நள்ளிரவில் தூக்கத்தினிடையே ஒரு சிலரிடமிருந்து தகரத்தை இயந்திர ரம்பம் அறுப்பது போன்றதொரு சப்தம் கேட்கக்கூடும். அந்த ஒலி, பற்களிலிருந்து எழும்பும் நறநறப்பு ஒலிதான். இந்தப் பல் நறநறப்பை ஆங்கிலத்தில் ‘Bruxism’ என்கின்றனர். தூங்கும்போது பற்களை நறநறவென்று கடித்தால், அது ‘Sleep Bruxism’ ஆகும். விழித்திருக்கும் போது, பற்களை நறநறவென்று கடித்தால், அது Wake Bruxism ஆகும். தொடர்ந்து இப்படி பற்கள் நறநறவென்று கடித்துக் கொண்டிருந்தால் கூடிய விரைவில் அவர்களுக்கு தாடை வலி, தலைவலி மற்றும் பற்கள் சிதைவு போன்றவை ஏற்படும்.

எப்போதாவது, பற்களை நறநறவென்று கடித்தால், அதைப் பெரிதுபடுத்தாமல் சாதாரணமாக விட்டுவிடலாம். பற்களின் நறநறவென்று கடிப்பது தொடர்ந்தால், நம்முடைய வாழ்க்கை முறையை மாற்ற வேண்டும், மன அழுத்தத்தைக் குறைக்க வேண்டும், வாய் பாதுகாப்பி போன்ற பல் துணைக் கருவிகளைத் தூங்கும் போது வாயில் பொருத்திக் கொள்ள வேண்டும்.

இப்படி, குழந்தைகள் தூக்கத்திலோ, விழிப்பிலோ பற்களை நறநறவென்று கடித்தால் வீட்டிலுள்ள பெரியவர்கள், ‘குழந்தைக்கு வயிறிலேப் பூச்சி. வேப்பிலையை அரைத்து ஒரு உருண்டையை ஊட்டு’ என்று சொல்வதுண்டு. ஆனால், ‘இந்தக் கூற்றில் உண்மையில்லை, வயிற்றில் பூச்சிகள் இருந்தால் குழந்தைகள் பற்களை நறநறவென்று கடிக்கும் என்பது ஒரு பொய், இது ஒரு புனைவு’ என்று சிலர் சொல்வதுண்டு. ஆனால் உண்மையில், குழந்தைகளின் வயிற்றில் முள்புழு மற்றும் குடல் ஒட்டுண்ணிகள் இருந்தால், அக்குழந்தைகள் பல்லை நறநறவென்று கடிக்கக் கூடும்.

பெருங்குடலில் வெள்ளை நிறத்தில் 3 -10 மில்லி மீட்டர் நீளம் எனும் அளவிலிருக்கும் இப்புழுக்களால் பாதிக்கப்பட்ட குழந்தைகள், பல்லை நற்நறவென்று கடித்துக் கொண்டிருக்கும். மேலும் இந்தக் குழந்தைகளுக்குக் கீழ்க்கண்ட அறிகுறிகள் இருக்கும்.

* சரிவர தூக்கமின்மை

* இரவில் பற்களை நறநறத்தல்.

* குதத்தில் அரிப்பு

* எரிச்சலான நடத்தை

* மலத்தில் சிறு வெள்ளைப்புழுக்கள்

கிரேக்கப் பெண் கடவுள் “பிரபஞ்ச வெளியின் பேரழகாய் முழுமதியெனும் முகத்தின் முத்தாய்ப்பாய் முத்து பரல்களாய் உன் தெற்றுப்பற்கள் மனம் கிறங்கிப் போகிறதடி என் கிரேக்கப் பெண் கடவுள் அப்ரோடைட்டே” - மறையூர் தங்க கருணாகரன்

ஒரு குழந்தை குடல் புழுக்களால் பாதிக்கப்பட்டிருக்கிறதா இல்லையா என்பதனை மலப்பரிசோதனை மூலம் உறுதி செய்யலாம்.

