Welcome to Muthukamalam Tamil Web Magazine...! முத்துக்கமலம் இணைய இதழ் தங்களை அன்புடன் வரவேற்கிறது...!
                1-6-2006 முதல் இணையத்தில் ஒரு இலக்கியப் படைப்பு! இது தமிழ் ஆர்வலர்களின் இலக்கியத் துடிப்பு!!            ISSN  2454-1990
muthukamalam muthukamalam
உங்கள் படைப்புகளை ஒருங்குறி எழுத்துருவில் (Unicode Font)தட்டச்சு செய்து msmuthukamalam@gmail.com எனும் மின்னஞ்சலுக்கு அனுப்பி வைக்கலாம் - ஆசிரியர்.

முத்து: 14 கமலம்: 11
உள்ளடக்கம்

சமையல்

Alexa Rank


பார்வையாளர்கள்
(04-12-2008 முதல்)


கட்டுரைத் தொடர்
கட்டுரைத் தொடர்

பண்பாட்டு நோக்கில் பழமொழிகள்

முனைவர் சி. சேதுராமன்


2. களவு

ஒருவரது பொருளை அவரும், பிறரும் அறியாமல் தன்னுடையதாக ஆக்கிக் கொள்வதனைக் களவு என்று குறிப்பிடலாம். இதனைத் திருடுதல், கன்னக்கோல் வைப்பது, கன்னமிடுவது, வரண்டுவது, அபகரிப்பது என்று வழக்கில் வழங்குவர். இக்களவு பழங்காலத்தில் இருந்து இன்றுவரை தொடர்ந்து விதவிதமாக நடந்து கொண்டே வருவது குறிப்பிடத்தக்கது.

பொருளில்லா நிலையில், வாழ்வதற்குரிய ஆதாரமில்லா நிலையில் பொருளையோ, தேவையானவற்றையோ திருடுவது நிகழ்கின்றது. முற்காலத்தில் வறுமையிலிருந்து துன்புற்றோர் அதிலிருந்து தம்மைக் காப்பாற்றிக் கொள்ளத் திருடினர். இக்களவு, களவு செய்வோர் ஆகியோரைப் பற்றிய, பழமொழிகள் மக்களிடையே வழங்கப்பட்டு வருகின்றன.

களவு

களவினை திருட்டு என்று கூறுவது போல் களவு செய்பவனைத் திருடன், கள்வன், கள்ளன், என்று குறிப்பிடுவர். பேச்சு வழக்கில் திருடுபவனை களவாணி, மொள்ளமாறி, முடிச்சவிக்கி, சேப்பு மாறி, திருட்டுப்பயல் என்று பல்வேறுவிதமாக அழைக்கின்றனர். இக்கள்வரை இலக்கியங்கள் ஆறலைக் கள்வர், ஆறலைத்து உண்போர், வழிப்பறி செய்துண்போர் என்று குறிப்பிடுகின்றன.



ஆய கலைகள் அறுபத்து நான்கனுள் களவும் ஒன்று என்று குறிப்பிடுவர். இதனைக் கற்று மறந்துவிட வேண்டும். அதனைக் கைக்கொண்டு வாழ்தல் கூடாது. இதனை,

‘‘களவும் கற்று மற’’

என்ற பழமொழி குறிப்பிடுகின்றது. இதற்குப் பல்வேறு விதங்களில் விளக்கம் கூறுவர்.

சிலர் இக்களவினை அக இலக்கண மரபுக்குள் கொண்டு சென்று களக் காலத்தில் நிகழ்ந்த நிகழ்வுகளை (தலைவியைக் காதலித்தபோது) கற்புக் காலத்தில் (திருமணம் ஆன பின்னர்) மறந்துவிட வேண்டும். இதனையே, ‘‘களவும் கற்று மற’’ என்ற பழமொழி எடுத்துரைக்கின்றது என்பர்.

