Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 8
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரை
கருத்தரங்கக் கட்டுரைகள்

மணிமேகலை கால சமயங்களும் அவற்றின் முற்கால நிலையும் பிற்கால நிலையும்


31. மணிமேகலை உணர்த்தும் வீடுபேறு

பொற்கிழிக் கவிஞர் அரு. சோமசுந்தரம்

இப்பிறவியில் நாம் நமக்குத் தெரிந்தவரை வாழ்கிறோம். அனுபவிக்கிறோம். வாழ்வது தெரிகிறது. ஆனால் சாவு தெரிவதில்லை. செத்த பிறகு மறுபிறப்பு உண்டு என்று பல சமயங்கள் நம்புகின்றன. இப்பிறவியை இம்மை என்றும், மறுபிறவியை மறுமை என்றும் சமயங்கள் கூறுகின்றன. திருவள்ளுவர் ஏழு பிறப்புக்கள் உண்டு என்கின்றார்.

‘‘எழுமை எழுபிறப்பும் உள்ளுவர் தங்கண்
விழுமம் துடைத்தவர் நட்பு ’’

என்பது குறள்.

இந்தப் பிறவியில் நல்ல காரியங்களைச் செய்து, தீய காரியங்களை விலக்கி, அறவழிநின்று, வேண்டுதல் வேண்டாமையிலான் ஆகிய இறையருளுக்குப் பாத்திரமாகி, இறந்தால் மறுபிறப்பைத் தவிர்க்கலாம் என்கின்றனர். ‘‘இனிப் பிறப்பு வேண்டாம்’’ என்பதுதான் மகான்களின் கொள்கையும் கோரிக்கையும் ஆகும். ‘‘மீட்டிங்கு வந்து வினைப்பிறவி சாராமே’’ என்கிறார் மணிவாசகர். ‘‘பிறப்பறுக்கும் பிஞ்ஞகன்’’ என்று சிவபெருமானை மாணிக்கவாசகர் பாடுகிறார். இதிலிருந்து ஒன்று புரிகிறது. பிறப்பை அறுக்க முடியும் என்பது பல சமயச் சான்றோர்களின் நம்பிக்கை ஆகும்.

சாதாரணமாக ஓர் உயிர் ஓர் உடலை விட்டுச் செல்கிற பொழுது, இன்னொரு உடலில் சென்று சார்கிறது என்பதுதான் சமயவாதிகளின் கூற்றாகும். அதனைத்தான் மணிமேகலையின் பௌத்த சமயமும் சாற்றுகிறது. நல்வினைகள் ஆற்றி, தீய வினைகளை விலக்கிப் புத்த தேவனை வணங்கினால் வீடு பேறு அடையலாம் என்கிறது மணிமேகலைக் காப்பியம். அது முழுக்க முழுக்க பௌத்தக் காப்பியம்.

இந்து மதம் சொல்கிறது சாலோகம், சாரூபம், சாமீப்யம், சாயுஜ்யம் என்று மறுமையின் நான்கு நிலைகளை, அதில் சாலோகம் என்பது தேவலோகம், சாரூபம் என்பது தேவரூபம், சாமீப்யம் என்பது இறைவனுக்கு அருகில் இருப்பது. சாயுஜ்யம் என்பது இறைவனோடு ஐக்கியம். ஆத்மாவும் பரமாத்வாவும் இணைவது. அதற்குப் பிறகு பிறவி இல்லை. அதனைத்தான் வீடு பேறு’’ என்கின்றனர். சைவமதத்தில் அப்பர், சுந்தரர், சம்பந்தர், மாணிக்கவாசகர் முதலிய அடியார்கள் எல்லாம் வீடுபேறு எய்தியுள்ளதை நாம் அவர்களது தேவாரத் திருவாசகங்கள் மூலம் அறிகிறோம். அதுபோல் வைணவ ஆழ்வார்கள், ஆச்சாரியார்கள் எல்லாம் வீடுபேறு எய்தியமையை அவர்களது வாக்குகள் நாலாயிரத்திவ்யப்பிரபந்தம் மூலம் அறிகிறோம்.

நல்வினை ஆற்றுங்கள். தீவினை விலக்குங்கள். வினை உங்களைத் தேடிவந்து தன் பயனை ஊட்டும் என்று சமணசமயம் கூறுகிறது. கன்றுக்குட்டி தன் தாய்ப்பசுவை எப்படித் தேடிக் கண்டு பிடிக்குமோ அப்படி நாம் செய்த வினையும் நம்மைக் கண்டுபிடித்துப் பயனை ஊட்டும் என்று நாலடியார் வலியுறுத்திக் கூறுகிறது.

