Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 4
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரைத் தொடர்
கட்டுரைத் தொடர் -6

ஔவையார் பார்வை

முனைவர் மு. பழனியப்பன்


6. உறவுகளை மதிப்போம்

மனித சமுதாயம் பலரால் கட்டமைக்கப்பெற்றுள்ளது. பெற்றோர், உறவினர்கள், நண்பர்கள், அக்கம் பக்கத்து வீட்டுக்காரர்கள், பணிசெய்யும் இடத்தில் உடன் பணி செய்வோர் போன்ற பலரால் சூழப்பெற்றது மனித வாழ்க்கை. அவர்களை அரவணைத்துப் போவது என்பது மிகவும் இன்றியமையாதது.

உறவினர்களை அரவணைத்துப் போகும் ஒருவன் பக்கத்து வீட்டுக்காரர்களுடன் சண்டை போட்டுக் கொண்டு அமைதியாக வாழ்ந்துவிட முடியாது. பக்கத்து வீட்டுக்காரர்களையும் அன்பு பாராட்டி உறவினர்கள் போல பாதுகாத்துக் கொள்ள வேண்டும்.

அமுதம் உண்க அயல் இல்ஆட்டி என்று ஒரு சங்க இலக்கியத் தலைவி பாடுகிறாள். அதாவது பக்கத்து வீட்டுப் பெண் யாருக்கும் கிடைக்கப்பெறாத அமுதத்தை உண்ணட்டும் என்று வாழ்த்துகிறாள். என்ன காரணம் என்றால் தலைவன் வருவானா என்று ஏங்கிக் கொண்டிருக்கிறாள் தலைவி. அந்நேரத்தில் பக்கத்து வீட்டுப் பெண் எதேச்சையாக நிச்சயம் வருவார் என்று சொல்கிறாள். பக்கத்து வீட்டுப்பெண்ணின் சொல் தலைவன் வந்துவிடுவான், கவலைப் படாதே என்று சொல்வது போல தலைவிக்கு அமைந்துவிட்டது. இதன் காரணமாக பக்கத்துவீட்டுப் பெண் அமுதம் உண்ணட்டும் என்று வாழ்த்துகிறாள் தலைவி.

எனவே அக்கம் பக்கத்தார், நண்பர்கள், உறவினர்கள் இவர்கள் யாவரையும் நெருங்கிய அன்பு பூண்டு மனிதர்கள் வாழ்க்கையை நடத்த வேண்டும். எப்படி உறவினர்களைப் பாதுகாத்து நம்மோடு அன்புடன் இருக்கச் செய்வது? ஔவையார் இதற்கு ஓர் அருமையான வழியைக் காட்டுகின்றார்.

மரம் பழுத்தால் வௌவாலை வாவென்று கூவி
இரந்து அழைப்பார் யாவரும் அங்கில்லை - சுரந்து அமுதம்
கற்றா தரல்போல் கரவாது அளிப்பரேல்
உற்றார் உலகத்தவர்

என்று ஒரு நல்ல யோசனையை வழங்குகிறார் ஔவையார்.



இனிமையான பழங்களைத் தரும் மரம் ஒன்று ஊர் நடுவில் உள்ளது என்று வைத்துக் கொள்வோம். அது இனிமையான பழங்களை தந்து கொண்டிருக்கும் நேரத்தில் யாரும் அழைக்காமல் வௌவால் பறவைகள் அப்பழங்களை உண்ண வந்துவிடுகின்றன. பழந்தின்னி வௌவால் என்று ஒரு வகை வௌவால்களில் உண்டு. அவை இனிமையான பழங்களை நாடித் தன் பயணத்தைச் செய்து கொண்டிருப்பனவாகும். வௌவால்கள் இரவு நேரத்திலேயே பெரும்பாலும் வெளியில் கிளம்புகின்றன. பழங்களை, பூக்களைப் பார்க்கவே கண்களை விழித்து நோக்குகின்றன. இது விலங்கினத்திலும் சேர்த்துக் கொள்ளத்தக்கது. பறவையினத்திலும் சேர்த்துக் கொள்ளத்தக்கது. மிகப் பழமையான வரலாறு உடையது வௌவால்.

இரவு நேரத்தில் யாரும் அழைக்காமலே பழங்கள் பழுத்திருக்கும் மரத்தை நாடி வௌவால்கள் வருகின்றன. மரங்களில் இருக்கும் பழங்களை உண்ணத் தொடங்கி விடுகின்றன. அதுபோன்று உறவினர்கள் பழுத்த மரமாக இருக்கும் தன் உறவுக்காரரை நாடி வரத்தொடங்குவர். அவ்வாறு வருபவர்களை, மரம் எப்படி மனம் கோணாமல் வௌவாலுக்கு பழங்களைத் தருகிறதோ அதுபோல அவர்கள் விரும்பும் பலவற்றையும் தந்து மனம் கோணாத உறவாக உறவினர்களை அமைத்துக் கொள்ளவேண்டும்.

அமுதம் போன்ற பாலைத் தன் கன்றுகளுக்குத் தரும் பசுக்களைப் போல உறவினர்களைப் பாதுகாக்க வேண்டும் என்று ஔவையார் குறிப்பிடுகிறார். கன்றுகுட்டியை ஈன்ற பசுவானது தன் கன்றுக்குட்டியைப் பார்த்த உடனேயே பாலை சுரந்து தர ஆரம்பித்துவிடும். அதுபோல உறவினர்களைப் பார்த்தவுடனேயே அவர்களை மதிக்கும் வகையில் பற்பல பொருள்களை, பலவகை உணவுகளைத் தந்து உபசரிக்க வேண்டும். இந்த உபசரிப்பில் மகிழ்ந்து நம்மோடு இருக்கும் உறவினை உறவினர்கள் மேம்படுத்திக் கொள்வார்கள்.



ஆனால் சில நேரங்கள் உறவினர்களைக் கண்டதும், அவர்களின் குறைகளே கண்களுக்குத் தெரியும். அக்குறைகளை அவர்கள் வந்த காலத்தில் மேலும் பேசி குறைகளை வலியுறுத்தினால் அது அன்பினைப் பாதிப்படையச் செய்துவிடும். உறவினர்கள் எதிரிகளாகி விடுவார்கள்.

குறைகள் இருந்தால் மறந்துவிட்டு உறவினர்களுக்குப் பலவற்றையும் வழங்கினால் அதுவே உறவைப் பலப்படுத்தும் என்பது ஔவையாரின் சிந்தனையாகும்.

பொருளை அடிப்படையாக வைத்து இயங்கும் உலகம் இது. எனவே உறவுகளை மேம்படுத்திக் கொள்ள பொருளைச் செலவழிக்க வேண்டியுள்ளது. பொருளைக் கொடுத்து அன்பைப் பெருக்கும் பாச விளையாட்டு உறவினர்களைப் பேணும் விளையாட்டு ஆகும்.



இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/serial/p7f.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)

வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License