களவு என்பது தலைவனும், தலைவியும் தங்களது உள்ளத்தைத் தங்களுள் யாரொருவரும் அறியாது கவர்ந்து கொள்ளுதலைக் குறிக்கும் என்பர். இவ்விளக்கம் இப்பழமொழிக்குப் பொருத்தமாக அமையவில்லை என்பது நோக்கத்தக்கது. ஏனெனில் களவு என்பதனைப் பிறர் அறியாது கவரும் கலை எனக் கொண்டு இப்பழமொழிக்குப் பொருள் கொள்வதே மிகவும் பொருத்தமானதாக அமையும்.

களவு செய்பவனும் உறவும்

களவு செய்பவனை, களவானி, கள்ளன், கள்வன் என்று பழமொழிகள் குறிப்பிடுவது நோக்கத்தக்கது. இவ்வாறு களவு செய்து வாழ்பவருடன் உறவு வைத்துக் கொள்ளுதல் கூடாது. அவ்வாறு உறவு வைத்துக் கொண்டால் பல துன்பங்களுக்கு ஆளாக நேரிடும். களவானியுடன் நட்பு வைத்தவனையும் உலகோர் களவானி என்றே கருதுவர். கள்வனுடன் நட்புறவு கொண்டால் அவரது பழக்கம் நட்புக் கொண்டவரையும் பற்றிக் கொள்ளும்.அதனால்தான் மக்களிடையே,



‘‘பன்றியோட சேர்ந்த கன்றும் பீ தின்னும்’’

என்ற பழமொழி வழங்கப்பட்டு வருகின்றது.

பன்றியின் குணம் வேறு. பசுங்கன்றின் குணம் வேறு. ஆனால் பன்றியுடன் நட்புக் கொண்ட பசுங்கன்றும் புல்லைத் தின்னாது பன்றியைப் பின்பற்றி மலத்தையே தின்னும். பன்றியின் குணம் கன்றுக்கும் தொற்றிக் கொள்ளும். அதுபோன்றே களவு என்ற தீய பழக்கமுடையவருடன் நட்புக் கொள்ளும் நல்லவரும் அவரது இயல்பில் மாறி களவு செய்வோரின் குணத்திற்கு மாறிவிடுவர். அதனால் அவருடன் நட்புக் கொள்ளக் கூடாது என்பதனை இப்பழமொழி தெளிவுறுத்துகின்றது.

கள்வருடைய உறவு நிலைத்து நிற்காது. குறுகிய காலம்வரைதான் நீடிக்கும். வாழ்நாள் முழுதும் நீடிக்காது. இதனை உணர்ந்து நடந்து கொள்ள வேண்டும் என்ற வாழ்வியலறத்தை,

‘‘கள்ளன் உறவு காடுமறையற வரைக்கும்’’

என்ற பழமொழி வாயிலாக நமது முன்னோர்கள் தெளிவுறுத்துகின்றனர்.

யாருமற்ற காடு கள்வருடைய உறைவிடம்.

கள்வர் குணம்

கள்வர் யாருடைய பொருளையாவது திருட வேண்டும் என்ற எண்ணங் கொண்டவர், உற்றார் உறவினர் என்று அவர்கள் பாரார் பிறர் பொருளை அபகரிப்பதே அவர்களது நோக்கமாக இருக்கும். மேலும் அவர்களது குணம் எப்போதும் மாறாது. எப்படித்தான் அவர்கள் வாழ்ந்தாலும், அவர்கள் பிறர் பொருளைக் கவர்வதிலேயே குறியாக இருப்பர் இதனை,

‘‘களவாணிக்குப் போகுமா திருட்டுப்புத்தி’’

என்ற பழமொழி குறிப்பிடுகின்றது.



