செவ்வாய் நவக்கிரகங்களில் ஒன்று. இது அங்காரகன், அரத்தன், அழலோன், அழல், அறிவன், ஆரல், உதிரன், குசன், குருதி, செந்தீவண்ணன், சேய், நிலமகன், பௌமன், மங்கலன், வக்கிரன் எனப்பெறும். ஒரு கிரகம், ஒரு நாள். செவ்வாய் கிழமை. ஓர் கிரகம், ஓர் நாள்.

1.அங்காரனைக் காண்க.

2.இது சூரியனுக்கு நான்காவது வட்டத்தில் நின்று சூரியனைச் சுற்றி வருகிறது. இது 14 கோடியே, 10 இலட்சம் மைல் தூரத்திற்கு அப்பாலிருந்து சூரியனைச் சுற்றி வருகிறது. இது 24 மணி, 37 நிமிடம், 23 விநாடியில் தன்னைத் தானே ஒரு தரஞ் சுற்றி வருகிறது. இது 687.9 நாட்களில் சூரியனை ஒரு முறை சுற்றி வருகிறது. இதன் குறுக்களவு 4230 மைல், இதற்கிரண்டு உபகிரகங்கள் உண்டு, இது தோற்றத்தில் சிறு நட்சத்திரம் போலக் காணப்படுகிறது. இதனைச் சோதனை செய்ததில் பல வேறுபாடுகள் காணப்படுகின்றன என்பர். இதில் பூமியும், சமுத்திரங்களும், ஆறுகளும், கால்வாய்களும், நாகரிக வேலைப்பாடுகளாகக் காணப்படுதலால் இது நமது பூமியைப் போல் மனிதர் வசிக்கும் இடம் என்று எண்ணப்படுகிறது. இது செந்நிறம் உடையது. இந்துக்கள் இதைப் பூமி புத்ரன் என்பதற்கு இது ஒரு அத்தாட்சி. இது செந்நிறமாய்க் காணப்படுதலால் செவ்வாய் எனப்படும். இதனை அங்காரகன், குஜன் என்பர். இது சுக்ரனுக்கு அருகில் இருப்பது.

செவ்வாய் காரகம் - சகோதரம், சிறந்த போர், பூமி, பித்தரோகம், பராக்கிரமும் ஆகும்.


செவ்வாயின் பெயர்

அங்காரகன், அரத்தன், அழலோன், அழல், அரிவன், ஆரல், உதிரன், குசன், குருதி, செந்தீவண்ணன், சேய், நிலமகன், பௌமன், மங்கலன், வக்கிரன் ஆக 15 இன்னமும் உள.

பூமகன் - செவ்வாய், ஒரு நட்சத்திரம். அது நிறம் பேதித்துத் தோன்றின் நோய் கலக முதலிய உற்பாதங்கள் தோன்றுமாம். ஒரு கிரகம். இது பல நிறம்படத் தோன்றின் பூமிக்குத் தீமை விளைவிப்பது. பூமகன், பூமன், பூமிகாரகன் - செவ்வாய்.

பூமி