Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 4
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரைத் தொடர்
கட்டுரைத் தொடர்

பண்பாட்டு நோக்கில் பழமொழிகள்

முனைவர் சி. சேதுராமன்


6.இளமையும் முதுமையும்

மனிதனின் வாழ்வியற் பருவங்களுள் குறிப்பிடத்தக்க பருவங்கள் இரண்டு. அவையாவன1. இளமைப் பருவம், 2. முதுமைப் பருவம் என்பன ஆகும். இப்பருவங்களை வாழ்க்கையில் தொடக்கம், முடிவு என்று குறிப்பிடுவர். இவ்விரு பருவங்களும் வாழ்வில் பல திருப்பங்களை ஏற்படுத்தும் இயல்பை உடையன. இளம்பருவத்தில் பலர் சாதனையாளர்களாக விளங்குவதைப் போல முதுமைப் பருவத்திலும் உலகில் பலர் சாதனைகள் புரிந்துள்ளனர். சாதிப்பதற்கு வயதில்லை என்பதனையே இது காட்டுகிறது. நமது முன்னோர்கனள் இவ்விருபருவங்களையுப் பற்றியும் பல அரிய கருத்துக்களைப் பழமொழிகள் வழி கூறியுள்ளனர்.

இளமை

உலகில் உள்ள அனைத்து உயிர்களும் விரும்பும் பருவம் இவ்விளமைப் பருவமே ஆகும். இளங்குழவிப் பருவம், குழந்தைப் பருவம், இளமைப் பருவம்(குமரப் பருவம்) எனப் பருவங்கள் பல இருப்பினும் இவ்விளமைப் பருவம் மட்டுமே மனிதனி் மனதில் பல மாற்றங்களுக்கு வழி வகுக்கும் மகிழ்ச்சி நிறைந்த பருவமாகும். உடலும், உள்ளமும் விரைந்து செயல்படக் கூடிய பருவமும் இது என்பது குறிப்பிடத்தக்கது. இப்பருவத்தினை,

‘‘ஓடுற பாம்பை மிதிக்கிற வயசு’’

என்று வழக்கில் மக்கள் வழங்குவர்.

பாம்பு விரைந்து ஓடும் தன்மை வாய்ந்தது. அதன் வேகத்திற்கு ஈடு கொடுத்து ஓடி அதனை மிதிக்கக் கூடிய வேகமும் துடிப்பும் மிக்கவர்கள் இளைமையுடையோரோ ஆவர் என்பதை மேற்கூறிய தொடர் நமக்குத் தெளிவுறுத்துகிறது.



இளமையின் வேகம்

இளம் வயதுதான் துணிச்சல் மிக்க வயது. உடலும் உள்ளமும் ஈடுகொடுத்துச் செயலாற்றக் கூடிய தன்மை இவ்வயதிலேயே ஒருவருக்கு வாய்க்கும் எனலாம். இவ்விளம்பருவம் எதைக் கண்டும் அஞ்சாது. இத்தகைய சிறப்புடைய இளமைப் பருவத்தின் தன்மையினை,

‘‘இளங்கன்று பயமறியாது’’

என்ற முதுமொழி நமக்கு எடுத்துரைக்கின்றது.

இம் பசுங்கன்று எங்கும் ஓடித் திரியும். பயம் என்பது அறியாது. அதுபோன்றே இளம் வயதுடையவர்களும் எது குறித்தும் அஞ்சாது னெ்ன செய்துவிடும் பார்த்துக் கொள்வோம் என்று பிறர் செய்யத் தயங்குவதனையும் செய்து முடிப்பர்.

மகாபாரதத்தில் வரும் அருச்சுனன் மகன் அபிமன்யு இளம் வயதில் அனைவரும் வியக்கத்தக்க அஞ்சத்தக்கச் செயலான துரோணரின் வியூகத்தை பயமறியாது உடைத்து உள்ளே புகுந்து போரிட்டுப் பலரால் வஞ்சகமாகக் கொல்லப்பட்டான். இளமை பயமறியாது செயல்படும் தன்மை கொண்டது என்பதனை விளக்குவதாக இப்பழமொழி அமைந்திலங்குகிறது.