திருட்டுக் குணம் உள்ளவர் எப்போதும் எதையாவது திருடிக் கொண்டே இருப்பர். அவர்களுடன் சேர்ந்து குடியிருக்க முடியாது. ஏனெனில் அவர்கள் பொருளைத் திருடிக் கொண்டே இருப்பதால் அவர்களுடன் சண்டை சச்சரவு ஏற்பட்டுக் கொண்டே இருக்கும் என்பதை,

‘‘அவுசாரியோட(பரத்தை)குடியிருக்கலாம்,
களவாணியோட குடியிருக்க முடியுமா?’’

என்ற பழமொழி விளக்குகின்றது.

தவறான ஒழுக்கமுடையவளுடன் (அவுசாரி) சேர்ந்து குடியிருக்கலாம். அவர்களிடம் குறைந்த அளவு நியாயம் இருக்கும். ஆனால் கள்வர்களிடம் அதுகூட இருக்காது. அவர்கள் பிறரது வீட்டில் உள்ளவற்றைக் கவர்வதிலேயே கண்ணுங் கருத்துமாக இருப்பர். அதனாலேயே அவர்கள் குடியிருக்கும் இடத்தில் சேர்ந்து குடி இருக்க முடியாது. மேலும் இவர்கள் வெளியில் சென்று பிறரது வீட்டில் திருடிவிட்டு வந்து விட்டால் களவாணியுடன் சேர்ந்து இருப்போரையும் காவல் துறையினர் அழைத்துச் சென்று விசாரணை செய்வர். இதனைக் கருத்தில் கொண்டே இப்பழமொழி வழக்கத்தில் வழங்கப்பட்டு வருகின்றது.

நடத்தை கெட்ட பெண்ணைத் திருத்தி நல்லவளாக மாற்றலாம். ஆனால் களவு செய்வோரைத் திருத்தலாம் எனினும் அவர்களது இயல்பை மாற்ற முடியாது என்ற கருத்தையும் இப்பழமொழி நமக்குத் தெளிவுறுத்துவது நோக்கத்தக்கது.

நம்பிக்கை

அருகில் ஒரே இடத்தில் சேர்ந்து வாழ்வோர் ஒருவரை ஒருவர் நம்பி வாழ வேண்டும். பிறரை வாழ்க்கையில் ஏதாவது ஒரு வகையில் நம்பி வாழ வேண்டிய சூழலில் நாம் வாழ்ந்து கொண்டிருக்கின்றோம். ஆனால் சிலர் யார் மீதும் நம்பிக்கை கொள்ள மாட்டார்கள். அவர்கள் தங்களைத் தாங்களே நம்பாமல் இருப்பர். அதிலும் திருடும் குணமுள்ளவர்கள் தங்களைப் போல மற்றவர்களையும் திருடர்களாகவே கருதிப் பார்ப்பர். மற்றவர்களை நல்லவர்கள் என நம்ப மாட்டார்கள். இதனை,

‘‘தான் திருடி பிறரை நம்பாது’’

என்ற பழமொழி எடுத்துரைகின்றது.



கள்வனும் காப்பானும்

பொருள்களைத் திருடுவோர், பொருள் உடையோர் இவர்களுள் யார் பெரியவர். அதாவது திறமையானவர் எனில் கள்வரே எனலாம். பொருள் உடையவன் எத்தகைய திறப்பாட்டுடன் உடைமைகளைக் காத்தாலும், அதைக் கவர நினைக்கும் கள்வர்கள் தங்களது திறமையால் அவர்களது உடைமைகளைக் கைப்பற்றுவார்கள். கள்வர்களின் இத்தகைய திறமையான செயலை,

‘‘ஈரக்குலைக்குள்ளே வைத்திருந்தாலும் எடுத்து விடுவான்’’

(ஈரல்குலை - நுரையீரல்)

என்ற வழக்குத் தொடர் எடுத்துரைக்கின்றது.

மேலும் பொருளைக் காப்பவரின் திறத்தை விட அதிகத் திறம் படைத்தவர் கள்வரே ஆவர் என்பதை,

‘‘கள்ளன் பெரிசா? காப்பான் பெரிசா?’’

