Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam

முத்து: 12 கமலம்: 10
உள்ளடக்கம்
பார்வையாளர்கள்
(04-12-2008 முதல்)

சமையல்
அசைவச் சமையல்
Alexa Rank


கட்டுரை
கருத்தரங்கக் கட்டுரைகள்

தமிழ்ச் சிந்தனை மரபுகள் - பன்னாட்டுக் கருத்தரங்கம்

      

90.நாட்டுப்புறங்களில் குழந்தை மருத்துவம் (நாமக்கல் மாவட்டம்)


வி. ம. ரம்யா
முனைவர் பட்ட ஆய்வாளர் (முழுநேரம்), தமிழாய்வுத்துறை,
கே. எஸ். ஆர் கலை அறிவியல் கல்லூரி (தன்னாட்சி), திருச்செங்கோடு

முன்னுரை

குழந்தைப்பருவம் என்பது குழந்தைப் பிறந்ததிலிருந்து ஐந்து வயது வரை உள்ள பருவமாகும். இப்பருவத்தில் உள்ள குழந்தைகளுக்கு ஏற்பட்டுள்ள நோய் இன்னதென்று சொல்லத் தெரியாது. இப்பருவத்தைக் குழந்தைப் பருவம் அல்லது குழவிப்பருவம் அல்லது பிள்ளைப்பருவம் என்பர். நோயற்ற வாழ்வே குறைவற்ற செல்வம் என்பது பழமொழி. நோய் என்ற சொல் உடலுக்கும் உள்ளத்திற்கும் ஏற்படும் துன்பத்தைக் குறிப்பிடுகிறது என்று தொல்காப்பியர் கூறுவார் இதனை,

“பையுளும் சிறுமையும் நோயின் பொருளே”

என்ற நூற்பா மூலம் கூறுகிறார். இதற்குப் பொருள் தரும் சேனாவரையர் பையுள் சிறுமை என்னும் இரண்டு சொற்களும் நோய் என்னும் குறிப்புப் பொருளை உணர்த்துவன என்கிறார்.

குழந்தைகளின் சிறப்பு

செல்வங்களிலெல்லாம் தலைச்சிறந்த செல்வம் மக்கள் செல்வமாகும். இன்பங்களிலெல்லாம் உயர்ந்தது குழந்தை இன்பமாகும். அதனால்தான் தங்கள் தெய்வங்களே குழந்தைகளாகப் பிறந்து, மழலை பேசி மகிழ்விப்பதாக எண்ணி மகிழ்கின்றனர் இதனை நாமக்கல் கவிஞர்,

“பெற்றிடும் செல்வத்தெல்லாம்
பெரியது மக்கட்செல்வம்
உற்றிடும் இன்பத் தெல்லாம்
உயர்ந்தது மக்க ளின்பம்
மற்றிதை உலகி லெந்த
மனிதனும் மறுக்கொ ணாது
சற்றிதை மதித்து நாமும்
சரிவர நடப்போமே”

என்று கூறியுள்ளார். குழந்தையையைக் குலவிளக்கு என மகிழ்வது நம் பாரத நாட்டின் உயர்ந்த பண்பாடாகும். ‘குழந்தை இயற்கையின் படைப்பு’ என்பார் கவிஞர் தாகூர். நம் பெரியோர்கள் ‘இன்றைய குழந்தைகள் நாளைய தலைவர்கள்’ என்பார்கள். ஆதலால் மக்கள் செல்வத்தைச் சீரிய முறையில் வளர்க்க வேண்டும். இந்நிலையில் குழந்தைகளுக்கு ஏற்படும் நோய்கள் அதிகம், அதனின்று காக்கப் பல மருத்துவ முறைகளைக் கையாளுகின்றனர்.