இளமையும் கல்வியும்

இளம் வயதில்தான் அனைத்தையும் கற்றுக் கொள்ள முடியும். பச்சை மரத்தில் ஆணி அடித்தால் எங்ஙனம் அதிவேகமாக இறங்குமோ அதுபோன்று இளம் வயதில் விரைவில் அனைத்தையும் கற்கலாம். மனமானது எதனையும் உள்வாங்கிக் கொள்ளும் பக்குவம் வாய்ந்தது இளமைக் காலம். இதனைக் கருத்தில் கொண்டே நமது முன்னோர்கள்,

‘‘இளமையில் கல்’’

என்று பழமொழி வாயிலாகக் கூறியுள்ளனர். இளமையில் கற்கும் கல்வி அடிப்படையானது. இளமையில் கற்பது அனைத்திற்கும் அஸ்திவாரம் போன்றதாகும். அதனால்தான் நமது அரசும் உலகி்ல் உள்ள ஏனைய அரசுகளும் தொடக்க நிலைக் கல்விக்கு முக்கியத்துவம் அளித்துக் கட்டாயக் கல்வியினைச் சட்டமாக்கியுள்ளன என்பது நோகத்தக்கது.



இளமை – உழைப்பு

இளமைக் காலத்தில் கடினமாக உழைத்தால் வாழ்வில் என்றும் உன்னத நிலையை அடையலாம். அவ்விளமைக் காலம் ஒருவனது வாழ்வில் பல்வேறுவிதமான முன்னேற்றங்களுக்கு மூல காரணமாக விளங்குகிறது. இதில் பாடுபட்டு உழைத்தால் அடுத்து வரும் முதுமைப் பருவம்இனிமையானதாக அமையும். முதுமைப் பருவத்தில் மகிழ்வுடன் ஒருவன் வாழ விரும்பினால் இளமைக் காலத்தை வீணாக்காது, சோம்பலுறாது உழைத்தல் வேண்டும். இத்தகைய வாழ்வியல் முன்னேற்றக் கருத்தினை,

‘‘இளமையில் சோம்பல் முதுமையில் வறுமை’’

என்ற பழமொழி எடுத்துரைக்கிறது. இளம் வயதிலேயே உழைக்கின்ற எண்ணமும் பழக்கமும் ஒருவனிடததிலே ஏற்பட்டுவிட்டால் அவன் வாழ்வு சிறப்படையும் என்பதை இப்பழமொழி வலியுறுத்துவதாக அமைந்துள்ளது.

வழக்கில் மூத்தது என்றும் ஒன்றுமில்லாதது என்பர். மூத்தவராகப் பிறப்பவரை மூத்தது, மூத்தவர் என்று கூறுவர். இளையது, இளையவன், இளையவர் என்று இளமையானவரைக் குறிப்பிடுவர். இளையவர்களை வேகம் நிறைந்த துடிப்புடன் விளங்குபவராகச் சமுதாயத்தில் கருதுவர். இதனை,

‘‘மூத்தது மோளை இளையது காளை’’

என்ற பழமொழி விளக்குகிறது. வயதில் மூத்தோர் சற்று யோசித்து நிதானமாகச் செயல்படுவர். இளையோர் எந்தச் செயலிலும் விரைந்து காளை வேகமாக ஓடுவது போன்றும் செயல்படுவது போன்றும் செயல்படுவர் என்பதை மேற்குறிப்பிட்ட பழமொழி தெளிவுறுத்துகிறது.



முதுமை

முதுமை பெருமைக்குரியது. முதியவர்களைப் பெரியவர் என்று மரியாதையுடன் வழக்கில் அழைப்பதே இதனைத் தெளிவுறுத்தும். வயது முதிர்ந்தேரே முதியவர் ஆவார். இப்பெரியோர் சொல்வதைக் கேட்டு வா்க்கையில் வாழ வேண்டும். அவ்வாறு நடந்தால் வாழ்க்கையில் இடர் ஏற்படாது. இன்பம் என்றும் நீடித்திருக்கும். பெரியோர்கள் தங்கள் அனுபவத்தினால் நல்வழி காட்டுவர்.

மகாபாரதம், இராமாயணம் ஆகிய இதிகாசங்களும், நீதி நூல்களும் பெரியோர் கூறுவதைக் கேட்டு நடத்தல் வேண்டும் என்று வலியுறுத்துகின்றன. பீஷ்மர், துரோணர் கண்ணன் உள்ளிட்ட பெரியோரின் கூற்றுப்படி நடந்ததால் பாண்டவர்கள் வென்று புகழுடன் மீண்டும் நாட்டை ஆண்டனர். பெரியோர் கூறியதைக் கேட்காமல் நடந்ததால் துரியோதனன் தனது சுற்றத்துடன்அழிந்தான். இதனை,

‘‘மூத்தோர் சொல் வார்த்தை அமிழ்தம்’’ பெரியவங்க சொன்னா பெருமாள் சொன்ன மாதிரி’’

என்ற பழமொழிகள் எடுத்துரைக்கின்றன.

அமிழ்தம் உண்டாரை நீண்ட நாள் வாழச் செய்யும் தன்மை உடையது. அதுபோல் பெரியோரான முதியோரின் நல்லுரை துன்பமின்றி நெடிது வாழத் துணைபுரிவதாகும். அதனாலேயே பெரியோர் வார்த்தையை அமிழ்தம் என்று கூறினர் எனலாம்.