சமண சமயத்தை அடுத்து 2500 ஆண்டுகட்கு முன்பு தோன்றியது பௌத்தமதம். புத்தர் இதனைத் தோற்றுவித்தவர். சிலப்பதிகாரம் சமணக் காப்பியம். அதனைத் தொடர்ந்து எழுந்த மணிமேகலை பௌத்தக் காப்பியம் பௌத்தமதக் கொள்ளைகளை மிக வலியுறுத்திப் பாடுவதே அதன் ஆசிரியர் சீத்தலைச் சாத்தனாரின் நோக்கம்.



ஐம்பெரும் காப்பியங்களுள் சீவகசிந்தாமணி, சிலப்பதிகாரம், வளையாபதி ஆகிய மூன்றும் சமணக் கொள்கைகளை வலியுறுத்தும் சமணக் காப்பியங்கள். மணிமேகலையும் குண்டலக்கேசியும் புத்தமதக் கொள்கைகளை வலியுறுத்தும் பௌத்தக் காப்பியங்கள்.

மணிமேகலை சாதிகளைப்பற்றிக் கூறிச் சாதிவேறுபாட்டைக் கண்டிக்கிறது. அக்காலத்தில் சாதிக்கேற்றபடி சமாதிகள் கட்டப்பட்டன என்று மணிமேகலை கூறுகிறது. ‘‘அருந்தவர்க்கு ஆயினும் அரசர்க்காயினும் ஒருங்குடன் மாய்ந்த பெண்டிர்க் காயினும் நால்வேறு வருணப்பால் வேறு காட்டி இறந்தோர் மருங்கின் சிறந்தோர் செய்த குறுயவும், நெறுயவும் குன்று கண்டன்ன சுடுமண் ஓங்கிய நெடுநிலைக்கோட்டமும்’’ (காதை - சக்கரவானக்கோட்டம் உரைத்த காதை வரிகள் 56-59) இத்தகு சாதி வேறுபாட்டு உணர்வுகளை எல்லாம் தாண்டித்தானே வீடுபேறு பெறமுடியும்.

மணிமேகலையில் பதிகம் அல்லாது ஒரு காதைகள் பாடப்பெறுகின்றன . பதிகத்துடன் சேர்த்து 4856வரிகள், அடிகள் மணிமேகைலை மாபெரும் காப்பியம் முழுக்க முழுக்க பௌத்தக் கருத்துக்களே பாடப்பெறுகின்றன.

சிலப்பதிகாரம் போலவே மணிமேகலையும் புகார், மதுரை , வஞ்சி ஆகிய மூன்று நகர்களையும் பற்றிப் பேசுகிறது. மன்னர்களையும், மக்கள்களையும், மலர்வனங்களையும், பல்வேறு அமைப்புக்களையும் படம் பிடித்துக்காட்டுகிறது.

காப்பியத்தில் பதிகம் என்பது முன்னுரை. மணிமேகலை காப்பியப்பதிகம் 98 அடிகளைக் கொண்டது. அதில் மணிமேகலை காப்பியச் சுருக்கம் சொல்லப்படுகிறது.

மணிமேகலை காஞ்சியை அடைந்து, தன் பொய்வடிவம் நீங்கி, அறவண அடிகளை வழிபட்டு, தவநெறி பூண்டு, அறவுரை கேட்டு, வினைகளின் முறைப்படிவரும் பிறவித்துன்பம் ஒழிகெனத் தவம்புரிந்த செய்திகளை இளங்கோ கேட்க, சீத்தலைச்சாத்தனார் முப்பது காதைகளில் பாடினார் என்று பதிகம் கூறுகிறது.

‘‘புக்கவன் கொண்ட பெய்யுருக்களைந்து மற்றவரி பாதம் வணங்கிய வண்ணமும் தவத்திறம் பூண்டு தருமம் கேட்டுப் பவத்திறம் அறுகெனப்பாவைநோற்றதும் இளங்கோ வேந்தன் அருளிக்கேட்ப வளங்கெழு கூல வாணிகன் சாத்தன் மாவணர் தமிழ்திறம் மணிமேகலை துறவு ஆனறம் பாட்டினுள் அறியவைத்தனன் என் என்கிறது பதிகம். மணிமேகலை துறவு, அதனால் அவளது வீடுபேறு பற்றியது தான் மணிமேகலைக் காப்பியம்.

வீடுபேறு அடைவதற்குச் சில குற்றங்களை விலக்க வேண்டும் என்று மணிமேகலை தொடர்ந்து வலியுறுத்துகிறார். முதலில் இரண்டாம் காதை ஆகிய ‘‘ஊரலர் உரைத்த காதையில்’’ மாதவி தன் மகள் மணிமேகலையின் துறவு பற்றியும், அவள் பரத்தை நெறிக்கு வரமாட்டாள் என்பதையும் தெளிவாக வயந்தமாலைக்குக் கூறுகிறாள். அறவண அடிகளிடம் தன் துயரத்தை மாதவி கூறிய பொழுது அவர் கூறிய அறவுரையை எடுத்துரைக்கிறாள். காதலன் உற்ற கடுந்துயர் கூறப் பிறந்தோர் உறுவது பெருகிய துன்பம், பிறவார் உறுவது பெரும்பேரின்பம் பற்றின் வருவது முன்னது, பின்னது அற்றோர் உறுவது அறிக என்றருளி ஐயவகைச் சீலத்து அமைதியும் காட்டி உய்வதை இவைகொள் என்று உரவோம் அருளினன்.’’