நாட்டுப்புறங்களில் குழந்தைப்பருவம்

நாட்டுப்புற மக்கள் பொதுவாகத் தங்கள் குழந்தையின் பருவங்களை,

1. தலை தாங்கும் பருவம்

2. கமரும் பருவம்

3. உட்காரும் பருவம்

4. தவழும் பருவம்

5. முத்தப்பருவம்

6. பல் முளைக்கும் பருவம்

7. நிற்கும் பருவம்

8. நடக்கும் பருவம்

9. பேசும் பருவம்

10. விளையாடும் பருவம்

என்று பத்துப் பருவங்களாகப் பகுத்துக் கூறுவர்.



தலை தாங்கும் பருவம்

பிறந்த குழந்தையின் தலையானது உடனடியாகத் தாங்கி (நிமிர்ந்து) நிற்பதில்லை. எனவே, குழந்தையைக் கையில் எடுக்கும் போது, தலையை ஒரு கையாலும், உடலை மற்றொரு கையாலும் தாங்கி பிடித்திருப்பர். இதுவே தலை தாங்கும் பருவம் ஆகும்.

கமரும் பருவம்

குழந்தையின் கழுத்து பலப்பட்டு, தலை தாங்கி நின்ற பின்பு, குழந்தையானது தானாகவேப் படுக்கையில் சரிந்து கமரும். இதைக் கமரும் பருவம் என்பர்.

உட்காரும் பருவம்

குழந்தையானது கமந்த பிறகுச் சில நாட்களில் எழுந்து மெதுவாக உட்காருகின்றது. இப்பருவத்தினை உட்காரும் பருவம் என்பர்.

தவழும் பருவம்

உட்கார்ந்திருக்கும் குழந்தை இரு கைகளையும் கால்களையும் தரையில் ஊன்றி ஊர்ந்தும், தவழ்ந்தும் செல்லும். இதனைத் தவழும் பருவம் என்பர்.

முத்தப்பருவம்

குழந்தைகள் பல் இல்லாத பொக்கை வாயால் அனைவருக்கும் முத்தம் கொடுக்கும் பருவத்தை முத்தப்பருவம் என்பர்.

பல் முளைக்கும் பருவம்

பிறந்த குழந்தைகளுக்குப் பல மாதங்கள் கடந்த பின்னரே, பற்கள் ஒன்று இரண்டாக முளைத்து வருகின்றது. இதனைப் பல் முளைக்கும் பருவம் என்பர்.

நிற்கும் பருவம்

உட்கார்ந்து விளையாடும் குழந்தை, மெதுவாகத் தரையிலிருந்து எழும்ப முயற்சிக்கும். அதன் கையால் எட்டும் உயரத்திற்கு ஏதேனும் ஒரு பொருளைப் பிடித்துக் கொண்டு எழும்பி நிற்கும். இப்பருவம் நிற்கும் பருவம் ஆகும்.

நடக்கும் பருவம்

நிற்பதற்குக் கற்றுக்கொண்ட குழந்தை சுவரையோ, பெற்றோரின் கையையோப் பிடித்துக் கொண்டு நடக்க ஆரம்பிக்கும். அதன் பின்பு எந்தத் துணையுமின்றி தானாக நடக்கத் தொடங்கும். இதுவே நடக்கும் பருவம் எனப்படும்.

பேசும் பருவம்

குழந்தைகள் தங்களுக்கே உரிய மழலை மொழியில் பேச தெரிந்தவற்றைப் பேசிக்கொண்டே இருப்பர். அதனை நாம் புரிந்து கொள்வது மிகவும் கடினம். இவ்விதம் பேச முயலுவதைப் பேசும் பருவம் என்பர்.

விளையாடும் பருவம்

விளையாட்டுப் பொருட்களைக் கொடுத்தால், தானே விளையாடும் பருவம் விளையாட்டுப் பருவம் என்பர்.

இங்ஙனம் குழந்தைகளின் பருவத்தினைப் பத்துப் பருவங்களாகப் பாகுபடுத்திக் கூறுகின்றனர்.