பெரியவர்கள் தெய்வத்திற்குச் சமமானவர்கள். அவர்களது வாயிலிருந்து வருவபவை வாழ்வை வளப்படுத்தும் நல்லுரைகளாகும். பெரியவர்கள் கூறியதை அப்படியே கைக்கொண்டு வாழ்தல் வேண்டும். அவ்வாறு வாழ்வோரது வாழ்க்கை வளமுறும் என்பதையும் பெரியோர்கள் காக்கும் கடவுளாகிய பெருமாளைப் போன்றவர்களாவர் என்பதையே மேற்கூறிய பழமொழி தெளிவுறுத்துகிறது.

வாழ்வில் எந்தத் துன்பமும் வராமல் பெருமாளாகிய திருமால் எவ்வாறு உயிர்களைப் பாதுகாக்கின்றாரோ அது போன்று பெரியோர்கள் தங்களைச் சார்ந்தோரை நல்லறிவுரைகளால் என்றும் துன்பம் வராமல் பாதுகாப்பர் என்ற அரிய கருத்தினையும் இப்பழமொழி உணர்த்துவது நோக்கத்தக்கதாகும்.



முதுமையை இழிவுபடுத்துதல்

வயது முதிர்ந்த காரணத்தால் இம்முதியோரை ஆணாக இருந்தால் கிழவன் என்றும், பெண்ணாக இருந்தால் கிழவி என்றும் கூறுவர். சிலர் இவர்களை, ‘பெரிசு’ என்றும் கூறி இழிவாக நடத்துவர். அவ்வாறு வயது முதிர்ந்தோரை இழிவாக நடத்துவதோ, பேசுவதோ தவறான செயலாகும். சிலர் முதியவர்களின் உடல் தளர்ச்சியையும் அவர்கள் வயதின் காரணமாகப் படும் துன்பத்தையும் கண்டு கேலிபேசிச் சிரிப்பர். அவ்வாறு முதியவர்களைக் கேலி பேசிச் சிரித்தல் கூடாது. இத்தகைய செயல்களை விடுத்து முதியோர்களுக்கு நாம் உதவுதல் வேண்டும். இதனை,

‘‘பழுப்போலையைப் பார்த்து குருத்தோலை சிரித்ததாம்’’

என்ற பழமொழி விளக்குகிறது. நாமும் ஒருநாள் இந்நிலையை அடைவோம் என்பதை உணர்ந்து நடந்து கொண்டால் இத்தகைய செயல்பாடுகளில் யாரும் ஈடுபடமாட்டார்கள்.

குருத்தோலை (இளைஞர்) ஒருநாள் பழுப்போலையாக (முதியவராக) மாறுவர் என்பதை உணர்ந்து செயல்பட்டால் இத்தகைய சூழல் சமுதாயத்தில் நிலவாது. மாறாக முதியோர்களைப் பாதுகாக்க வேண்டும் என்ற எண்ணமே வலுப்பெறும் எனலாம்.

இப்பழமொழியை,

‘‘சார ஓலையைப் (பழுப்போலை) பார்த்துக் குருத்தோலை சிரித்ததாம்”

என்றும், ‘‘தென்ன(தென்னை) மட்டையிலே கீழ்மட்டையைப் பார்த்து மேல் மட்டை சிரிச்சதாம்’’

என்றும் வழக்கில் வழங்குவர். இங்கு பழுப்போலை, குருத்தோலை, மேல்மட்டை என்பவை எல்லாம் முறையே முதியவர்களையும், இளையோர்களையும் குறிக்கும் குறியீட்டுச் சொற்களாகும். முதுமை சுமையல்ல. முதுமைப் பருவம் மரியாதைக்குரிய பருவம் என்பதை ஒவ்வொருவரும் உணர்ந்து நடந்து கொள்ளவேண்டும் என்று இப்பழமொழி எடுத்துரைக்கின்றது.

கிழவன் – கிழவி

வயது முதிர்ந்தோரை வழக்கில் கிழவன், கிழவி என்று கூறுவர். தொல்காப்பியத்தில் களவியலில்,

‘‘ஒத்த கிழவனும் கிழத்தியும் காண்ப’’

என்ற தொடர் இடம்பெறுவது நோக்கத்தக்கது. இங்கு தலைவன், தலைவி எனும் பொருளில் இச்சொல் வழங்கப்படுவது குறிப்பிடத்தக்கது. இச்சொற்களில் கிழத்தி என்பது கிழவி என மருவி தலைவன், தலைவி என்பது மாறி வயது முதிர்ந்தோரைக் குறிக்கும் சொல்லாக இன்று வழங்கப்பட்டு வருகிறது.

