இன்று மேதினம்
தோழிலாளர்கள் தினம்
உழைப்பவர்கள்
உழைத்தால் வேண்டாம்
என்றா சொல்வோம்
சந்தோசமாக அனுமதிப்போம்….
அனுமதிக்கக் கூடாது
அறியாத பருவத்தில்
பிஞ்சுக் கைகளால்
பெரியவர்களுக்குச் சமமாக
உழைக்கும்
குழந்தைத் தொழிலாளர்களை
அனுமதிக்கக் கூடாது …
படித்துப் பட்டம்
வாங்க வேண்டிய
கைகளில்
மூட்டைகளைச் சுமக்கும்
சிறுவர்களையும்
பேரிங்கைக் கைகளில்
ஏந்தி நிற்கும்
சிறுவர்களையும் தான்
இன்றுவரை நாம்
பார்த்துக் கொண்டுதான்
இருக்கிறோம் …
இந்தப் பருவம்
அவர்களின் வாழ்க்கையில்
வசந்தம் வீச வேண்டிய
பருவம் …
வசந்த காலத்தில்
பூத்துக் குலுங்க வேண்டிய
அவர்கள் காய்ந்து கருகி
உதிர்ந்து விடும் நிலையில்
தள்ளப்படுகின்றனர்...
நாட்டின் எதிர்காலமும்
வளமும் இளைஞர்கள்
கையில்தான் இருக்கின்றது
என்பதை மனதில் கொண்டு
“குழந்தைத் தொழிலாளர்களை”
பள்ளிக்கு அனுப்புவோம்
அவர்கள் எதிர்காலம்
வளம் பெற பாடுபடுவோம்”

இது முத்துக்கமலம் இணைய இதழின் படைப்பு.