குழந்தை பாதுகாப்பு

நாட்டுப்புற இலக்கியங்களான பாடல்கள், பழமொழிகள் ஆகியவற்றில் குழந்தையின் சிறப்பு கூறப்பட்டுள்ளன. இதனை,

“கரும்புருக தேனுருகக் கண்டார் மனமுருக
எலும்புருகப் பெற்றெடுத்த இலஞ்சியமோ”

என்ற பாடல் வரிகள் மூலம் அறியலாம்.

விளையும் பயிராகிய குழந்தையின் சிறுவயதிலே அதன் உயர்வுக்கு எல்லா பாதுகாப்புகளையும் அளித்தாக வேண்டும். இத்தகையக் குழந்தைகளுக்கு ஏற்படும் நோய்கள் அவர்களின் வருங்கால வாழ்க்கையைப் பாத்தித்து விடும் அபாயம் கொடியது ஆகும்.

நோய்கள்

‘நோயற்ற வாழ்வே குறைவற்ற செல்வம்’

என்பது பழமொழி.

நோய் என்ற சொல் உடலுக்கும் உள்ளத்திற்கும் ஏற்படும் துன்பத்தைக் குறிப்பிடுகிறது என்று தொல்காப்பியர் கூறுவார். இதனை,

“பையுளும் சிறுமையும் நோயின் பொருளே”

என்ற நூற்பா மூலம் கூறுகிறார்.

இதற்குப் பொருள் தரும் சேனாவரையர் பையுள் சிறுமை என்னும் இரண்டு சொற்களும் நோய் என்னும் குறிப்புப் பொருளை உணர்த்துவன என்கிறார்.



குழந்தைகளுக்கு ஏற்ப்படும் நோய்கள்

வயிற்றுப்போக்கு, சளி, இருமல், கக்குவான், இளைப்பு, காய்ச்சல், வாந்தி, இவை தவிர உடல்வலி, உடம்பில் புண், வயிற்றுவலி, கரப்பான், சவப்பு, பல் முளைக்காமலிருத்தல், படுக்கையில் சிறுநீர் கழித்தல் ஆகியவற்றாலும் உரம் விழுதல், வயிற்றுப் பூச்சி” (1) போன்ற நோய்கள் எல்லாம் குழந்தைகளுக்கு வரும் என்கிறார். (பாவாயி. செ. வயது 28 குதிரைப்பள்ளம் (நாமக்கல் மாவட்டம்)

வயிற்றுப் போக்கு

உடற்சூட்டினாலும், வயிற்றிற்குச் சேராத உணவுப்பொருள்களை உண்பதாலும், குழந்தைக்கு வயிற்றுப்போக்கு உண்டாகிறது. மற்றும் மாசுபட்ட குடிநீர், கெட்டுப்போன உணவு சேர்த்துக் கொள்வதாலும் வயிற்றுப்போக்கு உண்டாகும்.

மருந்து

புதினாக் கீரையை சட்டியில் போட்டு வதக்கி ஒரு டம்ளர் தண்ணீரை சேர்த்துக் கொதிக்க வைக்க வேண்டும். பின்னர் புதினா ரசமாகி விடும். அப்புதினா ரசத்தைக் காலை, மாலை இரண்டு வேளையும் அரை சங்கு கொடுத்து வந்தால் வயிற்றுப்போக்கு நின்று விடும்.

வயிறு உப்பசம் (அஜீரனம்)

உண்ணும் உணவானது சரிவர செரிக்காத தன்மையாலும், அதிகப்படியான உணவை உண்பதாலும் வயிறு உப்பசம் ஏற்படுகிறது.

