப் பெண்ணிடம் சூரியனுக்குச் சாவர்ணிமநு, சனி, பத்திரை எனும் பெண் பிறந்தனர். இவனுக்குச் சநீச்வரன் எனவும் பெயர். இவன் ரேவதியிற் பிறந்தவன். இவனது தேர் இரும்பாலானது. அதில் நீல ஆடை புனைந்த எட்டுக் குதிரைகள் பூட்டப்பட்டிருக்கும். மந்த நடையும் குரோதமும் உடையவன். தட்ச யாகத்தில் வீரபத்திரரால் கண் இழந்தனன். இவன் முடவன், இவனது வாகனம் காக்கை. இவன் அலி கிரகத்துடன் சேர்ந்தவன். நிறம் கறுப்பு உருவத்தாற் சிறியன். மேற்குத் திக்கை இடமாகக் கொண்டவன். இவன் தவத்தால் கிரகபதம் பெற்றான். இவன் நண்பர்கள் புதன், குரு, சுக்கிரன், செவ்வாய். இவன் குமரன் குளிகன். இவனுக்கு மந்தன், பிணிமுகன், சவுரி, முதுமகன், முடவன் எனவும் பெயர். இவனை அத்திரிக்கு அநுசூயை இடம் பிறந்தவன் என்றும் கூறும் சில புராணம். அவன் வேறொருவனாக இருக்கலாம். நளனை வெகு துன்பப் படுத்திப் புட்கரனோடு சேர்ந்து பகை பாராட்டி அவன் உறுதி கண்டு அஞ்சி வேண்டினவன். பிரகஸ்பதிக்கு மேல் இரண்டு யோசனை தூரத்தில் உள்ளவன். இவன் தன் மாற்றாந் தாயைத் தனக்கு உபகரிக்க இல்லை என்று உதைக்க அவள் சபித்ததனால் முடவனாய் நொண்டியானவன். (காசி காண்டம்.) (வேறு.)
சனியின் பெயர்
ஒரு கிரகம், ஒரு வாரம், கெட்டவன், சனியென்னேவல், தாய், சனிக்கிரகம், சனிக்கிழமை, துன்பம், அந்தணன், அந்தன், கதிர்மகன், கரியவன், காரி, கீழ்மகன், சந்தில், சவுரி, சாவகன், தமனியன், நீலன், நோய்முகன், பங்குபாதன், மந்தன், முடவன், முதுமகன், மேற்கோள். ஓர் கிரகம், ஓர் வாரம், கெட்டவன், சனியென்னேவல். அந்தகன், அந்தணன், பங்கு, மந்தன், சனிக்கிழமைக்கும் பெயர்.
இராக்கதிர் - சந்திரன். (வின்.அக.) கரும்பாம்பு. சிங்கிகை - சிம்மிகை. தட்சன் பெண், காசிப்பாரி. குமரன் இராகு. விப்பிரசித்தின் பாரி எனவுங் கூறுவர்.