என்ற பழமொழி தெளிவுறுத்துகின்றது.

களவு செய்வோரில் இழிந்த, ஒன்றுக்கும் உதவாத பொருளைத் திருடுவோரும் உண்டு. அத்தகைய திருடர்களின் செயலை,

‘‘களவாங்கத் தெரியாதவன் கந்தையைக்
களவாண்ட கதைதான்’’

‘‘ஒழியத் தெரியாதவன் தலையாரி வீட்டில்
ஒழிஞ்ச கதைதான்’’

என்ற பழமொழிகள் எடுத்துரைக்கின்றன.

பழந்துணி, அதிலும் கிழிந்து நைந்த கந்தைத் துணி; ஒன்றுக்கு உதவாதது; அதனை யாரும் எடுக்க மாட்டார்கள். அதைப் போய்த் திருடிவிட்டு, தப்பித்து ஓடுபவன் தன்னைத் துரத்துபவர்களிடமிருந்து தப்பிக்கப் பாதுகாப்பான இடத்திற்குச் சென்று மறைந்து கொள்ளாமல் திருடர்களைப் பிடித்துக் கொடுக்கும் தலையாரி வீட்டிற்குச் சென்று ஒழிந்து கொண்டால் அகப்பட்டு விடுவான். திருடர்களின் செயல்பாடுகளைக் குறிப்பதாக இப்பழமொழிகள் அமைந்துள்ளன.

திருடாதே

பல நாள்களாக ஒருவன் திருடிக் கொண்டே இருக்கின்றான். அவன் எப்போதும் திறமையானவனாக இருந்து விட முடியுமா? முடியாது. புதிது புதிதாகத் திருடுவதில் ஒருவன் திறமை காட்டித் திருடினாலும் என்றாவது ஒரு நாள் அவனைப் பிடித்து விடுவர் என்பதனை,

‘‘பல நாள் திருடன் ஒருநாள் அகப்படுவான்’’

என்ற பழமொழி எடுத்துரைக்கின்றது. திருடுவது குற்றம். ஒருநாள் அனைத்திற்கும் சேர்த்து தண்டனை கிடைக்கும்; அது துன்பத்தில் ஆழ்த்தும் என்பதை உணர்ந்து திருட்டுப் பழக்கத்தைக் கைவிட்டுத் திருந்தி வாழ வேண்டும் என்ற அறநெறிக் கருத்தினையும் இப்பழமொழி எடுத்துரைப்பது நோக்கத்தக்கது.

ஏழ்மை நிலையிலோ, பொருள் இல்லாத நிலையிலோ மட்டும் ஒருவன் திருடுவதில்லை. உழைக்கின்ற நோக்கம் இல்லாத போதும் திருட முயற்சிக்கின்றான். உழைக்க வேண்டும் என்ற எண்ணம் மனதில் உருவாகி விட்டால் திருட வேண்டும் என்ற நோக்கம் மனதில் எழாது. மேலும் பிறர் பொருளைக் கவர்ந்து சேர்த்தால் அது வளராது. வளர்வது போன்று இருந்தாலும் அதில் உண்மையில்லை. அது தன்னிடம் உள்ள பொருள் அத்தனையையும் அழித்து விடும். அதனால் பிறர் பொருளைக் களவு செய்தல் கூடாது. இதனை ஒவ்வொருவரும் மனதில் வைத்து வாழ வேண்டும். பிறரை ஏமாற்றித் திருடிச் சேர்த்த பொருள் நிலைக்காது. அது எவ்வாறு தீயவழியில் வந்ததோ அது போன்றே போய்விடும். அதனால் பிறர் பொருளைக் கவர்ந்து தனக்காகச் சேர்த்து வைப்பது கூடாது. அது வாழ்க்கையில் துன்பத்தை ஏற்படுத்துவதோடு அழிந்து போய்விடும். அதனால் பிறர் பொருளைத் திருடக் கூடாது என்ற பண்பாட்டு நெறிகளை,

‘‘களவு அளவைக் குறைக்கும்’’

‘‘கபடால் வந்த சொத்து மோட்டு (முகடு) வழியாப் போயிரும்’’

என்ற பழமொழிகள் எடுத்துரைக்கின்றது.

