ஒரு லேசர்கற்றை இரண்டாகப் பிரிக்கப்படுகிறது. ஒரு பொருள் கற்றை (பொருளைப் பிரதிபலிக்கிறது) மற்றும் ஒரு குறிப்புக்கற்றை (நேரடி). இந்த இரு கற்றைகளும் குறுக்கிட்டூ வடிவம் ஒரு ஊடகத்தில் பதிவு செய்யப்படுகிறது.

பதிவு செய்யப்பட்ட முழுவுரு (Hologram) வழியாக ஒரு ஒளி மூலத்தை (பெரும்பாலும் லேசரை) பிரகாசிக்கச் செய்யும் போது முப்பரிமாணபடம் வெளிப்படுகிறது.

1. காட்சி முழுவுருவவியல் காட்சி முப்பரிமாணப் படங்களை உருவாக்குகிறது.

2. எண்ணிம முழுவுருவவியல் (Digital Holography) - குறுக்கீடு வடிவத்தைப் பதிவு செய்ய அல்லது கணக்கிட உணரிகள் (Sensors) மற்றம் கணினிகள் பயன்படுத்தப்படுகின்றன.

கணக்கு அட்டைகள், வங்கிக் குறிப்புகள் பாதுகாப்பு, தரவு சேமிப்பு, நுண்ணோக்கி மற்றும் நோய் நிலைக் குறைப்பு (Medical Imaging)

1948 ஆம் ஆண்டில் டென்னிஸ் கபோரால் முழுவுருவவியல் கண்டுபிடிக்கப்பட்டது. அதற்காக அவருக்கு 1971 ஆம் ஆண்டுக்கான இயற்பியல் துறைக்கான நோபல்பரிசு வழங்கப் பெற்றது.

மின்னணு ஒளிக்கற்றைகள் வைத்து அவர் மின்நுண்ணோக்கியின் தரத்தை மேம்படுத்தினார்.

1970 ஆம் ஆண்டில் வேலேரி தாமஸ் என்கிற பெண் விஞ்ஞானி தத்ரூபமான முப்பரிமாண முழுவுருக்களைக் கண்டுபிடித்தார். அவரது கண்டுபிடிப்பை ‘மாயையைக் கடத்தும் கருவி’ என அழைத்தனர். அதன் காப்புரிமையை அவர் 1980 ஆம் ஆண்டி பெற்றார்.

சீரொளிக் (Laser) கற்றைகளில் பல வகைகள் உண்டு. அதில் இரண்டு முக்கியமான வகை சீரொளிகள் உள்ளன. அவை;

1.தொடர்ச்சியான அலை சீரொளி (Continuous Wave Laser)

2. துடிப்புள்ள சீரொளி (Pulsed Laser)

தொடர்ச்சியான அலை சீரொளி ஒளிமயமான தொடர்ச்சியான ஒற்றைக்கற்றையைக் கக்குகிறது. துடிப்புள்ள சீரொளி தீவிரமானது.

பத்துக்கோடியில் ஒரு பங்கு நொடியே நிலைக்கக் கூடியது. ஒளிப்படம் எடுப்பவரை போட்டோகிராபர் என்பது போல முழுவுருவவியல் எடுப்பவரை ஹாலோகிராபர் என்கின்றனர். தொட்டு பார்க்கக்கூடிய முழுவுருக்கள் தற்சமயம் பயன்பாட்டிலிருக்கின்றன.

ஏழு பரிமாண முழுவுருவவியல் விண்வெளி ஆராய்ச்சியில் பயன்படுகிறது. செயற்கை நுண்ணறிவு முழுவுருக்களும் இப்போது பயன்பாட்டுக்கு வந்து விட்டன. இவ்வளவு விரிவாக முழுவுருவவியல் பற்றி ஏன் குறிப்பிடுகிறேன் தெரியுமா?

முழுவுருவவியல் தொழில்நுட்பம் நவீனப் பல் மருத்துவத்தில் பயன்படுகிறது. குறிப்பாக;

* உயர்துல்லியம்

* தொடர்பு இல்லாத அளவீடு

* நோயறிதலுக்கான அழிவில்லாத முப்பரிமாண நோய் நிலைக் குறைப்பை வழங்குகிறது.

* பற்சீரமைப்புப் பகுப்பாய்வு

* செயற்கைப் பல்லியல் திரிபு மதிப்பீடு

* உள்வைப்பு அறுவைச் சிகிச்சையில் மெய்நிகர் உள்ளடக்கத்தை (AR) கணிசமாக மேம்படுத்துகிறது.

* முழுவுருவவியல் பல்வார்ப்புகளின் எண்ணிமச் சேமிப்பை எளிதாக்குகிறது.