‘‘உலகில் பிறந்தவர் அடைவது துன்பம். பிறவாதவர் அடைவது பேரின்பம். முன்னது பற்றினால் வருவது. பின்னது பற்று நீங்கினால் வருவது ‘‘அற்றது பற்றெனில் உற்றது வீடு’’ ஐவகைச் சீலம் என்று சொல்லப்படுகிற காமம், கொலை, பொய் , களவுகள் ஆகிய ஐந்தும் பஞ்சசீலம் என்று வர்ணிக்கப்படும் இவற்றை முற்றும் துறந்தால் உய்யலாம் என்று அறவண அடிகள் கூறியதாக மாதவி கூறுகிறாள்.



கள் குடித்து அதனால் பெறும் இன்பத்தையே சொர்க்கலோக வீடுபேற்றுப் பேரின்பமாகக் கருதும் குடிகாரன் ஒருவன் சமணமுனிவர் ஒருவருடன் வாதம் செய்கிற காட்சி மலர் வனம் புக்க காதை என்ற மூன்றாவது காதையில் கூறப்பட்டுள்ளது. இது நகைச்சுவைப் பகுதியாக இருந்தாலும் சிந்தனைக்குரியது.

‘‘மண்ணா மேனியன் வருவோன் தன்னை வந்தீர் அடிகள் நும் மலரடி தொழுதேன். எந்தம் அடிகள் எம்முரை கேண்மோ! அழுக்குடை யாக்கையில் புகுந்த நும்முயிர் புழுக்கறைப்பட்டோர் போன்றுனம் வருந்தாது இம்மையும் மறுமையும் இறுதியில் இன்பமும் தன்வயின் தரூஉம் என் தலைமகன் உரைத்தது . கொலையும் உண்டோ கொழுமடல் தெங்கின் விளைபூந்தேறலின்? மெய்த்தவத் தீரே! உண்டு, தெளிந்திவ் யோகத்து உறுபயன் கண்டால் எம்மையும் கையுதிக்கொண்டு என சிற்றின்பத்தையே பேரின்பமாகவும், வீடு பேறாகவும் கருதிப் புன்னெறி வாழும் சிலரது வாழ்க்கைக் காட்சியை மணிமேகலை வர்ணிக்கும் நகைச்சுவைக்கட்டம் இது!

நான்காவதான பனிக்கறை புக்க காதையில் ஒரு காட்சி மணிமேகலை பனிங்கு மண்டபத்துள் இருக்கிறாள். அவளது உருவம் வெளியே தெரியும். ஆனால் பேச்சு கேட்காது. அத்தகு மண்டபத்தின் வெளியே தோழி சுதமதி காவலாக நிற்கிறாள் மணிமேகலையை அடைய வேண்டி வந்த சோழ இளவரசனான உதயகுமாரனுக்குச் சுதமதி புல்லிய உடல்பற்றிப் போதிக்கிறாள். ‘‘வினையின் வந்தது. வினைக்கு விளைவாயது. புனைவன நீங்கிற் புலால் புறத்திடுவது மூப்பு விளிவுடையது, தீப்பிணி இருக்கை, பற்றின் பற்றிடம், குற்றக்கொள்கலம். புற்றடங்கு அவரின் செற்றச்சேக்கை. அவலக்கவலை கையாறு அழுங்கல் தவலா உள்ளம் தன்பால் உடையது மக்கள் யாக்கை இதுவென உணர்ந்து மிக்கோய்! இதனைப்புறமறிப் பாராய்!’’ இதில் இருந்து பேரின்பத்துக்கு எதிரான சிற்றின்பத்துக்கு மூலகாரணமான உடல் நிலைச்சிறுமை பற்றி உணர்கிறோம்.



மணிமேகலையின் சிறப்புப் பற்றி ஐந்தாவது காதையாகிய ‘‘மணிமேகலா தெய்வம் வந்து தோன்றிய காதையில் சுதமதி உதயகுமாரனிடம் ‘‘ஊழ்தருதவத்தன், சாபசரத்தி காமற்கடந்த வாய்மையள்’’ என்கிறாள். உடனே உதயகுமாரன் கேட்கிறான்.

‘‘சிறையும் உண்டோ செழும்புனல் மிக்குழீஇ?
நிறையும் உண்டோ காமம் காழ்க் கொளின்’’

என்கிறான்.

மணிமேகலை தெய்வம் புகாரில் உள்ள புத்த பீடிகையை வலம் வந்து வணங்கிப் போற்றுகிறாள்.


*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/seminar/s1/p31.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)



வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை





வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License