இதில் கபடு என்பது தீய வழி என்று பொருள்படும். அவ்வாறு தவறான வழியில் சேர்த்த சொத்து எப்படி வந்ததோ அப்படியே போய்விடும் என்பதால் நேரிய வழியிலேயே பொருள்களை, உடைமைகளைச் சேர்க்க வேண்டும். அதுவே வாழ்வில் மனநிறைவைத் தரும் என்பதை அறிவுறுத்தித் திருடாதே என்ற பண்பாட்டுக் கருத்தினை நமது மனதில் இப்பழமொழி பதிய வைக்கின்றது. களவை ஒழித்து, உயர்வை, மனதில் வைத்து உழைத்தால் உழைப்பவருடைய வாழ்வு மட்டுமல்லாது சமுதாயமும் உழைக்கின்ற உயர்ந்த சமுதாயமாக மாறும் என்ற பண்பாட்டுச் சிந்தனையைக் களவு பற்றிய பழமொழிகள் நமக்கு வழங்குகின்றன.


*****


இது முத்துக்கமலம் இணைய இதழின் படைப்பு.

இணைய பக்க முகவரி: http://www.muthukamalam.com/essay/serial/p5b.html


ISSN 2454 - 1990
சிறந்த நூலாசிரியர் பரிசு

மாண்புமிகு தமிழ்நாடு முதலமைச்சர் ஜெ. ஜெயலலிதா அவர்களிடமிருந்து ‘தமிழ் விக்கிப்பீடியா’ எனும் நூலுக்காகத் தமிழ்நாடு அரசின் தமிழ் வளர்ச்சித் துறையின் சிறந்த நூலாசிரியருக்கான பரிசு மற்றும் பாராட்டுச் சான்றிதழினைப் பெறுகிறார் தேனி மு. சுப்பிரமணி (13-04-2012)



வலையொளிப் பதிவுகள்
  பெரியார் சொல்லும் திராவிடத் திருமணங்கள்

  எம்.ஜி.ஆர் நடித்த திரைப்படங்கள்

  சைனிக் பள்ளி சேர்க்கைக்கான நுழைவுத்தேர்வு

  கௌரவர்கள் யார்? யார்?

  தமிழ் ஆண்டுப் பெயர்கள்

  பிள்ளையார் சுழி வந்தது எப்படி?

  வருவது போவது, வந்தால் போகாது, போனால் வராது...?

  பண்டைய படைப் பெயர்கள்

  ஸ்ரீ அன்னை உணர்த்திய மலர்கள்

  மாணவன் எப்படி இருக்க வேண்டும்?

  மரம் என்பதன் பொருள் என்ன?

  நீதி சதகம் கூறும் நீதிகள்

  மூன்று மரங்களின் விருப்பங்கள்

  மனிதன் கற்றுக் கொள்ள வேண்டிய குணங்கள்

  மனிதனுக்குக் கிடைத்த கூடுதல் ஆயுட்காலம்

  யானை - சில சுவையான தகவல்கள்

  ஒரு இரவுக்குள் நாலு கோடி பாடல்

  புகழ்ச்சிக்குப் பின்னால் வருவது...?

  நான்கு வகை மனிதர்கள்

  தேனி எஸ். மாரியப்பன் சிரிப்புகள் - I

  மாபாவியோர் வாழும் மதுரை

  கிருபானந்த வாரியார் பொன்மொழிகள் - I

  தமிழ்நாட்டு மக்களுக்கு ஒன்னு வைக்க மறந்துட்டானே...?