* உடல் சேமிப்புச் செலவுகளைக் குறைக்கிறது.

* மேம்பட்ட நோயாளிக் கல்விக்கான யதார்த்தமான முப்பரிமாண காட்சிப்படுத்தலைச் செயல்படுத்துகிறது.

* எண்ணிம ஆய்வு மாதிரிகள் காப்பகம் - முழுவுருக்கள் பல் வார்ப்புகளுக்கு முப்பரிமாணப் பதிவு செய்யக்கூடிய மற்றும் சேமிக்கக் கூடிய வடிவமைப்பை வழங்குகின்றன. இது இயற்பியல் சேமிப்பு இடத்தின் தேவையைக் குறைக்கிறது.

* பல் மருத்துவம் மற்றும் பல் இயக்கம் - இது பல் அசைவைப் பகுப்பாய்வு செய்யவும், சுழற்சி மையங்களைத் தீர்மானிக்கவும் தாடை எலும்புகளில் ஏற்படும் சிதைவை ஆய்வு செய்யவும் குறிப்பாக அழுத்தத்தின் கீழ் பல்லைச் சுற்றிய தசை நார்களைக் கண்காணிக்கவும் பயன்படுகிறது.

முழுவுருவவியல் குறுக்கீட்டு விளைவளவியல் (Holography Interoferometry) பல் மருத்துவச் சாதனங்களில் உள்ள சிதைவு மற்றும் பற்ற வைக்கப்பட்ட தங்க மூட்டுகளில் உள்ள திரிபு ஆகியவற்றைத் துல்லியமாக அளவிட அனுமதிக்கிறது.

* அளவீடு மற்றும் நோயறிதல்

விளிம்பு படமிடல் (Mapping) போன்ற நுட்பங்கள் மறைப்பு மேற்பரப்புத் தேய்மானத்தை அளவிட முழுவுருவவியல் பயன்படுகிறது. பல் இயக்கத்தை அளவிடவும் முழுவுருவவியல் உதவுகிறது.

* ஆராய்ச்சி மற்றும் பயிற்சி

இது பல் கட்டமைப்புகளை படிப்பதற்கான ஒரு கருவியை வழங்குகிறது மற்றும் உடற்கூறியல் மற்றும் மறுசீரமைப்பு பல் மருத்துவத்தை கற்பிப்பதற்கான முப்பரிமானப் பயிற்சி உதவிகளை வழங்குகிறது.

* எதிர்காலப் போக்குகள்

மிகை மெய்மம் (Augment Reality) மற்றும் முப்பரிமாணத் தரவுகளுடன் ஒருங்கிணைப்பு. உட்புறப் பல் கட்டமைப்புகளின் முழுவுருவவியல் காட்சிப்படுத்தல் மற்றும் நோயாளி சார்ந்த ஊடாடும் சிகிச்சைத் திட்டமிடலைச் செயல்படுத்துகிறது.

* உயர்துல்லியம்

அழிவில்லாத முப்பரிமாணக் காட்சிப்படுத்தல் மேம்படுத்தப்பட்ட நோயறிதல் திறன் பதிவுகளை எளிதாகவும் நீண்டகாலச் சேமிப்பாகவும் சேமித்தல்

* வரம்புகள்

சில பகுதிகளில் மோசமான தரம் (எடுத்துக்காட்டு வெட்டுப்பகுதி) மற்றும் தரவுகளுக்கான குறிப்பிடதக்க உயர்தெளிவுத்திறன் சேமிப்பின் தேவை.

இது காட்சிப்படுத்தல் மற்றும் பகுப்பாய்வில் பல முன்னேற்றங்களை வழங்கினாலும் வழக்கமான அன்றாட மருத்துவ நடைமுறைகளில் (பாரம்பரிய பிளாஸ்டர் மாதிரிகள்) முழுமையான மாற்றமில்லை.

முழுவுருவவியல் பற்சீரமைப்பு இயலில் மிகப்பெரிய பங்கு வகிக்கிறது.

பற்சீரமைப்பு பகுப்பாய்வு, சிகிச்சைத் திட்டம், நோயாளிகளுக்கான கல்வி மற்றும் மருத்துவ ஆவணங்களில் முழுவுருவவியல் கோலோச்சுகிறது.

முழுவுருவவியல் தீவிர ஆராய்ச்சிகளின் விளைவால் எதிர்காலத்தில் மிகச் சிறப்பாக நிற்கும். நோயாளியின் கையைக் கடிக்காத கட்டணம், நோயாளிகளுக்கும் தொழில்நுட்பத்துக்கும் இடையே ஆன நல்லுறவு எதிர்காலத்தில் கட்டாயத் தேவை.

(தொடரும்...)

*****

இது முத்துக்கமலம் இணைய இதழின் படைப்பு.