மருந்து

மூன்று சிட்டிகை வசம்புத் தூளும், ஒரு சிட்டிகைச் சுக்குத் தூளும், சேர்த்துக் கலக்கிக் காலை, மதியம் மாலை என மூன்று வேளையும் கொடுத்து வந்தால் வயிறு உப்பசம் சரியாகும். சுக்குத்தூள், சந்தனம் இரண்டையும் சேர்த்துக் கலக்கி வயிற்றில் பூசினால் வயிறு உப்பசம் நீங்கும். நல்லெண்ணையில் வசம்பு சுட்டுக் கரியாக்கிக் கலந்து கொடுத்தால் வயிறு உப்பசம் சரியாகிவிடும். நான்கு சிட்டிகை சுட்ட வசம்புத் தூளும், அரை கரண்டித் தேனும் கலந்து மூன்று வேளை கொடுத்தால் வயிறு உப்பசம் நின்று விடும்.

வயிற்றுப் பூச்சி

கெட்டுப்போன உணவு மற்றும் சரியாகச் சமைக்காத உணவு வகைகளை உண்பதால் வயிற்றினுள் பூச்சிகள் உருவாகின்றன. வயிற்றுப் பூச்சி வயிற்றுக்குள் வலியை உண்டாக்கிக் குழந்தையின் வளர்ச்சிக்குத் தடையாகும். இதற்குக் குழந்தையின் அழுகைதான் அறிகுறி என்கின்றனர்.

மருந்து

வேப்ப இலையை அரைத்து அதன் சாறைப் பாலில் கலந்து மூன்று வேளையும் அரைச்சங்கு கொடுத்து வந்தால் வயிற்றுப் பூச்சி குணமாகும். பசும்பாலுடன் வெள்ளைப் பூண்டு சிலவற்றைச் சேர்த்து நன்றாகக் காய்ச்சி இறக்கி இளஞ் சூட்டுடன் மூன்று வேளை கொடுத்து வந்தால் வயிற்றுப் பூச்சி இறந்து மலத்துடன் வெளியேறும்.



வயிற்று வலி

கெட்டுப்போன உணவு மற்றும் சாப்பிட்ட உணவு நன்றாக மென்று சாப்பிடா விட்டாலும் வயிற்று வலி ஏற்படும்.

மருந்து

வெள்ளைக் குன்றிமனி வேரை எடுத்து, அதில் தேங்காய் எண்ணெய் விட்டு நன்றாகக் காய்ச்சி ஆறவைத்துத் தன் கரைசலை நாக்கில் இரண்டு அல்லது மூன்று துளிகள் விட்டால் வலி குறைந்து விடும் என்கின்றனர்.

சளி

உடலில் நோய் எதிர்ப்பு சக்தி குறைவினால் சளி ஏற்படும். திடீரென மூக்கிலிருந்து நீர் ஒழுகுதல், தும்மல், மூக்கரிப்பு, காய்ச்சல் போன்றவை இதன் அறிகுறிகள்.

மருந்து

பச்சை வசம்பினைப் பட்டாணி அளவு மற்றும் சிற்றரத்தை வேர், மிளகு அளவிற்கு சேர்த்து அம்மிக்கல்லில் அரைத்துத் தூளாக்கி மூன்று வேளையும் சுடுத்தண்ணீருடன் குடிக்க வேண்டும். ஓமம், பச்சைக் கற்பூரமும் 5 கிராம் எடுத்துக் கொண்டு ஒரு துணியில் வைத்து நசுக்கிய பிறகு பந்து போல கட்டி அதனை நுகர்ந்து வந்தால் மூக்கடைப்பு நீங்கி விடும். துளசி இலைச் சாற்றில் மூன்று, நான்கு துளிகள் தாய்பாலைக் கலந்து கொடுக்கலாம்.

இருமல்

சளி அதிகமானால் இருமல் உண்டாகும். வறட்டு இருமல், சளியால் வரும் இருமல் என இருவகையிலும் வருவதுண்டு. இதனால் குழந்தைக்கு உணவும் தூக்கமும் தடைபடும் இதுதான் அறிகுறி என்கிறார்.