  குபேரக் கடவுள் வழிபாட்டு முறை

  மூன்று வகை மனிதர்கள்

  உலக மகளிர் நாள் விழா - முத்துக்கமலம் உரை






வலைப்பூவில் முத்துக்கமலம் இணைக்க...



சிரிக்க சிரிக்க
எரிப்பதா? புதைப்பதா?
அறிவை வைக்க மறந்துட்டானே...!
செத்தும் செலவு வைப்பாள் காதலி!
வீரப்பலகாரம் தெரியுமா?
உங்களுக்கு ஒண்ணுமே இல்ல...!
இலையுதிர் காலம் வராது!
கண்ணதாசனின் நகைச்சுவைகள்
குறைச்சுத்தான் எடை போடறாரு...!
அவருக்கு ஒரு விவரமும் தெரியலடி!
குனிஞ்ச தலை நிமிராத பொண்ணு...?
இடத்தைக் காலி பண்ணுங்க...!
சொறி சிரங்குக்கு ஒரு பாடல்!
மாமியாரு பச்சைக்கிளி மாதிரி!
மாபாவியோர் வாழும் மதுரை
இளைய பெண்ணைக் கட்டித் தருவீங்களா?
ஸ்ரீரங்கத்து யானைக்கு நாமம்!
அகிலாவை அபின்னு கூப்பிடுறியே...?
ஆறு தலையுடன் தூங்க முடியுமா?
கவிஞரை விடக் கலைஞர்?
பேயைப் பார்க்க ஒரு வாய்ப்பு!
கடைசியாகக் கிடைத்த தகவல்!
மூன்றாம் தர ஆட்சி
பெயர்தான் கெட்டுப் போகிறது!
தபால்காரர் வேலை!
எலிக்கு ஊசி போட்டாச்சா?
சவ ஊர்வலத்தில் எப்படிப் போவது?
சம அளவு என்றால்...?
குறள் யாருக்காக...?
எலி திருமணம் செய்து கொண்டால்?
யாருக்கு உங்க ஓட்டு?
வரி செலுத்தாமல் ஏமாற்றுவது எப்படி?
கடவுளுக்குப் புரியவில்லை...?
முதலாளி... மூளையிருக்கா...?
குட்டிக்கதைகள்
எல்லாம் நன்மைக்கே...!
மனிதர்களது தகுதி அறிய...
உள்ளங்கைகளில் ஏன் முடி இல்லை?
இனிப்புப் பேச்சில் ஏமாறலாமா?
அழுது புலம்பி என்ன பயன்?
புகழ்ச்சிக்குப் பின்னால் வருவது...?
கடவுளைக் காண உதவும் கண்ணாடி
தகுதியில்லாதவருக்கு தந்த அடைக்கலம்
உயரத்தில் இருந்தால் மதிப்பு கிடைக்குமா?
ராமன் ராவணனிடம் கேட்ட அறிவுரை?
அழியப் போவதில் ஆசை வைக்கலாமா?
கழுதைக்குக் கிடைக்குமா வாய்ப்பு?
எல்லாம் ஒரு கோவணத்துக்காக...!
சிங்கத்திற்கு வாழைப்பழம்!
வலை வீசிப் பிடித்த வேலை
சாவிலிருந்து தப்பிக்க என்ன வழி?
இறை வழிபாட்டிற்கு ஏற்ற வயது எது?
கல்லெறிந்தவனுக்கு பழமா?
சிவபெருமான் முன்பு காலை நீட்டலாமா?
வீண் புகழ்ச்சிக்கு ஆசைப்படலாமா?
ராமன் எப்படி ராமச்சந்திரன் ஆனார்?
அக்காவை மணந்த ஏழை?
சிவபெருமான் செய்த பாகப்பிரிவினை!
இராமன் சாப்பாட்டு இராமனா?
சொர்க்கத்திற்குள் நுழைய இலஞ்சம்
புண்ணிய நதிகளில் நீராடினால் போதுமா?