மலத்தில் புழுக்களும் புழுக்கள் இட்ட முட்டைகளும் காணப்படும். அப்படி புழுக்கள் இருப்பது உறுதி செய்யப்பட்டால் குழந்தைகள் மருத்துவர் கீழ்க்கண்ட மருந்துகளைப் பரிந்துரைக்கக் கூடும்.

* அல்பென்டாஸோல்

* ஐவர்மெக்டின்

* மெட்ரோனிடாஸோல்

* பிராஸிகுவான்டெல்

* டினிடாஸோல்

பற்கள் நறநறப்பில் இருந்து தப்பிக்க சுயசுத்தம் தேவை. சுத்தமான உணவு நீர் உட்கொள்ள வேண்டும். சரிவிகித உணவு அவசியம். சுற்றுப்புறத் தூய்மை தேவை. சிறு குழந்தைகள் பற்களை நறநறவென்று கடிக்க வேறு காரணங்களும் உள்ளன. அவை;

* தாடைகளில் ஒழுங்கீனம்.

* பற்கள் புதிதாய் முளைக்கும் போது, குழந்தைகள் பற்களை நறநறவென்று கடிக்கக் கூடும்.

* சைனஸ், காது வலி இருந்தால் குழந்தைகள் ற்களை நறநறவென்று கடிப்பர்.

* மன அழுத்தம் நறநறப்பைக் கூட்டும்.

* ஆட்டிஸம் உள்ள குழந்தைகள் பற்களை நறநறவென்று கடிக்கும்.


குழந்தைகளுக்கான பல் மருத்துவர், பற்களை நறநறவென்று கடிக்கும் குழந்தையை, தாடையை ஒழுங்குபடுத்துவதற்காகப் பல் சீரமைப்பு மருத்துவரிடம் அனுப்பி வைப்பார். குழந்தைகளிடமிருக்கும் மன அழுத்தத்தை, பதட்டத்தைக் குறைக்கும் பயிற்சிகளும் பற்களை நறநறவென்று கடிக்கும் குழந்தைகளுக்கு அளிக்கப்படும்.

பற்கள் நறநறவென்று கடிப்பதற்கு உடல் மூலமாக, மனம் மூலமாக, மரபியல் மூலமாக என்று சில காரணங்களும் இணைந்திருக்கும்.

* உடனிருக்கும் மனிதர்களுடன் சின்னச் சின்னப் பிரச்சனைகளுக்குச் சண்டையிடுபவர் பற்களை நறநறவென்று கடிக்கக் கூடும்.

* அதீத பரபரப்பான (Hyperactive) ஆளுமைகள் பற்களை நறநறவென்று கடிக்கக் கூடும்.

* மனைஉளைச்சல் சீர்கேடு (Post Traumatic Stress Disorder – PTSD) உள்ளோருக்கு பற்கள் நறநறப்பு ஒரு வடிகால்.

* போர், இயற்கைப் பேரழிவுகள், பாலியல் வன்கொடுமை, சாலை விபத்துகள் அல்லது உயிருக்கு ஆபத்தான பிற நிகழ்வுகள் பற்களை நறநறவென்று கடிக்க வைக்கின்றன.

* அதிர்ச்சிகரமான நிகழ்வுகளை மீண்டும் மீண்டும் அசை போடுதல் பற்கள் நறநறவென்று கடிப்பர்.

* மனச்சோர்வுக்காக, காபி, தேநீர், மதுபானம் அருந்துவோர், புகையிலை பயன்படுத்துவோர் பற்களை நறநறவென்று கடிப்பர்.

* சில நோய்களுக்கு மருந்துகளை உட்கொள்வோர் பற்களை நறநறவென்று கடிக்கக் கூடும்.

* தவறான முறையில் செயற்கைப் பல் பொருத்தி இருப்போர் பற்களை நறநறவென்று கடிப்பர்.

* தூக்கத்தில் மூச்சுத்திணறல் (Sleep apnea) இருந்தால், பற்களை நறநறவென்று கடிப்பர்.

* பார்கின்ஸன் நோய், டிமென்சியா, அமில எதுக்கலிப்பு, காக்காய் வலிப்பு உள்ளோர் பற்களை நறநறவென்று கடிப்பர்.