வயது முதிர்ந்தால் மனிதன் மீண்டும் குழந்தை நிலைக்கு மாறிவிடுகின்றான். குழந்தை நிலையில் பிறர் உதவி தேவைப்படுவதைப் பொன்று வயதான காலத்திலும் மனிதனுக்குப் பிறர் உதவி தேவைப்படுகிறது. இதனை,

‘‘பிள்ளையில்லா வீட்டில் கிழவன் துள்ளி விளையாண்டானாம்’’

என்ற பழமொழி விளக்குகிறது.

குழந்தைப்பேறு வாய்க்காத நிலையில் அவர்களே குழந்தைநிலைக்கு மாறி கணவன், மனைவி இருவரும் ஒருவருக்கு ஒருவர் குழந்தையாகக் கருதிக் கொண்டு வாழ்வர். உளவியல் ரீதியாக இது அவர்களுக்கு ஒரு வடிகாலாக (மடை மாற்றமாக அமைகின்றது. இத்தகைய கருத்தையே மேற்குறித்த பழமொழி விளக்குகின்றது.

வயது முதிர்ந்தவர்கள் கூறுவதை சிலரே கேட்பர். பலர் அதனை ஒரு பொருட்டாகக் கருத மாட்டார்கள். இதனை,

‘‘கிழவி சொல்லைக் கிண்ணாரக்காரன் கேட்கமாட்டான்’’

என்ற பழமொழி விளக்குகிறது. கிண்ணாரம் என்பது ஒருவித இசைக்கருவி இதனைக் கிண்ணரம் என்றும் கூறுவர். இது சத்தமாக ஒலி எழுப்பும் தன்மை கொண்டது. இவ்விசைக் கருவியை இசைப்பவன் காதில் வயதில் மூத்த கிழவி கூறும் சொல் காதில் விழாது. அதனால் அவன் அவனது வேலையைப் பார்த்துக் கொண்டிருப்பான். இக்கிண்ணரக்காரனைப் போன்று இளையோரும் கேட்கமாட்டார்கள்.
ஏனெனில் தலைமுறை இடைவெளியே காரணமாகும். இருப்பினும் முதியவர்கள் கூறுவதைக் கேட்டுப் புரிந்து கொண்டு நடத்தல் வேண்டும் என்பதை இப்பழமொழி எடுத்துரைப்பது நோக்கத்தக்கது.

சிலர் வயதின் காரணமாகத் தொடர்பில்லாமல் பேசிக் கொண்டே இருப்பார்கள் அது மட்டுமன்றி பிறர் அவற்றைக் கேட்டு நடத்தல் வேண்டும் என்றும் எதிர்பார்ப்பர். அப்போது வீட்டிலுள்ளோர்க்கு வயது முதிந்தோர் ஒரு பிரச்சனையாக மாறிவிடுவர். மேலும சில பெரியவர்கள் தாங்கள் சொல்வதைத்தான் பிறர் கேட்க வேண்டும் என்று வரட்டுப் பிடிவாதமும் பிடிப்பர். இதனால் குடும்ப உறுப்பினர்களுக்கிடையே மன வருத்தங்கள் ஏற்படவும் வழி உண்டு எனலாம். இத்தகைய கருத்துக்களை வலியுறுத்துவதாக,

‘‘கெடக்கிறது எல்லாம் கிடக்கட்டும்

கிழவியைத் தூக்கி மனையில வைடாண்ணானாம்’’

(வைடாண்ணானாம் - வை என்று சொன்னான்)

என்ற பழமொழி அமைகிறது.

சிலர் ஒரு விஷயததைப் பற்றி விவாதம் நடந்து கொண்டிருக்கம்போது தங்களது கோரிக்கையையும் முன்வைத்து, அதனை நிறைவேற்ற வற்புறுத்துவர். இத்தகையோரின் பண்பைக் குறிப்பதற்குப் இப்பழமொழியை வழக்கில் வழங்குவர். பிறருடைய செயல்பாடுகளில் தமக்குரிய லாபத்தைப் பார்க்கும் தன்மையுடையவர்களின், தன்னலக்காரர்களின் குணத்தை விளக்குவதாகவும் இப்பழமொழி அமைந்துள்ளது.

இளமையும் முதுமையும் போற்றுதற்குரிய பருவங்கள். இளமைப் பருவம் வாழ்வின் தொடக்கம் எனில் முதுமைப் பருவம் வாழ்வின் முடிவு எனலாம். இளமையில் நன்கு உழைத்து முதுமையில் இன்புற்று வாழ்வோம். வாழ்க்கை என்றும் வசந்த காலமாக இருக்கும்.


*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/serial/p5f.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)

வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License