பயமிருப்பவன் வாழ்வில் முன்னேற முடியுமா?
தகுதி இல்லாமல் தம்பட்டம் அடித்துக் கொள்ளலாமா?
கழுதையின் புத்திசாலித்தனம்
விற்ற மரத்தைத் திருப்பிக் கேட்கலாமா?
தலைமை ஒன்றுக்கு அதிகமாக இருக்கலாமா?
சொர்க்கமும் நரகமும் எப்படிக் கிடைக்கின்றன?
திரிசங்கு சுவர்க்கம் என்று ஏன் சொல்கிறார்கள்?
புத்திசாலி வாயைத் திறக்கலாமா?
இறைவன் தப்புக் கணக்கு போடுவானா?
ஆணவத்தால் வந்த அழிவு!
சொர்க்கத்துக்கான நுழைவுச்சீட்டு
சொர்க்க வாசல் திறக்குமா...?
வழுக்கைத் தலைக்கு மருந்து
மனைவிக்குப் பயப்படாதவர்
சிங்கக்கறி வேண்டுமா...?
வேட்டைநாயின் வருத்தம்
ஆன்மிகம் - இந்து சமயம்
ஆலயத்தினுள் கடைப்பிடிக்க வேண்டிய விதிகள்
தானம் செய்வதால் வரும் பலன்கள்
முருகனுக்கு காவடி எடுப்பது ஏன் தெரியுமா?
பிரதோஷம் எப்படி விஷேசமானது?
விநாயகர் சில சுவையான தகவல்கள்
சிவராத்திரி விஷேசமானது ஏன்?
முருகனுக்கு ஏன் இத்தனை பெயர்கள்?
தமிழகத்திலுள்ள நவ கைலாயங்கள்
கேரளாவின் 108 துர்க்கை கோயில்கள்
எப்படி வந்தது தீபாவளி?
தசரதனுக்கு ஏன் நான்கு பிள்ளைகள்?
ஸ்ரீ கிருஷ்ணன் பூமியில் வாழ்ந்த காலம் எவ்வளவு?
ஆலயத்திற்குச் சென்று வழிபடுவது அவசியமா?
அனுமனுக்கு வடை மாலை ஏன்?
திருநீறு எங்கெல்லாம் பூசலாம்?
விநாயகருக்கு முதல் மரியாதை ஏன்?
கீதை சொல்லும் சொல்லக்கூடாத விசயங்கள்
சிவபெருமானின் 64 திருக்கோலங்கள்
முருகா என்றால் என்ன கிடைக்கும்?
குரு சீடனை ஏற்கும் தீட்சை முறைகள்
விபூதியின் தத்துவம்
கோயில்களில் பாலியல் சிற்பங்கள் ஏன்?
தீபாவளியன்று என்ன செய்ய வேண்டும்?
கிருஷ்ணர் கண்ணை மூடிக் கொண்டது ஏன்?
இறைவன் ஆடிய நடனங்கள்
யாரை வணங்கலாம்? யாரை வணங்கக் கூடாது?
செய்யக்கூடியதும் செய்யக்கூடாததும்
கணவனைக் காக்கும் சாவித்திரி நோன்பு
விநாயகர் வழிபாட்டுக்கான இலைகள்

தேனி மு. சுப்பிரமணி எழுதிய நூல்கள்

                                      


இங்குள்ள படைப்புகளை வணிக நோக்கமின்றி “படைப்பாளர் பெயர் மற்றும் நன்றி: முத்துக்கமலம் இணைய இதழ்” என்று குறிப்பிட்டுப் பகிர்ந்து கொள்ளலாம்
Creative Commons License
This work is licensed under a Creative Commons Attribution-NonCommercial-ShareAlike 4.0 International License