மருந்து

மஞ்சளுடன் சிறிது மிளகைச் சேர்த்துப் பொடி செய்து ஒரு தேக்கரண்டி அளவு கொடுத்து வந்தால் இருமல் குணமாகும். பூண்டினை அரைத்து, அதன் சாறைச் சர்க்கரையோடு சேர்த்துக் கொடுத்து வந்தால் இருமல் குணமாகும்.

காய்ச்சல்

குளிர்ந்த தண்ணீர் குடிப்பதாலும், சேராத உணவு வகை உண்பதாலும், உடல் எடை குறைந்து காய்ச்சல் உண்டாகிறது. உணவு சாப்பிடாமல் இருப்பதும், சோர்ந்து கிடப்பதும் காய்ச்சலுக்கு அறிகுறி என்கின்றனர்.

மருந்து

நான்கு சிட்டிகை வசம்புத் தூளும் அரை சிட்டிகை தேனும் சேர்த்து மூன்று வேளையும் உண்டு வந்தால் காய்ச்சல் குணமாகிவிடும். துளசி இலையும், வல்லாரைப் பொடியும், அரிசிப் பொடியும் சேர்த்து உருண்டை பிடித்து வெயிலில் காயவைத்து அதனைச் சுடுதண்ணீருடன் கலந்து கொடுத்தால் காய்ச்சல் குணமாகும்.

பால் குடிக்க மறுத்தல்

குழந்தைக்குப் பசியில்லாமல் இருந்தாலும் மற்றும் வாய்ப்புண் இருந்தாலும், உணவு செரிமாணம் ஆகாமல் இருப்பதாலும் குழந்தையானது பால் குடிக்க மறுக்கும் என்கின்றார் தகவலாளர்.

மருந்து

ஒரு சிட்டிகை வசம்புத் தூளும், ஒரு சிட்டிகைச் சுக்குத் தூளும் கலந்து கொடுத்தால் பசியெடுக்கும் என்றார்.

கட்டுப்பாடுகள்

பதினைந்து நாட்கள் மாமிசம் உண்ணக்கூடாது. நோய் குணமாகும் வரை கட்டைக் கழற்றக் கூடாது. குழந்தையை வெளியூருக்கு அழைத்துச் செல்லக்கூடாது போன்ற நம்பிக்கைகள் இம்மக்களிடம் காணப்படுகிறது.

நிறைவுரை

நாட்டுப்புற மக்கள் தங்களுக்கு ஏற்படும் நோய்களுக்குத் தங்கள் முன்னோர்கள் கையாண்ட மருந்துகளையும், மருத்துவ முறையும் பின்பற்றி நலம் பெற்றனர். மேலும் குழந்தை மருத்துவத்தில் அதிக அக்கறை கொண்டு, நாமக்கல் மாவட்ட மக்கள் இம்மருத்துவத்தை ஆண். பெண் என்ற பாகுபாடின்றி இருபாலரும் செய்வதைக் காணமுடிகிறது. இது வீட்டின் பெரியவர்களால் தலைமுறை தலைமுறையாகப் பின்பற்றப்படுகிறது. இதனை ‘வீட்டு சிகிச்சை முறை’ என்றும் கூறலாம். பாட்டிமார் மருந்துக்காக எடுக்கும் மூலிகைகள் நல்ல பலனைத் தரவேண்டும் என்பதற்காகச் சில வழி முறைகளைக் கையாண்டு வருவதையும் அறிந்து கொள்ளமுடிந்தது.


*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/seminar/s3/p90.html


ISSN 2454 - 1990
Change Language/மொழி மாற்றம் செய்திட

வலைப்பூவில் முத்துக்கமலம் இணைக்க...

சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)


படைப்புகளுக்குப் பரிசளிப்பவர்கள்









சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்
தேனி மு. சுப்பிரமணி எழுதிய நூல்கள்

                       


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License