அடர் மரம் தாண்டி
தரை தீண்டிய ஒளிக்கீற்றை
கூடுகட்டும் குச்சிகளெனக் கொத்தித்
தோற்ற குருவிகள் - இன்று
குச்சிகளைத் தேடுவதில்லை
மரங்களைத் தேடுகின்றன...
ரோடுகளான காடுகளில்
மரங்களெல்லாம் வீடுகளாக - மிஞ்சுவது
சில போன்சாய் மரங்களே...
மரந்தேடிய பறவைகளுக்கு மனிதம்
தந்த கருணைப் பரிசு
செயற்கைக் கூடுகள்...
பறவைகளோ அக்கூடுகளை மரங்களாக்கி
உள்ளே மீண்டும் வீடுகளை உருவாக்க...
உறை (ரை)ப்பது ஒன்றுதான்.
"காடுகளை விட்டு வையுங்கள்
கூடுகளை நாங்கள் பார்த்துக் கொள்கிறோம்..."

இது முத்துக்கமலம் இணைய இதழின் படைப்பு.