* விட்டமின் டி மற்றும் சி குறைபாடு உள்ளோர் பற்களை நறநறவென்று கடிப்பர்.

பொதுவாக, தூக்கத்தில் பற்கள் நறநறவென்று கடிப்பது நான்கு வயதில் ஆரம்பித்து 10 லிருந்து 14 வயது வரை உச்சம் பெறும். பெரியவர்கள் விழித்தபடி பற்களை நறநறவென்று கடிக்கக்கூடும்.

விட்டமின் பி 5 நமது மனநிலையை அமைதிப்படுத்தி, பற்களை நறநறவென்று கடிப்பதைப் போக்கும்.

மவுத்கார்டு பயன்படுத்தல் முத்துப்பாண்டி, கடையநல்லூர் பற்கள் நறநறவென்று கடிப்பதைத் தடுக்க மவுத் கார்டு போடலாம் என்கிறார்களே, அது எங்கே கிடைக்கும்? என்ன விலை இருக்கும்? அதனைப் பயன்படுத்துவதால் வேறு பக்க விளைவுகள் வருமா? மருத்துவர்கள் ஆ. நிலாமகன் மற்றும் பஹிமா: மவுத் கார்டுகள் பல்வேறு நிறுவனத் தயாரிப்புகளில் கிடைக்கின்றன. 200 ரூபாயிலிருந்து 6000 ரூபாய் வரையிலான விலைகளி இணைய வணிகத் தளங்களில் கிடைக்கின்றன. எச்சில் ஒழுகுதல், பல் வலி, எரிச்சல், ஒவ்வாமை, சுவாசத்தில் சிரமம், ஈறுதேய்வு போன்ற பக்கவிளைவுகள் மவுத்கார்டு பயன்படுத்தலில் வரும் வாய்ப்பு இருக்கிறது. மவுத் கார்டு பயன்படுத்துவதற்கு முன்பாகச் சிறந்த பல் மருத்துவரின் ஆலோசனையைப் பெறுவது சிறந்தது. நல்லது.

பற்கள் நறநறவென்று கடிப்பதைக் குறைக்க உணவில் என்னென்ன மாற்றங்கள் தேவை?

* சுவிங்கம் சுவைப்பதை விட வேண்டும்.

* மிட்டாய்கள் சாப்பிடுவதை விட வேண்டும்.

* பாப்கார்ன் சாப்பிடுதல் கூடாது.

* கடினமான பருப்புகள் மற்றும் கொட்டைகள் சாப்பிடுதல் கூடாது.

இரும்புச் சத்து குறைபாடும், தசைகள் ஒழுங்கீனமும் பற்களை நறநறவென்று கடிப்பதற்கு ஒரு காரணமாய் இருக்கிறது. இதே போன்று, கால்சியம் குறைபாடும் பற்களை நறநறவென்று கடிப்பதற்கான காரணமாக அமைகிறது. பற்கள் நறநறவென்று கடிப்பது ஒரு நரம்பியல் குறைபாடே. பற்கள் நறநறவென்று கடிப்பது முகத்துக்கு ஒரு வயோதிகத் தோற்றத்தைக் கொடுக்கும். யோகா, தியானப் பயிற்சிகள் பற்கள் நறநறவென்று கடிப்பதைப் போக்கும்.

ஒரு பல் மருத்துவர், நோயாளியின் வாயைப் பரிசோதித்து அவர்கள் பற்களை நறநறவென்று கடிப்பவரா? என உறுதியாகக் கூற முடியும். மேலடுக்கு மையப்பல்லும் பக்கவாட்டுக் கீறல் பல்லும் பற்களை நறநறவென்று கடிப்பதில் அதிகம் பாதிக்கப்படுகின்றன. எனவே, பற்கள் நறநறவென்று கடிப்பதை நிறுத்துவதற்குத் தகுந்த பல் மருத்துவரை அணுகுவதே சிறந்தது.

(தொடரும்...)

*****

இது முத்துக்கமலம் இணைய இதழின் படைப்பு.